SmartPhone: ସେକେଣ୍ଡ-ହ୍ୟାଣ୍ଡ ସ୍ମାର୍ଟଫୋନ୍ କିଣୁଛନ୍ତି କି? ସାବଧାନ! କିଣିବା ପୂର୍ବରୁ ଜାଣନ୍ତୁ ଏହି ୩ଟି ଜରୁରୀ କଥା

ନୂଆଦିଲ୍ଲୀ: ଆଜିକାଲି ନୂଆ ସ୍ମାର୍ଟଫୋନ୍‌ ର ଦାମ୍ ଅଧିକ ରହୁଥିବାରୁ ଅଧିକାଂଶ ଲୋକ କମ୍ ବଜେଟ୍‌ରେ ଭଲ ବ୍ରାଣ୍ଡର ଫୋନ୍ ପାଇବା ପାଇଁ ସେକେଣ୍ଡ-ହ୍ୟାଣ୍ଡ ବଜାର ମୁହାଁ ହେଉଛନ୍ତି ।

ଅନଲାଇନ୍ ପ୍ଲାଟଫର୍ମ କିମ୍ବା ସ୍ଥାନୀୟ ଦୋକାନରୁ ଶସ୍ତାରେ ପୁରୁଣା ଫୋନ୍ ମିଳିଯାଉଥିଲେ ହେଁ, ଏହା କିଣିବାବେଳେ ସାମାନ୍ୟ ଅସାବଧାନତା ଆପଣଙ୍କୁ ବଡ଼ ବିପଦରେ ପକାଇପାରେ।

ତେଣୁ ପୁରୁଣା ଫୋନ୍ କିଣିବା ପୂର୍ବରୁ ଏହି ତିନୋଟି ମୁଖ୍ୟ ବିଷୟ ନିଶ୍ଚୟ ଯାଞ୍ଚ କରନ୍ତୁ | Advertisment ୧.

ଫୋନ୍‌ଟି ଚୋରି କିମ୍ବା ବ୍ଲାକ୍‌ଲିଷ୍ଟେଡ୍ ନୁହେଁ ତ?

ସବୁଠାରୁ ବଡ଼ ବିପଦ ହେଉଛି ଆପଣ କିଣୁଥିବା ପୁରୁଣା ଫୋନ୍‌ଟି କାହାର ଚୋରା ସାମଗ୍ରୀ ନୁହେଁ ତ?

ଯଦି ଅଜାଣତରେ ଆପଣ ଚୋରି ହୋଇଥିବା ଫୋନ୍ କିଣି ସେଥିରେ ନିଜର ସିମ୍ କାର୍ଡ ପକାନ୍ତି, ତେବେ ପୋଲିସ ସିଧାସଳଖ ଆପଣଙ୍କ ପାଖରେ ପହଞ୍ଚିପାରେ।

କିପରି ଯାଞ୍ଚ କରିବେ?

ଫୋନ୍‌ର ଡାଏଲ୍ ପ୍ୟାଡ୍‌ରେ *#06# ଡାଏଲ୍ କରି ୧୫ ଅଙ୍କ ବିଶିଷ୍ଟ IMEI ନମ୍ବର ବାହାର କରନ୍ତୁ।

ଏହି ନମ୍ବରକୁ ଫୋନ୍‌ର ଅସଲି ବାକ୍ସ ଏବଂ ବିଲ୍ ସହିତ ମେଳ କରନ୍ତୁ।

ଭାରତ ସରକାରଙ୍କ 'ସଞ୍ଚାର ସାଥୀ' (Sanchar Saathi) ପୋର୍ଟାଲର 'Know Your Mobile' ସେକ୍ସନକୁ ଯାଇ ଏହି ନମ୍ବର ଯାଞ୍ଚ କରନ୍ତୁ।

ଯଦି ଷ୍ଟାଟସ୍‌ରେ 'ବ୍ଲାକଲିଷ୍ଟେଡ୍ କିମ୍ବା 'ଡୁପ୍ଲିକେଟ୍' ଲେଖାଯାଏ, ତେବେ ସେହି ଫୋନ୍ ଆଦୌ କିଣନ୍ତୁ ନାହିଁ।

ବିକ୍ରେତାଙ୍କଠାରୁ ଅସଲି ବିଲ୍ ଏବଂ ତାଙ୍କ ପରିଚୟପତ୍ରର ଫଟୋକପି ନେବାକୁ ଭୁଲନ୍ତୁ ନାହିଁ।

ଆହୁରି ପଢନ୍ତୁ: Delhi Pollution: ଦୀପାବଳି ପୂର୍ବରୁ ଦିଲ୍ଲୀରେ ୩୬୪ରେ ପହଞ୍ଚିଲା ଏକ୍ୟୁଆଇ: ପଞ୍ଚମ ଶ୍ରେଣୀ ପର୍ଯ୍ୟନ୍ତ ହାଇବ୍ରିଡ୍ ମୋଡ୍‌ରେ ଚାଲିବ ସ୍କୁଲ ୨.

