ଅମରନାଥ ଯାତ୍ରା : ଅର୍ଦ୍ଧସାମରିକ ବାହିନୀର ବଡ଼ ପ୍ରସ୍ତୁତି, ତୀର୍ଥଯାତ୍ରା ରାସ୍ତାରେ ନିୟୋଜିତ ହେବେ CAPFର ୬୭୦କମ୍ପାନୀ
ନୂଆଦିଲ୍ଲୀ,୨୪/୬ : ଅମରନାଥ ଯାତ୍ରାର ପ୍ରସ୍ତୁତି ଆରମ୍ଭ ହୋଇଛି । କେନ୍ଦ୍ରୀୟ ଗୃହ ମନ୍ତ୍ରାଳୟ ପକ୍ଷରୁ କେନ୍ଦ୍ରୀୟ ସଶକ୍ତ ପୁଲିସ ବଳର ୬୭୦ କମ୍ପାନୀ ନିୟୋଜିତ ଲାଗି ମଞ୍ଜୁରି ଦିଆଯାଇଛି । ଏହା ଚଳିତ ବର୍ଷ ତୀର୍ଥଯାତ୍ରା ଲାଗି ଅର୍ଦ୍ଧ ସାମରିକ ବଳର ଏବେ ପର୍ଯ୍ୟନ୍ତ ସବୁଠାରୁ ବଡ଼ ନିୟୋଜିତ ବୋଲି କୁହାଯାଉଛି । ସୂଚନା ଅନୁସାରେ, ଏହି ଅତିରିକ୍ତ ବଳର ନିୟୋଜିତ ଜମ୍ମୁ ଏବଂ କଶ୍ମୀର ପ୍ରଶାସନର ସମନ୍ବୟରେ କରାଯିବ । ଏହି ନିୟୋଜିତ ୨୫ଜୁନ୍ ପୂର୍ବରୁ ପୂରା କରାଯିବ । ଫଳରେ ବାଲଟାଳ ଏବଂ ପହଲଗାମ ଉଭୟ ମାର୍ଗର ପୂରା ରାସ୍ତାକୁ ସୁରକ୍ଷା ସୁନିଶ୍ଚିତ କରାଯାଇପାରିବ ।
ଏହି ନିୟୋଜିତରେ ବାଲଟାଳ ଏବଂ ନୁନବାନସ୍ଥିତ ବେସ କ୍ୟାମ୍ପ, ଯାତ୍ରୀ ନିବାସ ଜମ୍ମୁ, ଜମ୍ମୁ- ଶ୍ରୀନଗର ରାଷ୍ଟ୍ରୀୟ ରାଜମାର୍ଗ, ପଠାନକୋର୍ଟ- ଜମ୍ମୁ ରାଜମାର୍ଗ ଏବଂ ତୀର୍ଥଯାତ୍ରୀଙ୍କ ଦ୍ବାରା ସବୁବେଳେ ବ୍ୟବହାର କରାଯାଉଥିବା ଅନ୍ୟ ମହତ୍ବପୂର୍ଣ୍ଣ କ୍ଷେତ୍ର ସାମିଲ ରହିଛି । ସୁରକ୍ଷାକୁ ମଜବୁତ କରିବା ଲାଗି ‘ରୋଡ଼ ଓପନିଂ ପାର୍ଟି’ର ନିୟୋଜିତ ଉପରେ ବିଶେଷ ଧ୍ୟାନ ଦିଆଯିବ । ସେହିଭଳି ଜମ୍ମୁ-ଶ୍ରୀନଗର ରେଲଓ୍ବେ କରିଡୋର ସହ ହାଇଓ୍ବେ ଉପରେ ବି ‘ଏରିୟା ଡୋମିନେଶନ ପେଟ୍ରୋଲ’ ଏବଂ ନିୟମିତ ଯାଞ୍ଚକୁ ବଢାଯିବ । ଏହି ପଦକ୍ଷେପ ତୀର୍ଥଯାତ୍ରୀ ବଢୁଥିବା ସଂଖ୍ୟାକୁ ଦେଖାଯାଇ ଉଠାଯାଇଛି । ଯାହାକି ଏଥର ‘ବନ୍ଦେ ଭାରତ ଏକ୍ସପ୍ରେସ’ ଟ୍ରେନରେ ଯାତ୍ରା କରିପାରନ୍ତି ।
