ଶ୍ରୀକ୍ଷେତ୍ରପୁରୀ-ଶାବର ଶ୍ରୀକ୍ଷେତ୍ର ସ୍ପେଶାଲ ଟ୍ରେନ ଚଳାଚଳ ଆଜି, ଉଦଘାଟନ କରିବେ କେନ୍ଦ୍ର ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ
କେସିଙ୍ଗା, ୬।୭,( ତୁମେଶ୍ୱର ସାହୁ): ଶ୍ରୀକ୍ଷେତ୍ରପୁରୀରୁ ଶାବର ଶ୍ରୀକ୍ଷେତ୍ର କୋରାପୁଟ ସ୍ପେସିଆଲ ଏକ୍ସପ୍ରେସ ଟ୍ରେନ ନ .୦୮୪୦୯ ଟ୍ରେନକୁ କେନ୍ଦ୍ର ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ ପୁରୀରୁ ସୋମବାର ପୂର୍ବାହ୍ନ ୧ଟା ଶୁଭାରମ୍ଭ କରିବେ। ଉକ୍ତ ଟ୍ରେନଟି ସପ୍ତାହକୁ ତିନିଦିନ ଚାଲିବ। ରେଳ ବିଭାଗର ଚିଠି ଅନୁଯାୟୀ ଟ୍ରେନଟି ପୁରୀରୁ ସୋମବାର , ଗୁରୁବାର ଓ ଶନିବାର ବାହାରିବ ଏବଂ କୋରାପୁଟରୁ ମଙ୍ଗଳବାର, ଶୁକ୍ରବାର ଓ ରବିବାର ବାହାରିବ ବୋଲି ରେଲୱେ ବିଭାଗ ସ୍ପଷ୍ଟ କରିଛି। ଏହି ସ୍ପେସିଆ ଟ୍ରେନ ପୁରୀ ,ସମ୍ବଲପୁର, ବଲାଙ୍ଗିର, ଟିଟିଲାଗଡ, କେସିଙ୍ଗା ଦେଇ ମୁନିଗୁଡା, ରାୟଗଡ଼ା ଦେଇ କୋରାପୁଟ ଦେଇ ଚାଲିବ। ସେପଟେ କିଛି ମାସ ପୂର୍ବରୁ ବ୍ରହ୍ମପୁର ଉଧନା ଅମୃତ ଭାରତ ଟ୍ରେନ ସପ୍ତାହକୁ ତିନି ଦିନ ଚାଲିଥୁଲା ପରେ ୫ ଦିନ ହେଲା ସୋମବାର ଠାରୁ ଦୈନିକ ଚାଲିବ ବୋଲି ରେଳବିଭାଗ ସ୍ପଷ୍ଟ କରିଛି। ଏହି ପୁରୀ -କୋରାପୁଟ ଟ୍ରେନକୁ କଳାହାଣ୍ଡି ରେଳ ଯାତ୍ରୀ ସଙ୍ଘ କେସିଙ୍ଗା ପକ୍ଷରୁ ସ୍ବାଗତ କରିବାର ସଙ୍ଘ ସଭାପତି ସୁବାଷ ଜୈନ ପ୍ରକାଶ କରିଛନ୍ତି। ଏହି ଟ୍ରେନ ଚାଲିବା ଦ୍ୱାରା କୋରାପୁଟ ,ପଶ୍ଚିମ ଓଡ଼ିଶାର ଲୋକଙ୍କ ଗମନାଗମନ କ୍ଷେତ୍ରରେ ସୁବିଧା ହେବା ସହ ବାଣିଜ୍ୟ କ୍ଷେତ୍ରରେ ମଧ୍ୟ ବୃଦ୍ଧି ପାଇବ ଏବଂ ଯାତ୍ରୀ ମାନେ ସୁବିଧାରେ ଲକ୍ଷ ସ୍ଥଳକୁ ଠିକ ସମୟରେ ପହଞ୍ଚି ପାରିବେ ବୋଲି କୁହାଯାଉଛି।
