ଟି୨୦ ବିଶ୍ୱକପ୍: ଫାଇନାଲରେ ପହଞ୍ଚିଲା ଅଷ୍ଟ୍ରେଲିଆ
ଲଣ୍ଡନ,୩୦ା୬: ଆଶ୍ଲେ ଗାର୍ଡନରଙ୍କ ଅଲ୍ରାଉଣ୍ଡ ପ୍ରଦର୍ଶନ ଓ ବେଥ୍ ମୁନିଙ୍କ ଅପରାଜିତ ବିସ୍ଫୋରକ ଅର୍ଦ୍ଧଶତକ ବଳରେ ଅଷ୍ଟ୍ରେଲିଆ ଚଳିତ ମହିଳା ଟି୨୦ ବିଶ୍ୱକପ୍ ଫାଇନାଲରେ ପ୍ରବେଶ କରିଛି। ପ୍ରଥମ ସେମିଫାଇନାଲରେ ଅଷ୍ଟ୍ରେଲିଆ ୮ ଉଇକେଟରେ ଓ୍ବେଷ୍ଟଇଣ୍ଡିଜ୍କୁ ପରାସ୍ତ କରିଛି।
ମ୍ୟାଚ୍ରେ ଅଲ୍ରାଉଣ୍ଡ ପ୍ରଦର୍ଶନ କରିଥିବା ଆଶ୍ଲେ ଗାର୍ଡନରଙ୍କୁ ପ୍ଲେୟର ଅଫ୍ ଦି ମ୍ୟାଚ୍ ବିବେଚିତ କରାଯାଇଛି। ଆସନ୍ତା ୨ ତାରିଖରେ ହେବାକୁ ଥିବା ଦ୍ୱିତୀୟ ସେମିଫାଇନାଲରେ ଇଂଲଣ୍ଡ ଓ ଦକ୍ଷିଣ ଆଫ୍ରିକା ପରସ୍ପରକୁ ଭେଟିବେ।
ବ୍ୟାଟିଂ କରିଥିବା ଓ୍ବେଷ୍ଟଇଣ୍ଡିଜ୍ ୨୦ ଓଭରରେ ୭ ଉଇକେଟ ହରାଇ ୧୨୫ ରନ୍ କରିଥିଲା। ଦଳ ପାଇଁ ଅଧିନାୟିକା ହେଲି ମାଥ୍ୟୁସ୍ ୩୦ ଓ ଡିଆଣ୍ଡ୍ରା ଡଟିନ ୨୬ ରନ କରିଥିଲେ। ଅଷ୍ଟ୍ରେଲିଆ ପକ୍ଷରୁ ଅଧିନାୟିକା ସୋଫି ମୋଲିନ୍ୟୁକ୍ସ, ଗାର୍ଡନର ଓ ଜର୍ଜିଆ ଓ୍ବେରହାମ ୨ଟି ଲେଖାଏ ଉଇକେଟ ନେଇଥିଲେ।
ଜବାବରେ ଅଷ୍ଟ୍ରେଲିଆ ୧୩ ଓଭରରେ ୨ ଉଇକେଟ ହରାଇ ୧୨୭ ରନ୍ କରିଥିଲା। ଦଳ ପାଇଁ ବେଥ୍ ମୁନି ସର୍ବାଧିକ ୬୧ (୮ ଚୌକା) ଓ ଆଶ୍ଲେ ଗାର୍ଡନର ୩୫ (୪ ଚୌକା ଓ ୧ ଛକା) ରନ୍କରି ଅପରାଜିତ ରହିଥିଲେ।
