ଅଭିଯୋଗର ଗୋଟିଏ ଦିନରେ ରାସ୍ତ ମରାମତି: ସିଟିଜେନ ଫୋରମଙ୍କୁ ଧନ୍ୟବାଦ

କେସିଙ୍ଗା,୧।୮(ତୁମେଶ୍ୱର ସାହୁ): କଳାହାଣ୍ଡି ଜିଲାର କେସିଙ୍ଗା ଓ ବଲାଙ୍ଗିର ଜିଲାର ଟିଟଲାଗଡ଼କୁ ସଂଯୋଗ କରୁଥିବା ମୁଖ୍ୟ ରାସ୍ତାର ତ୍ରିମୂର୍ତ୍ତି ଛକରୁ ତେଲନଦୀ ବ୍ରିଜ ପ୍ରାୟ ୮୦୦ମିଟର ରାସ୍ତାରେ ଶହ ଶହ ଖାଲ ଢିପ ରହିଛି। ବର୍ଷା ଦିନରେ ଲୋକମାନେ ଗମନାଗମନ କ୍ଷେତ୍ରରେ ଘୋର ସମସ୍ୟାର ସମ୍ମୁଖୀନ ହେଉଛନ୍ତି। ଏହି ସମସ୍ୟାକୁ ଦୃଷ୍ଟିରେ ରଖି କେସିଙ୍ଗା ସିଟିଜେନ ଫୋରମର ସଭାପତି ଡ଼.ହେମସାଗର ସାହା ଗତକାଲି ମୁଖ୍ୟମନ୍ତ୍ରୀ ଓ ଚିଫ ଇଞ୍ଜିନିୟର ରୋଡ଼ ଏବଂ ବିଲ୍ଡିଂ ବିଭାଗ ଭୁବନେଶ୍ୱର ନିକଟରେ ଅଭିଯୋଗ କରିଥିଲେ।
ଅଭିଯୋଗ ପାଇବା ମାତ୍ରେ ଚିଫ ଇଞ୍ଜିନିୟରଙ୍କ ନିର୍ଦ୍ଦେଶକ୍ରମେ ଟିଟିଲାଗଡ ପିଡବ୍ଲୁଡି ପକ୍ଷରୁ ଯୁଦ୍ଧକାଳୀନ ଭିତ୍ତିରେ ରାସ୍ତା ମରାମତି କାମ ଚାଲି ଥିବାରୁ ସହରବାସୀ ମୁଖ୍ୟମନ୍ତ୍ରୀ ,ଚିଫ ଇଞ୍ଜିନିୟର ଓ କେସିଙ୍ଗା ସିଟିଜେନ ଫୋରମଙ୍କୁ ଧନ୍ୟବାଦ ଜଣାଇଛନ୍ତି । କେସିଙ୍ଗା ବ୍ଲକର ସୀମାନ୍ତ ଅଞ୍ଚଳରେ ତେଲ ନଦୀ ବ୍ରିଜ ସଂଯୋଗ ହୋଇଥିବାରୁ ସୀମାନ୍ତ ଅଞ୍ଚଳରେ ଥିବା, ଲୁଥୁର ବନ୍ଧ, ମହଦା, ଆଦି ଗ୍ରାମର ଚାଷୀମାନେ ସକାଳୁ କେସିଙ୍ଗା ସହରକୁ ପନିପରିବା ନେଇ ବିକ୍ରୟ କରିବାକୁ ଯାଇଥାନ୍ତି। ଲୁଥୁର ବନ୍ଧ, ମହଦା, ଓ ଟିଟିଲାଗଡରୁ ଦିନରାତି ଯାନବାହନ ଏହି ରାସ୍ତା ଦେଇଯିବା ଆସିବା କରୁଛନ୍ତି। ରାତ୍ରି ଦୁଇ ଚକିଆରେ ଯିବା ଆସିବାବେଳେ ଲୋକମାନେ ପଡି ଦୁର୍ଘଟଣାଗ୍ରସ୍ତ ହେଉଥିଲେ। ଏହି ରାସ୍ତା ଦେଇ ଦୈନିକ ଶହ ଶହ ହାଇବା ଗାଡି ମହଦା ବାଲିଘାଟରୁ ବାଲି ବୋଝେଇ କରି ଏହି ରାସ୍ତା ଦେଇ ବାଲି ନେଉ ଥିଲା ଟ୍ରକ,ହାଇୱା,ଦଶଚକିଆ ଓ ବାରଚକିଆ ଯାନବାହାନଗୁଡ଼ିକ ଅବିରତ ଭାବେ ଏହି ରାସ୍ତା ଦେଇ ଚାଲିବା ଫଳରେ ଅଳ୍ପ କେଇଦିନ ମଧ୍ୟରେ ରାସ୍ତାର ପିଚୁ ଉଠି ଯାଇ ଖାଲ ଢ଼ିପ ହୋଇଛି। ପୋଲ ଉପରେ ଏବଂ ଏହାର ଆଖପାଖ ରାସ୍ତାରେ ସୃଷ୍ଟି ହୋଇଥିବା ବଡ଼ ବଡ଼ ଖାଲଗୁଡ଼ିକ ମରାମତି କାରା ଯାଉନ ଥିଲା ଅଭିଯୋଗ ପରେ କଣ୍ଟାବାଞ୍ଜି ପିଡବ୍ଲୁଡି ଡିଭିଜନ ଅଧୀନସ୍ଥ ଟିଟିଲାଗଡ ସବଡିଭିଜନଙ୍କ ନେତୃତ୍ୱରେ ଯୁଦ୍ଧକାଳୀନ ଭିତ୍ତିରେ ଜେସିପି ଲଗାଇ ଖାଲଢ଼ିପ ମରାମତି କରାଯାଉଛି। ବର୍ତ୍ତମାନଠାରୁ ବର୍ଷା ଦିନରେ ଠିକ ଭାବେ ଗମନାଗମନ କରିପାରିବେ।