ରାଜକନିକାରେ ଚାଞ୍ଚଲ୍ୟ, ଯୁବକଙ୍କ ହାତକୁ ଧାରୁଆ ଅସ୍ତ୍ରରେ ହାଣି ଫେରାର ମାରିଲେ…

ରାଜକନିକା,୬।୭(ସଞ୍ଜୟ କୁମାର ଦାଶ): ରାଜକନିକା ଥାନା ଅଞ୍ଚଳରେ ସୋମବାର ଦିବା ୧୦ ଘଟିକା ସମୟରେ ଘଟିଯାଇଛି ଏକ ଚାଞ୍ଚଲ୍ୟକର ଘଟଣା । ବରୁଣାଡିଆ ଗାଁର ଯୁବକ ଜଣକ ଆରସା ଗାଁର ଜଣେ ଯୁବକଙ୍କ ଡାହାଣ ହାତର ପାପୁଲିକୁ ଏକ ଧାରୁଆ ଅସ୍ତ୍ରରେ ହାଣି ଘଟଣାସ୍ଥଳରୁ ଫେରାର ହୋଇଯାଇଛି । ଖବରପାଇ ରାଜକନିକା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଚଳାଇଥିବା ଥାନା ଅଧିକାରୀ ସଞ୍ଜୟ କୁମାର ମଲ୍ଲିକ ସୂଚନା ଦେଇଛନ୍ତି ।

ସୂଚନା ଅନୁଯାୟୀ ବାଘବୁଦା ପଞ୍ଚାୟତ ଆରସା ଗାଁର ଗୋଲଖ ଥାଟୋଇଙ୍କ ପୁଅ ସୌରଭ ଥାଟୋଇ(୨୧) ଆଜି ସକାଳ ସମୟରେ କୌଣସି କାର୍ଯ୍ୟ ପାଇଁ ତାଙ୍କ ମାମୁଁଘର ବରୁଣାଡିହାକୁ ଯାଇଥିଲେ । ଫେରିବା ବାଟରେ ଗାଡି ଚଳାଉଥିବା ଅବସ୍ଥାରେ ବରୁଣାଡିହା ଗାଁର ଜଣେ ୪୫ ବର୍ଷିୟ ବ୍ୟକ୍ତି ହଠାତ ତାଙ୍କୁ ଏକ ଧାରୁଆ ଅସ୍ତ୍ର ସାହାଯ୍ୟରେ ଆକ୍ରମଣ କରିଥିଲେ । ଆକ୍ରମଣରେ ସୌରଭଙ୍କ ଡାହାଣ ହାତ ପାପୁଲି ପାଖରୁ କଟି ଯାଇଛି । ସ୍ଥାନୀୟ ଲୋକେ ରାଜକନିକା ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ରକୁ ଆଣିଥିଲେ । ସେଠାରେ ତାଙ୍କୁ ପ୍ରଥମିକ ଚିକିତ୍ସା ପରେ କଟକ ବଡ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି । ତାଙ୍କ ଡାହାଣ ହାତ ପାପୁଲିରୁ ଅତ୍ୟଧିକ ରକ୍ତସ୍ରାବ ବନ୍ଦ ନ ହେବାରୁ ତାଙ୍କୁ ସ୍ଥାନାନ୍ତର କରାଯାଇଥିବା ଚିକିତ୍ସା କରୁଥିବା ଡାକ୍ତର କହିଛନ୍ତି ।

ଅନ୍ୟପକ୍ଷରେ ଘଟଣା ଘଟାଇଥିବା ଯୁବକ ଫେରାର ହୋଇଯାଇଥିବା ବେଳେ, ତାଙ୍କ ମୁଣ୍ଡ ଠିକ୍ ଭାବେ କାମ କରୁନଥିବା ସ୍ଥାନୀୟ ଲୋକେ କହିଛନ୍ତି । ତେବେ କାହିଁକି ଓ କେଉଁ କାରଣ ପାଇଁ ଏମିତି ଅଭାବନୀୟ କାଣ୍ଡ ଘଟାଇଛି ତାହା ଏ ପର୍ଯ୍ୟନ୍ତ ଜଣାପଡିନାହିଁ । ପୋଲିର ଏକ ଟିମ ତନାଘନା କରୁଛନ୍ତି, ଖୁବଶୀଘ୍ର ଧରାପଡିବ ବୋଲି ଥାନା ଅଧିକାରୀ କହିଛନ୍ତି ।