ବିଶ୍ୱକପ୍ରୁ ଆମେରିକା, ମେକ୍ସିକୋର ବିଦାୟ ପରେ କମିଲା କକ୍ୱାର୍ଟରଫାଇନାଲ ଟିକେଟ ମୂଲ୍ୟ
ନ୍ୟୁୟର୍କ,୧୧ା୭: ଆୟୋଜକ ଯୁକ୍ତରାଷ୍ଟ୍ର ଆମେରିକା ଓ ମେକ୍ସିକୋର ବିଦାୟ ପରେ କ୍ୱାର୍ଟରଫାଇନାଲ ମ୍ୟାଚ୍ଗୁଡ଼ିକର ଟିକେଟ ମୂଲ୍ୟ ହ୍ରାସ ପାଇଛି। ଫାଇନାଲ ମ୍ୟାଚର ୧,୨୦୦ ଆସନ ଏପର୍ଯ୍ୟନ୍ତ ଖାଲିପଡ଼ିଛି, ଯାହାର ମୂଲ୍ୟ ୭,୩୮୦ ଆମେରିକୀୟ ଡଲାର ହେବ।
ଶୁକ୍ରବାର କାଲିଫର୍ନିଆର ଇଙ୍ଗଲଉଡ୍ଠାରେ ଅନୁଷ୍ଠିତ ସ୍ପେନ-ବେଲଜିୟମ ମ୍ୟାଚ୍ର ଟିକ୍ପିକ୍ ସାଇଟ୍ର ଟିକେଟ ମୂଲ୍ୟ ସବୁଠାରୁ କମ୍ ରହିଥିଲା। ରାଉଣ୍ଡ ଅଫ୍ ୧୬ରେ ଯୁକ୍ତରାଷ୍ଟ୍ର ଆମେରିକା ବେଲଜିୟମଠାରୁ ପରାଜିତ ହେବା ପୂର୍ବରୁ ଟିକେଟର ମୂଲ୍ୟ ୩, ୨୬୧ ଡଲାର ରହିଥିବା ବେଳେ ଏହାର ମୂଲ୍ୟ ବର୍ତ୍ତମାନ ୧,୩୮୧ ଡଲାରକୁ ହ୍ରାସ ପାଇଛି।
ଫ୍ଲୋରିଡାର ମାୟାମି ଗାର୍ଡେନ୍ସଠାରେ ମେକ୍ସିକୋକୁ ହରାଇ ଇଂଲଣ୍ଡ କ୍ୱାର୍ଟରଫାଇନାଲରେ ପ୍ରବେଶ ପୂର୍ବରୁ ସେଠାରେ ଟିକେଟର ମୂଲ୍ୟ ୩,୮୬୬ ଡଲାର ଥିଲା। ମାତ୍ର ପରେ ଶନିବାର ଇଂଲଣ୍ଡ-ନରଓ୍ବେ ମ୍ୟାଚ୍ ପୂର୍ବରୁ ଟିକେଟର ମୂଲ୍ୟ ୨,୦୪୯ ଡଲାରକୁ ହ୍ରାସ ପାଇଛି।
ମିସୋରିର କାନ୍କାସ ସିଟିରେ ଆର୍ଜେଣ୍ଟିନା-ସୁଇଜରଲାଣ୍ଡ ମ୍ୟାଚ ବେଳକୁ ଟିକେଟର ମୂଲ୍ୟ ୧,୧୪୨ ଡଲାରକୁ ହ୍ରାସ ପାଇଛି। ରାଉଣ୍ଡ ଅଫ୍ ୧୬ ସମୟରେ ସେଠାରେ ଟିକେଟର ମୂଲ୍ୟ ୨,୩୮୧ ଆମେରିକୀୟ ଡଲାର ଥିଲା।
ଶୁକ୍ରବାର ସୋଫି ଷ୍ଟାଡିୟମ ବାହାରେ ଛିଡ଼ା ହୋଇଥିବା ୬୫ ବର୍ଷୀୟ ଜେକ୍ ଭାନ୍ ବାର୍ସେଲ ନାମକ ଜଣେ ବ୍ୟକ୍ତି କହିଛନ୍ତି, ଅଧିକ ମୂଲ୍ୟ ଯୋଗୁ ସେ ଟିକେଟ କିଣି ଷ୍ଟାଡିୟମରେ ମ୍ୟାଚ ଦେଖିବା ତାଙ୍କ ଇଚ୍ଛା ନ ଥିଲା। ଟିକେଟର ମୂଲ୍ୟ ହ୍ରାସ ପାଇବା ପରେ ସେ ଷ୍ଟାଡିୟମରେ ମ୍ୟାଚ ଦେଖିବା ଲାଗି ମନ ବଳାଇଥିଲେ। ତାଙ୍କ ପୁଅ ଦିନେ ୧,୦୦୦ ଡଲାର ମୂଲ୍ୟର ଦୁଇଟି ଟିକେଟ ଆଣି ଦେଇଥିଲା। ସେ ଓ ତାଙ୍କ ୧୩ ବର୍ଷୀୟ ନାତି ଟିକେଟ ନେଇ ମ୍ୟାଚ ଦେଖିବାକୁ ଯାଇଥିଲୁ
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
