ଭାରତ ସୀମାରେ ତୁର୍କୀ ନିର୍ମିତ Bayraktar ଡ୍ରୋନ ମୁତୟନ କରୁଛି ବାଂଲାଦେଶ! MQ-9B କିଭଳି ଦେବ ଟକ୍କର ?

ନୂଆଦିଲ୍ଲୀ,୩।୮: ଦ୍ରୁତ ଗତିରେ ବଦଳୁଛି ଯୁଦ୍ଧକ୍ଷେତ୍ର । ସାମରିକ ଏବଂ ସ୍ଥଳର ଅସ୍ତ୍ର ଅପେକ୍ଷା କ୍ଷେପଣାସ୍ତ୍ର ଏବଂ ଡ୍ରୋନର ବ୍ୟବହାର ଅଧିକ ସାଧାରଣ ହୋଇଯାଇଛି। ଗତ ଦୁଇଟି ପ୍ରମୁଖ ଯୁଦ୍ଧ, ରୁଷ-ୟୁକ୍ରେନ ଏବଂ ଆମେରିକା-ଇରାନ, ଆମେ ଦେଖିଛୁ ଯେ ଡ୍ରୋନର ବ୍ୟାପକ ବ୍ୟବହାର କିପରି ବୃଦ୍ଧି ପାଇଛି। ଏହି ପରିପ୍ରେକ୍ଷୀରେ, ତୁର୍କୀର ବେରାକ୍ଟର TB2 ଡ୍ରୋନ ଭାରତର ସୁରକ୍ଷା ପାଇଁ ବିପଦ ଭାବରେ ଉଭା ହୋଇଛି। କାରଣ ତୁର୍କୀ ପାକିସ୍ତାନ ସହିତ ବାଂଲାଦେଶକୁ ମଧ୍ୟ ଏହି ଡ୍ରୋନ ଯୋଗାଇଥାଏ। ଉଭୟ ଦେଶ ତୁର୍କୀର ବେରାକ୍ଟର ଡ୍ରୋନକୁ ନିରୀକ୍ଷଣ ଏବଂ ଗୁଇନ୍ଦା ମିଶନ ପାଇଁ ବ୍ୟବହାର କରନ୍ତି। ଏହା ଭାରତର ସୀମା ନିରୀକ୍ଷଣ ଚ୍ୟାଲେଞ୍ଜକୁ ବୃଦ୍ଧି କରିଛି। ଏହା ବ୍ୟତୀତ, ବାଂଲାଦେଶ ଭାରତୀୟ ସୀମା ନିକଟରେ ବେରାକ୍ଟର TB2 ଡ୍ରୋନ ମୁତୟନ କରିବା ଆରମ୍ଭ କରିଛି।

ଭାରତ କେବେବି ତୁର୍କୀଠାରୁ ଏହି ଡ୍ରୋନ୍ ମାଗି ନାହିଁ, କିନ୍ତୁ ଡ୍ରୋନ୍ ତିଆରି କରୁଥିବା ତୁର୍କୀ କମ୍ପାନୀ Bayraktar ସିଇଓ ହାଲୁକ୍ ବାୟରକତାର ପୂର୍ବରୁ ସ୍ପଷ୍ଟ କରିସାରିଛନ୍ତି ଯେ ସେ ଏହାକୁ ଭାରତକୁ ଯୋଗାଇବେ ନାହିଁ। କାରଣ ତାଙ୍କ ଦେଶ ତୁର୍କୀର ପାକିସ୍ତାନ ସହିତ ଘନିଷ୍ଠ ପ୍ରତିରକ୍ଷା ସମ୍ପର୍କ ଅଛି। ଏବେ, ପ୍ରଶ୍ନ ଉଠୁଛି ଯେ ଭାରତ ପାଖରେ ଏପରି ଡ୍ରୋନ୍ ଅଛି କି ଯାହା ଏହି ଡ୍ରୋନ୍ ସହିତ ପ୍ରତିଯୋଗିତା କରିପାରିବ। ଏହାର ଉତ୍ତର ହେଉଛି ହଁ।