CAPF କର୍ମୀଙ୍କୁ ପୂରା ତୀର୍ଥଯାତ୍ରାର ମାର୍ଗରେ ନିୟୋଜିତ କରାଯିବ । ଯାହାର ଆରମ୍ଭ ଜମ୍ମୁ ଏବଂ କଶ୍ମୀରର ପ୍ରବେଶ ଦ୍ବାର ଲଖନପୁର ହୋଇ ଅମରନାଥ ଗୁମ୍ଫା ମନ୍ଦିର ପର୍ଯ୍ୟନ୍ତ ହେବ । ଭାରତୀୟ ସେନା ବି ତୀର୍ଥଯାତ୍ରା ମାର୍ଗ ଏବଂ ପବିତ୍ର ଗୁମ୍ଫା ମନ୍ଦିରର ଆଖପାଖର ରଣନୈତିକ ଉଚ୍ଚାକୁ ସୁରକ୍ଷିତ କରି ଏକ ମହତ୍ବପୂର୍ଣ୍ଣ ଭୂମିକା ନିଭାଇବ । ଅନ୍ୟପଟେ ଅମରନାଥ ଯାତ୍ରାରେ ଶ୍ରଦ୍ଧାଳୁଙ୍କ ଲାଗି ଭଗବତୀ ନଗର ଯାତ୍ରୀ ନିବାସକୁ ୩୦ଜୁନରୁ ଖୋଲାଯିବ । ଏହା ପ୍ରାୟ ୨୫୦୦ ଶ୍ରଦ୍ଧାଳୁଙ୍କ ରହିବାର ବ୍ୟବସ୍ଥା କରାଯାଇଛି । ଯାହାକି ଅତିରିକ୍ତ ଶ୍ରଦ୍ଧାଳୁଙ୍କ ଲାଗି ବି ବିଶେଷ ପ୍ରବନ୍ଧ କରାଯାଇଛି । ଏଥର କରେଣ୍ଟ ପଞ୍ଜିକରଣ ପ୍ରକ୍ରିୟାକୁବି ସହଜ କରାଯାଇଛି ।
ବର୍ତ୍ତମାନ ପ୍ରାୟ ହଜାରେ ଯାତ୍ରୀ ରହିବାର ବ୍ୟବସ୍ଥା ଅଛି । ଏହାକୁ ବଢାଇ ୧୫ହଜାର ପର୍ଯ୍ୟନ୍ତ କରିବାକୁ ପ୍ରସ୍ତାବ ରହିଛି । ଏହା ମଧ୍ୟରେ ଯାତ୍ରୀ ନିବାସ, ଧର୍ମଶାଳା ଏବଂ ଅନ୍ୟ ସୁବିଧାର ବିସ୍ତାର କରାଯିବା ଫଳରେ ଯାତ୍ରା ସମୟରେ କୌଣସି ପ୍ରକାରର ଅସୁବିଧା ହେବ ନାହିଁ। ଏହି ବର୍ଷର ଅମରନାଥ ଯାତ୍ରା ଲାଗି ୧୫ଏପ୍ରିଲରୁ ପଞ୍ଜିକରଣ ପ୍ରକ୍ରିୟା ଆରମ୍ଭ ହୋଇଥିଲା ଏବଂ ଏବେ ପର୍ଯ୍ୟନ୍ତ ଦେଶ ସାରାରେ ନିର୍ଦ୍ଧାରିତ ବ୍ୟାଙ୍କ ଶାଖା ମାଧ୍ୟମରେ ୩.୫ଲକ୍ଷରୁ ଅଧିକ ତୀର୍ଥଯାତ୍ରୀ ନିଜ ପଞ୍ଜିକରଣ କରି ସାରିଛନ୍ତି । ପଞ୍ଜିକରଣ କରିବା ଲାଗି ସଂଖ୍ୟା ଲଗାତର ବଢିବାରେ ଲାଗିଛି ।
