କଟକ ହିଟ୍ ଆଣ୍ଡ ରନ୍ ମାମଲାର ପର୍ଦ୍ଦାଫାଶ, ଟିପର୍ ଚାଳକ ଗିରଫ

Sep 13, 2026 - 10:16

କଟକ ହିଟ୍ ଆଣ୍ଡ ରନ୍ ମାମଲାର ପର୍ଦ୍ଦାଫାଶ, ଟିପର୍ ଚାଳକ ଗିରଫ

ନନ୍ଦିଘୋଷ ବ୍ୟୁରୋ : କଟକ ନିକଟରେ ଘଟିଥିବା ଏକ ହିଟ୍ ଆଣ୍ଡ ରନ୍ ମାମଲାର ପର୍ଦ୍ଦାଫାଶ କରିଛି କମିଶନରେଟ ପୋଲିସ । ଘଟଣାରେ ସଂପୃକ୍ତ ଅଭିଯୁକ୍ତ ଡ୍ରାଇଭରକୁ ଗିରଫ କରିଛି ପୋଲିସ । ଏ ସଂକ୍ରାନ୍ତରେ ଚାଉଳିଆଗଞ୍ଜ ଥାନାରେ କେସ୍ ରୁଜୁ ହୋଇଥିଲା । ଗତ ୮ ତାରିଖ ରାତିରେ ଦୁଇଜଣ ଯୁବକ ଏକ ବାଇକରେ କଲେଜ ଛକ ଅଭିମୁଖେ ଯାଉଥିବା ବେଳେ OMP ଅଞ୍ଚଳ ନିକଟରେ ଏକ ଅଜଣା ଗାଡ଼ି ସେମାନଙ୍କୁ ଧକ୍କା ଦେଇଥିଲା । ଦୁଇଜଣଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ SCB ମେଡିକାଲ ନିଆଯାଇଥିଲେ ମଧ୍ୟ ଡାକ୍ତର ମୃତ ଘୋଷଣା କରିଥିଲେ । ମାମଲାର ତଦନ୍ତ ସମୟରେ ପୋଲିସ ବିଭିନ୍ନ ସ୍ଥାନର CCTV ଫୁଟେଜ୍, ପ୍ରତ୍ୟକ୍ଷଦର୍ଶୀଙ୍କ ବୟାନ ଏବଂ RTO ତଥ୍ୟର ବିଶ୍ଳେଷଣ କରି ଦୁର୍ଘଟଣା ଘଟାଇଥିବା ଟିପରକୁ ଚିହ୍ନଟ କରିଥିଲା । ଟିପର୍ ଚାଳକ କାଳିଆ ଓରଫ୍ ପିପିନା ନାୟକକୁ ଗାଡି ସହ ଧରିଛି ପୋଲିସ ।

ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ nandighosha-tv-ନନ୍ଦିଘୋଷ-ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।