ଏଇ ଭାରତରେ
ପୋଲିସ ଚାକିରି କରି ସମାଜ ସେବାରେ ସମୟ ଦେଉଛନ୍ତି ପି. କାର୍ତ୍ତିକ। ତାମିଲନାଡୁର ଛେଙ୍ଗଲାପେଟ ଟାଉନ ଥାନାର କନ୍ଷ୍ଟେବଲ ଭାବେ ଦାୟିତ୍ୱ ନିର୍ବାହ କରିବା ସହ ସେ ଅଜଣା ମୃତଦେହ ଦାହ ସଂସ୍କାର କରୁଛନ୍ତି। ଏବେ ସୁଦ୍ଧା ସେ ୭୦ଟି ଅଜଣା ମୃତଦେହ ଦାହ କରିସାରିଲେଣିି, ଯେଉଁମାନଙ୍କର କେହି ଦାବିଦାର ନାହାନ୍ତି। ଏହି କାମ କାର୍ତ୍ତିକ ୩ ବର୍ଷ ହେଲା କରୁଛନ୍ତି। ଭାରତର ବିଭିନ୍ନ ଅଞ୍ଚଳର ବସ୍ଷ୍ଟାଣ୍ଡ, ରେଳ ଲାଇନ, ମନ୍ଦିର ପାଖ ଏବଂ ହସ୍ପିଟାଲରେ ଅନେକ ଶହ ଲୋକଙ୍କର ମୃତ୍ୟୁ ଘଟୁଛି, ଯାହାଙ୍କର କେହି ନାହାନ୍ତି। ତେବେ ଛେଙ୍ଗଲପଟିରେ କାର୍ତ୍ତିକ ଯେଉଁ କାର୍ଯ୍ୟ କରୁଛନ୍ତି ତାହା ଅନ୍ୟ ଅଞ୍ଚଳ ପାଇଁ ପ୍ରେରଣାଦାୟକ। କାର୍ତ୍ତିକ ଜଣେ ମହିଳାଙ୍କ ମୃତଦେହ ଦାହ କରିବାରୁ ଏହି କାର୍ଯ୍ୟ ଆରମ୍ଭ କରିଥିଲେ। ସେହି ମହିଳାଜଣକ ଛେଙ୍ଗଲପେଟର ଚର୍ଚ୍ଚ ବାହାରେ ଭିକ୍ଷାବୃତ୍ତି କରି ରହୁଥିଲେ। ତାଙ୍କର ମୃତ୍ୟୁ ହେବା ପରେ ମୃତଦେହକୁ ନେବା ଲାଗି କେହି ନ ଆସିବାରୁ ସେ ତାହାକୁ ହସ୍ପିଟାଲର ଶବଗୃହରେ ୩ ମାସ ରଖିବା ପରେ ଦାହ କରିଥିଲେ । ସେବେଠାରୁ ସେ ଏହି କାର୍ଯ୍ୟ ଜାରି ରଖିଛନ୍ତି।
Dharitri – Odisha’s No.1 Odia Daily
The post ଏଇ ଭାରତରେ appeared first on Dharitri Odia News.
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