ଭାରତୀୟ ସେନା ୨୦୨୦ ରୁ ସାମୁଦ୍ରିକ ନିରୀକ୍ଷଣ ପାଇଁ ଲିଜ୍ ନେଇଥିବା MQ-9B (SeaGuardian) ଡ୍ରୋନ୍ ବ୍ୟବହାର କରିଆସୁଛି। ଏହାର ମାଲିକାନା ଲିଜ୍ ବ୍ୟବସ୍ଥାରେ ରହିଛି। ଆମେରିକୀୟ ନିର୍ମିତ MQ-9B ଏବଂ ତୁର୍କୀ ନିର୍ମିତ Bayraktar TB2 ଉଭୟ ମଧ୍ୟମ-ଉଚ୍ଚତା, ଦୀର୍ଘ-ସହଜ୍ୟ (MALE) ସାମରିକ ଡ୍ରୋନ। ଏଗୁଡ଼ିକ ମୁଖ୍ୟତଃ ମୂଲ୍ୟ, ଆକାର ଏବଂ କୌଶଳଗତ ପରିସର ମଧ୍ୟରେ ଭିନ୍ନ। ଆମେରିକୀୟ MQ-9 ସିରିଜ୍ ଏକ ଭାରୀ ଏବଂ ଉଚ୍ଚ-ସ୍ତରର 'ଶିକାରୀ-ହତ୍ଯାକାରୀ' ଡ୍ରୋନ, ଯେତେବେଳେ ତୁର୍କୀ Bayraktar TB2 ଏକ ହାଲୁକା ଏବଂ କମ୍ ମୂଲ୍ୟର ଟେକ୍ଟିକାଲ ଆସେଟ୍।

ଆମେରିକା ନିର୍ମିତ MQ-9 ସିରିଜର ପ୍ରତି ୟୁନିଟ୍ ପାଇଁ ୩୦ ମିଲିୟନ ଡଲାରରୁ ରୁ ଅଧିକ ମୂଲ୍ୟ ଆକଳନ କରାଯାଇଛି। ଏହାକୁ ବିଶ୍ୱସ୍ତରୀୟ ରଣନୈତିକ ଗୁଇନ୍ଦା ଅଭିଯାନ, ଦୀର୍ଘ ଦୂରଗାମୀ ଭାରୀ ଆକ୍ରମଣ କ୍ଷମତା ଏବଂ ଉପଗ୍ରହ-ସଂଯୋଜିତ କମାଣ୍ଡ ପାଇଁ ପ୍ରମୁଖ ସାମରିକ ବାହିନୀ ଦ୍ୱାରା ଡିଜାଇନ୍ କରାଯାଇଛି। ତୁର୍କୀ ନିର୍ମିତ Bayraktar TB2 ଡ୍ରୋନ୍ ପ୍ରତି ୟୁନିଟ୍ ପାଇଁ ପ୍ରାୟ ୫ ମିଲିୟନ ଡଲାର ମୂଲ୍ୟ ଆକଳନ କରାଯାଇଛି। ଏହାକୁ ବଡ଼ ପରିମାଣର ରପ୍ତାନି, ସୁଲଭତା ଏବଂ ଯୁଦ୍ଧକ୍ଷେତ୍ରରେ ସ୍ଥାନୀୟ ପ୍ରାଧାନ୍ୟ ପାଇଁ ଡିଜାଇନ୍ କରାଯାଇଛି।

MQ-9B SkyGuardian/Reaper ର ଓ୍ବିଙ୍ଗ ପ୍ରାୟ ୨୦ ମିଟର (୬୬ ଫୁଟ)। ଏହାର ସର୍ବାଧିକ ଟେକ-ଅଫ୍ ଓଜନ ୪,୭୦୦ କିଲୋଗ୍ରାମରୁ ଅଧିକ। ଏହାର ବେଗ ଘଣ୍ଟା ପ୍ରତି ୪୮୨ କିଲୋମିଟର ପର୍ଯ୍ୟନ୍ତ। ଏହା ୩୦ ଘଣ୍ଟାରୁ ଅଧିକ ଉଡ଼ିପାରିବ। ତୁର୍କୀ ନିର୍ମିତ Bayraktar TB2 ଡ୍ରୋନର ଡେଣା ୧୨ ମିଟର (୩୯ଫୁଟ)। ଏହାର ସର୍ବାଧିକ ଟେକ-ଅଫ୍ ଓଜନ ୭୦୦ କିଲୋଗ୍ରାମ। ଏହାର କ୍ରୁଇଜିଂ ବେଗ ପ୍ରାୟ ୧୩୦୦-୨୨୨ କିଲୋମିଟର/ଘଣ୍ଟା। ଏହା ୨୭ ଘଣ୍ଟା ପର୍ଯ୍ୟନ୍ତ ଉଡ଼ିପାରିବ।