ହାର୍ଡୱେର୍, ଡିସପ୍ଲେ ଏବଂ କ୍ୟାମେରା ଯାଞ୍ଚ ଅନେକ ସମୟରେ ବିକ୍ରେତାମାନେ ଭଙ୍ଗା ସ୍କ୍ରିନ୍ ବଦଳରେ ଶସ୍ତା ଓ ଲୋକାଲ୍ ଡିସପ୍ଲେ ଲଗାଇ ଫୋନ୍‌କୁ ନୂଆ ପରି ଦେଖାଇଥାଆନ୍ତି।

କିପରି ଯାଞ୍ଚ କରିବେ?

ସ୍କ୍ରିନ୍ ଠିକ ଭାବରେ କାମ କରୁଛି କି ନାହିଁ ଜାଣିବା ପାଇଁ କୌଣସି ଆଇକନ୍‌କୁ ଧରି ସ୍କ୍ରିନ୍‌ର ଚାରି କୋଣକୁ ବୁଲାନ୍ତୁ।

ଯଦି ମଝିରେ ଆଇକନ୍ ଛାଡ଼ିଯାଏ, ତେବେ ଡିସପ୍ଲେରେ ତ୍ରୁଟି ଅଛି।

ଏହାଛଡ଼ା ସିମ୍ ପକାଇ କଲ୍ କରି ଦେଖନ୍ତୁ, ସ୍ପିକର, ମାଇକ୍, ଚାର୍ଜିଂ ପୋର୍ଟ ଏବଂ ଫିଙ୍ଗରପ୍ରିଣ୍ଟ ସେନ୍ସର ଠିକ୍ ଭାବରେ କାମ କରୁଛି କି ନାହିଁ ପରୀକ୍ଷା କରନ୍ତୁ।

ଫୋନ୍ ପାଣିରେ ପଡ଼ି ନଷ୍ଟ ହୋଇଛି କି ନାହିଁ ଜାଣିବା ପାଇଁ ସିମ୍ ଟ୍ରେ ବାହାର କରି ଭିତରେ ଥିବା ଲିକିଡ୍ ଡ୍ୟାମେଜ୍ ଇଣ୍ଡିକେଟର୍ ଷ୍ଟିକର ଦେଖନ୍ତୁ (ଧଳା ରଙ୍ଗ ବଦଳରେ ଲାଲ୍ କିମ୍ବା ଗୋଲାପୀ ହୋଇଥିଲେ ଫୋନ୍ ପାଣିରେ ଭିଜିଥିବ)।

ଆହୁରି ପଢନ୍ତୁ: Ramayana: 'ରାମାୟଣ: ପାର୍ଟ ୧'ରୁ କଟିଲା ସତ୍ୟେନ ଚତୁର୍ବେଦୀଙ୍କ ଦୃଶ୍ୟ, ସୁମନ୍ତ ଭୂମିକାରେ କରିଥିଲେ ସୁଟିଂ ୩.

ବ୍ୟାଟେରୀ ପୁରୁଣା ଫୋନ୍‌ର ସବୁଠାରୁ ଦୁର୍ବଳ ଅଂଶ ହେଉଛି ଏହାର ବ୍ୟାଟେରୀ।

କିପରି ଯାଞ୍ଚ କରିବେ?

ଯଦି ଆପଣ ପୁରୁଣା ଆଇଫୋନ୍ କିଣୁଛନ୍ତି, ତେବେ ସେଟିଂସର ବ୍ୟାଟେରୀ ସେକ୍ସନକୁ ଯାଇ 'ବ୍ୟାଟେରୀ ହେଲ୍ଥ' ଯାଞ୍ଚ କରନ୍ତୁ (ଯଦି ଏହା ୮୦ ପ୍ରତିଶତରୁ କମ୍ ଥାଏ, ତେବେ ଆପଣଙ୍କୁ ଅତିରିକ୍ତ ଖର୍ଚ୍ଚ କରି ନୂଆ ବ୍ୟାଟେରୀ ପକାଇବାକୁ ପଡ଼ିବ)।

ଆଣ୍ଡ୍ରଏଡ୍ ଫୋନ୍ କ୍ଷେତ୍ରରେ ଫୋନ୍‌ଟିକୁ ପ୍ରାୟ ୧୦ ମିନିଟ୍ ଧରି ବ୍ୟବହାର କରି ଦେଖନ୍ତୁ ଯେ ଏହା ଦ୍ରୁତ ଗତିରେ ଡିସଚାର୍ଜ ହେଉଛି କି ନାହିଁ କିମ୍ବା ଅଧିକ ଗରମ ହେଉଛି କି ନାହିଁ।