ମାଜିଷ୍ଟ୍ରେଟଙ୍କ ଆଦେଶ ପରେ ହାଜର ହୋଇନଥିଲେ ଦୁଇ ଭାଇ, ଗଲେ ଜେଲ୍
ଦିଗପହଣ୍ଡି,୧୫।୭(ଅଶେଷ ନାଥ ମିଶ୍ର): ଗଞ୍ଜାମ ଜିଲା ସାନଖେମୁଣ୍ଡି ବ୍ଲକ ନିସ୍ତିିପୁର ଗ୍ରାମର ଟୁକୁନା ବିଶ୍ଵାଳ ଓ ମଙ୍ଗୁଳୁ ବିଶ୍ଵାଳ ଦୁଇ ଭାଇଙ୍କୁ ବୁଧବାର ପାଟପୁର ପୋଲିସ ୱାରେଣ୍ଟ ବଳରେ ଗିରଫ କରି ବ୍ରହ୍ମପୁର ଜିଲା ଜଜ କୋର୍ଟକୁ ଚାଲାଣ କରିଛନ୍ତି। ଅଭିଯୁକ୍ତ ଦୁଇ ଭାଇ ମାଜିଷ୍ଟ୍ରେଟଙ୍କ ଆଦେଶ ପ୍ରକାରେ କୋର୍ଟରେ ହାଜର ହୋଇନଥିବା କାରଣରୁ ମାମଲା ନଂ.ଏସ.ଟି ୭୭/୨୬ ଆଇ.ପି.ସି ର ଦଫା – ୨୯୪/୩୦୭/୩୨୩/୫୦୬/୩୪ ଅନୁଯାୟୀ ଉଭୟଙ୍କ ବିରୋଧରେ ଜାମିନବିହୀନ ଗିରଫ ପରୱାନା ଜାରି କରାଯାଇଥିଲା ବୋଲି ଆଇଆଇସି ଦୀପ୍ତି ରଞ୍ଜନ ବେହେରା ଜଣାଇଛନ୍ତି । କୋର୍ଟଙ୍କ ଆଦେଶ ପ୍ରକାରେ ପାଟପୁର ଥାନା ପୋଲିସ ଏଏସଆଇ ତ୍ରିନାଥ ଭୋଇ ଅଭିଯୁକ୍ତ ଦୁଇ ଭାଇଙ୍କୁ ଜାମିନ ବିହୀନ ୱାରେଣ୍ଟ ଅନୁଯାୟୀ ଗିରଫ କରି କୋର୍ଟ ଚାଲାଣ କରିଥିଲେ। ଜାମିନ ଆବେଦନ ନାମଞ୍ଜୁର ହେବାରୁ ଉଭୟଙ୍କୁ ବ୍ରହ୍ମପୁର ଜେଲ ହାଜତକୁ ପଠାଇ ଦିଆଯାଇଛି। ସେହିପରି ଖଲିଙ୍ଗିି ରଜକ ସାହିର ମିଥୁନ ସେଠୀଙ୍କ ବିରୋଧରେ ବ୍ରହ୍ମପୁର ଜିଲା ଜଜ କୋର୍ଟ ପକ୍ଷରୁ ମାମଲା ନଂ.ଏସ.ଟି -୨୩୨/୨୫ ଦଫା – ୨୯୬/୧୧୫(୨)/୭୬/୩୫୧(୨) ଅନୁଯାୟୀ ଜାରି କରାଯାଇଥିବା ଜାମିନ ବିହୀନ ୱାରେଣ୍ଟ ବଳରେ ପାଟପୁର ଥାନା ଏଏସଆଇ ସୁଧିର ନାୟକ ତାଙ୍କୁ ଗିରଫ କରି ବୁଧବାର କୋର୍ଟ ଚାଲାଣ କରିଥିବା ଆଇଆଇସି କହିଛନ୍ତି।
Dharitri – Odisha’s No.1 Odia Daily
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
