ଆମେରିକା ନିର୍ବାଚନରେ ଜେନ ଆଲଫା କମ୍ପାନୀର ପ୍ରଭାବ !

ନନ୍ଦିଘୋଷ ବ୍ୟୁରୋ: ଆମେରିକରାରେ କ୍ରିପ୍ଟୋ, ଏଆଇ ଏବଂ ଅନଲାଇନ ବେଟିଂ ବ୍ୟବସାୟରୁ କମ୍ପାନୀ ଗୁଡିକ ପ୍ରଚୁର ପରିମାଣର ଟଙ୍କା ରୋଜଗାର କରିଛି । ଏହି କମ୍ପାନୀ ଗୁଡିକ ୨୦୨୬ ମଧ୍ୟବର୍ତ୍ତୀକାଳୀନ ନିର୍ବାଚନରେ ଅନେକ ଟଙ୍କା ଖର୍ଚ୍ଚ ମଧ୍ୟ କରୁଛନ୍ତି। ଆମେରିକା ପୂବର୍ରୁ ବର୍ଲ ଷ୍ଟ୍ରିଟ୍ ଓ ତେଲ କମ୍ପାନୀ ଗୁଡିକଠାରୁ ପାଉଥିବା ଟଙ୍କା ରାଜନୀତିରେ ଲଗାଉଥିଲା। ହେଲେ ବର୍ତମାନ ରାଜନୀତି ଫଣ୍ଡିଙ୍ଗରେ କ୍ରିପ୍ଟୋ କରେନ୍ସି , ଏଆଇ ଏବଂ ଅନଲାଇନ ବେଟିଂରେ ଜଡିତ ନୂଆ ଜେନଆଲ୍ଫା କମ୍ପାନୀ ଗୁଡିକ ସବୁଠାରୁ ଅଧିକ ଟଙ୍କା ନିବେଶ କରୁଛନ୍ତି  । ୨୦୨୬ ମଧ୍ୟବର୍ତିକାଳୀନ ନିର୍ବାଚନ ପୂର୍ବରୁ  ଏହି ୩ କମ୍ପାନୀ ମାନେ ମିଶି ଆମେରିକୀୟ ସଂସଦୀୟ ନିର୍ବାଚନରେ ପ୍ରାୟ ୫୧୭ ମିଲିୟନରୁ ଅଧିକ ଟଙ୍କା ଖର୍ଚ୍ଚ କରିସାରିଲେଣି ।

ଖବର ମୂତାବକ ଆମେରିକିୟ କମ୍ପାନୀଗୁଡିକ ୨୦୨୬ ହାଉସ ଆଉ ସିନେଟ ନିର୍ବାଚନ ପାଇଁ ୧୫ ମାସର ପ୍ରଥମ ତିନି ମାସରେ ୫୧.୭ କୋଟି ଡଲାର ଖର୍ଚ୍ଚ କରିସାରିଲେଣି । ୨୦୨୪ରେ ନିର୍ବାଚନରେ ହୋଇଥିବା ଖର୍ଚ୍ଚର ୪୬.୧ ଡଲାରର ପୂର୍ବ ରେକର୍ଡ ଠାରୁ ଅଧିକ । ନଭେମ୍ବରରେ ହେବାକୁ ଥିବା ନିର୍ବାଚନ ପୂବରୁ ଖର୍ଚ୍ଚର ପରିମାଣ ଅଧିକ ହବାର ସମ୍ଭାବନା ରହିଛି ।

୦୧ ଜାନୁୟାରୀ ୨୦୨୫ର ପ୍ରଥମ ତିନିମାସ ମଧ୍ୟରେ କ୍ରିପ୍ଟୋ, ଟେକ ଓ ଅନଲାଇନ ଗେମିଂ କମ୍ପାନୀ ଗୁଡିକ ପ୍ରାୟତଃ ୨୯.୪ କୋଟି ନିର୍ବାଚନ ରାଜନୀତିରେ ଲଗାଇଥିଲେ । ଏହି କମ୍ପାନୀ ଗୁଡିକ ଏପରି ପ୍ରାର୍ଥୀ ଓ ନୀତିକୁ ସମର୍ଥନ ଦେବାକୁ ଚାହେଁ ଯେଉଁମାନେ ତାଙ୍କ କ୍ଷେତ୍ରରେ କମ୍ ଶକ୍ତ ନିୟମ ପକ୍ଷରେ ହେବ ।

୨୦୨୬ ମଧ୍ୟବର୍ତିକାଳୀନ ନିର୍ବାଚନରେ ରାଜନୀତି ବିଜ୍ଞାପନରେ ୧୧.୬ ଅରବ ଡଲାର ଖର୍ଚ୍ଚ ହୋଇପାରେ । ଏହା ୨୦୨୩-୨୪ ନିର୍ବାଚନ ଚକ୍ରର  ୧୧.୨ ଅରବ ଡଲର ପୂର୍ବ ରେକର୍ଡ କୁ ମଧ୍ୟ ପଛରେ ପକେଇଦେବ ।

ଆମେରିକା ୨୦୨୬ ମଧ୍ୟବର୍ତିକାଳୀନ ନିର୍ବାଚନରେ କ୍ରିପ୍ଟୋ, ଏଆଇ ଏବଂ ଅନଲାଇନ ବେଟିଂ କମ୍ପାନୀର ବଢ଼ୁଥିବା ହସ୍ତଖେପ ଆମେରିକା ରାଜନୀତିରେ ଶକ୍ତି ସନ୍ତୁଳନ ବଦଳିବା ନେଇ ଏହା ଏକ ସଂକେତ । ପୂବର୍ରୁ ବର୍ଲ ଷ୍ଟ୍ରିଟ୍ ଓ ତେଲ କମ୍ପାନୀ ଗୁଡିକ ରାଜନିତୀ ଫଣ୍ଡିଙ୍ଗ ର ସବୁଡୁ ବଡ ଶକ୍ତି ଥିଲା । ହେଲେ ଏବେ ନୂଆ ଟେକନିକ ଏବଂ ଡିଜିଟାଲ ଅର୍ଥ ବ୍ୟବସ୍ଥା ରୁ ହୋଇଥିବା ଧନୀଲୋକ ଓ କମ୍ପାନୀ ଗୁଡିକ ଆମେରିକା ନିର୍ବାଚନ ରାଜନୀତିର ନୂଆ କିଙ୍ଗ ମେକର ହୋଇ ବାହାରୁଛନ୍ତି ।