Sopian: ସୋପିଆନ ଏନକାଉଣ୍ଟର: ଘେରାବନ୍ଦୀରେ ଦୁଇ ଆତଙ୍କବାଦୀ

"ଶ୍ରୀନଗର: ଜାମ୍ମୁ-କାଶ୍ମୀରର ସୋପିଆନ ଜିଲ୍ଲାରେ ଆତଙ୍କବାଦୀଙ୍କ ବିରୋଧରେ ସେନା, ଜାମ୍ମୁ-କାଶ୍ମୀର ପୋଲିସ ଓ ସିଆରପିଏଫ୍ ପକ୍ଷରୁ ଆରମ୍ଭ ହୋଇଥିବା ମିଳିତ ସର୍ଚ୍ଚ ଅପରେସନ ରବିବାର ଦ୍ୱିତୀୟ ଦିନରେ ପ୍ରବେଶ କରିଛି।

ଗତ ଶୁକ୍ରବାର ସର୍ଭିଲାନ୍ସ କ୍ୟାମେରା ସାହାଯ୍ୟରେ ସୋପିଆନର ମିମନ୍ଦର ଅଞ୍ଚଳରେ ଦୁଇଜଣ ସନ୍ଦିଗ୍ଧ ଆତଙ୍କବାଦୀଙ୍କ ଗତିବିଧି ଦେଖିବାକୁ ମିଳିବା ପରେ ସୁରକ୍ଷା ବାହିନୀ ସେହି ଅଞ୍ଚଳକୁ ଚାରିପଟୁ ସିଲ୍ କରିଦେଇଥିଲେ।

ଗତକାଲି ରାତିରେ କିଛି ସମୟ ପାଇଁ ଅପରେସନକୁ ସ୍ଥଗିତ ରଖାଯିବା ପରେ ଆଜି ସକାଳୁ ପୁଣି ଥରେ ସେନା ପକ୍ଷରୁ ଆକ୍ରମଣ ଜୋରଦାର କରାଯାଇଛି ଏବଂ ଏକ ଘଞ୍ଚ ଫଳ ବଗିଚା ଭିତରେ ଲୁଚି ରହିଥିବା ଦୁଇଜଣ ଦୁର୍ଦ୍ଦାନ୍ତ ଆତଙ୍କବାଦୀଙ୍କୁ ଧରିବା ପାଇଁ ଅଭିଯାନ ଜାରି ରହିଛି।

ପୂର୍ବରୁ ଏହି ଦୁଇ ଆତଙ୍କବାଦୀ ସେନାର ଗୁଳିରେ ପ୍ରାଣ ହରାଇଥିବା ନେଇ ଖବର ପ୍ରକାଶ ପାଇଥିଲା, ମାତ୍ର ଅଧିକାରୀମାନେ ସ୍ପଷ୍ଟ କରିଛନ୍ତି ଯେ ସେମାନେ ଏବେ ସୁଦ୍ଧା ବଗିଚା ଭିତରେ ଜୀବିତ ଅଛନ୍ତି ଏବଂ ସେନା ଉପରକୁ କ୍ରମାଗତ ଗୁଳି ଚଳାଉଛନ୍ତି।Advertisment ଆହୁରି ପଢନ୍ତୁ: RajatPatidar: ପଟିଦାରଙ୍କ ପାଇଁ ପାଟି ଖୋଲିଲେ ପଠାନ୍‌ ସୁରକ୍ଷା ଏଜେନ୍ସି ପକ୍ଷରୁ ମିଳିଥିବା ସୂଚନା ଅନୁଯାୟୀ, ଲୁଚି ରହିଥିବା ଦୁଇ ଆତଙ୍କବାଦୀ ହେଉଛନ୍ତି ଦକ୍ଷିଣ କାଶ୍ମୀରର କୁଲଗାମ ଜିଲ୍ଲାର ବାସିନ୍ଦା ଜାକିର ଗନି ଏବଂ ଲତିଫ୍ ଭଟ୍ଟ।

ଏମାନଙ୍କ ମଧ୍ୟରୁ ଜାକିର ହେଉଛି ଲସ୍କର-ଇ-ତୋଇବାର ଜଣେ କୁଖ୍ୟାତ ସଦସ୍ୟ ଏବଂ ସେନା ତାଲିକାରେ ତାକୁ ''ଏ-ପ୍ଲସ୍-ପ୍ଲସ୍'' ଶ୍ରେଣୀର ସନ୍ତ୍ରାସବାଦୀ ଭାବେ ଚିହ୍ନଟ କରାଯାଇଛି, ଯିଏକି ଅନେକ ଆତଙ୍କବାଦୀ ମାମଲାରେ ଜଡ଼ିତ ଥିବା ଯୋଗୁଁ ୨୦୨୫ ଅକ୍ଟୋବରରେ ଏକ ସ୍ୱତନ୍ତ୍ର ଏନଆଇଏ କୋର୍ଟ ତା" ବିରୋଧରେ ଜେରୀ ନୋଟିସ ଜାରି କରିଥିଲେ।

ସେହିପରି ଲତିଫ୍ ଗତ ବର୍ଷ ଏହି ଆତଙ୍କବାଦୀ ସଙ୍ଗଠନରେ ସାମିଲ ହୋଇଥିଲା।

ବଗିଚାରେ ଥିବା ଘଞ୍ଚ ଗଛଲତା ଯୋଗୁଁ ଯେପରି ସେମାନେ ଖସି ପଳାଇ ନଯାଆନ୍ତି, ସେଥିପାଇଁ ସେନାର ସ୍ୱତନ୍ତ୍ର କାଉଣ୍ଟର-ଇନସର୍ଜେନ୍ସି ୟୁନିଟ୍ ''ଭିକ୍ଟର ଫୋର୍ସ''ର ଅତିରିକ୍ତ ଯବାନମାନଙ୍କୁ ସେଠାରେ ମୁତୟନ କରାଯାଇଛି।

ସୁରକ୍ଷା ଦୃଷ୍ଟିରୁ ସାରା ଅଞ୍ଚଳକୁ ହାଇ-ଆଲର୍ଟରେ ରଖାଯାଇଛି ଏବଂ ଆଖପାଖର ଚାରୋଟି ଗ୍ରାମରୁ ସାଧାରଣ ଲୋକଙ୍କୁ ସୁରକ୍ଷିତ ଭାବେ ବାହାର କରାଯାଇଛି।"