ସରକାର ନେଲେ ବଡ଼ ପଦକ୍ଷେପ: ବିକ୍ଷୋଭସ୍ଥଳରୁ ସୋନମ ୱାଙ୍ଗଚୁକଙ୍କୁ ହଟାଇଲା ଦିଲ୍ଲୀ ପୋଲିସ, ଉଠାଇନେଇ…
ନୂଆଦିଲ୍ଲୀ, ୧୮।୭: NEET ପେପର ଲିକ୍ ଏବଂ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା ଦାବିରେ ଜନ୍ତର-ମନ୍ତରରେ ବିକ୍ଷୋଭ ପ୍ରଦର୍ଶନ କରୁଥିବା ଶିକ୍ଷାବିତ୍ ସୋନମ ୱାଙ୍ଗଚୁକଙ୍କୁ ଦିଲ୍ଲୀ ପୋଲିସ ସେଠାରୁ ହଟାଇ ଦେଇଛି। ଚିକିତ୍ସା ପାଇଁ ଦିଲ୍ଲୀ ପୋଲିସ ତାଙ୍କୁ ଡାକ୍ତରଖାନା ନେଇଛି। ଗତ ୨୦ ଦିନ ହେବ ସୋନମ ୱାଙ୍ଗଚୁକ ଅନଶନରେ ବସିଥିଲେ।
ଏହି ସମୟରେ ଦିଲ୍ଲୀ ପୋଲିସ ପକ୍ଷରୁ ଅଭିଜିତ ଦୀପକେଙ୍କୁ ମଧ୍ୟ ଅଟକ ରଖାଯାଇଛି। ଅଭିଜିତ ଦୀପକେ ସୋସିଆଲ ମିଡିଆ ପୋଷ୍ଟରେ ଦିଲ୍ଲୀ ପୋଲିସ ଉପରେ ମାଡ଼ ମାରିଥିବା ଅଭିଯୋଗ କରିଛନ୍ତି। ସେ କହିଛନ୍ତି, “ଦିଲ୍ଲୀ ପୋଲିସ ମତେ ମାଡ଼ ମାରିଛି ଏବଂ ଅଟକ ରଖିଛି।”
କକରୋଚ ଜନତା ପାର୍ଟି (ସିଜେପି) ପ୍ରବକ୍ତା ସୌରଭ ଦାସ ଏହି ବିଷୟରେ ସୂଚନା ଦେଇଛନ୍ତି। ସେ କହିଛନ୍ତି ଯେ ଦିଲ୍ଲୀ ପୋଲିସ ଅଭିଜିତ ଦୀପକେଙ୍କୁ ତାଙ୍କ ରହିବା ସ୍ଥାନରେ ଅଟକାଇ ଦେଇଛି। ମତେ ଲୋକଙ୍କଠାରୁ ଜଣାପଡ଼ିଛି ଯେ ସୋନମ ୱାଙ୍ଗଚୁକଙ୍କୁ ବିକ୍ଷୋଭ ସ୍ଥଳରୁ ଉଠାଇ ନିଆଯାଇଛି। ଛାତ୍ରମାନଙ୍କ ଉପରେ ଲାଠିଚାର୍ଜ କରାଯାଉଛି। ସୂଚନାଯୋଗ୍ୟ ଯେ, ସୋନମ ୱାଙ୍ଗଚୁକ ଜୁନ ୨୮ରୁ ଅନଶନରେ ବସିଛନ୍ତି।
ଜନ୍ତର-ମନ୍ତରରେ ସିଜେପି ନେତୃତ୍ୱରେ ଚାଲିଥିବା ବିକ୍ଷୋଭ ପ୍ରଦର୍ଶନ ମଧ୍ୟରେ ୨୦ ଜୁଲାଇରେ ବିକ୍ଷୋଭକାରୀମାନେ ସଂସଦ ମାର୍ଚ୍ଚର ସୂଚନା ଦେଇଥିଲେ। ହେଲେ ଏହା ପୂର୍ବରୁ ହିଁ ସୋନମ ୱାଙ୍ଗଚୁକଙ୍କୁ ବିକ୍ଷୋଭ ସ୍ଥଳରୁ ହଟାଇ ଦିଆଯାଇଛି। ଅନ୍ୟପଟେ ଛାତ୍ରମାନଙ୍କୁ ମଧ୍ୟ ସେଠାରୁ ଚାଲିଯିବାକୁ କୁହାଯାଇଛି।
Odisha’s No.1 Odia Daily
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
