Saudi Arabia: ସାଉଦି ଆରବ ହୁତିଙ୍କ ବିରୋଧରେ ଇସ୍ରାଏଲର ସାହାଯ୍ୟ ଗ୍ରହଣ କରିବା ଉଚିତ୍: ଟ୍ରମ୍ପଙ୍କ ପରାମର୍ଶ

"ୱାସିଂଟନ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ସାଉଦି ଆରବକୁ ହୁତି ବିଦ୍ରୋହୀଙ୍କ ବିରୋଧରେ ଲଢ଼ିବା ପାଇଁ ଇସ୍ରାଏଲର ସହାୟତା ପ୍ରସ୍ତାବକୁ ଗ୍ରହଣ କରିବାକୁ ଅନୁରୋଧ କରିଛନ୍ତି।

ସାଉଦିରେ ବଢୁଥିବା ଶତ୍ରୁତା ମଧ୍ୟରେ ଇସ୍ରାଏଲୀ ସମର୍ଥନ ବିଶେଷ ସହାୟକ ବୋଲି ସେ ପରାମର୍ଶ ଦେଇଛନ୍ତି।

ଜର୍ଜିଆରେ ଏକ ରାଲି ପୂର୍ବରୁ ହ୍ୱାଇଟ୍ ହାଉସରେ ସାମ୍ବାଦିକ ପଚାରିଥିଲେ ଯେ, ସାଉଦି ଆରବ ଇସ୍ରାଏଲର ପ୍ରସ୍ତାବ ଗ୍ରହଣ କରିବା ଉଚିତ୍ କି ନାହିଁ, ଟ୍ରମ୍ପ ଉତ୍ତର ଦେଇଥିଲେ, ହଁ, ମୁଁ ନିଶ୍ଚିତ ଯେ, ଇସ୍ରାଏଲ ସାଉଦି ଆରବ ପାଇଁ ବେଶ୍ ସହାୟକ ହେବ।Advertisment ଟ୍ରମ୍ପ ଏହା ମଧ୍ୟ ପରାମର୍ଶ ଦେଇଛନ୍ତି ଯେ, ସାଉଦି ଆରବ ଇସ୍ରାଏଲ ଏବଂ ଅନେକ ଆରବ ଦେଶ ମଧ୍ୟରେ ସମ୍ପର୍କ ସ୍ୱାଭାବିକ କରିବା ପାଇଁ ୨୦୨୦ ଚୁକ୍ତିନାମା ଆବ୍ରାହାମ ଚୁକ୍ତିରେ ଯୋଗ ଦେବା ଲାଭଦାୟକ ହେବ।

ଢାଞ୍ଚା ଅନୁଯାୟୀ ସାଉଦି ଆରବ ସହିତ ଏକ ଚୁକ୍ତି ପୁଣିଥରେ ଟେବୁଲରେ ଅଛି କି ନାହିଁ ପଚରାଯିବାରୁ ଟ୍ରମ୍ପ କହିଥିଲେ, ହଁ, ମୁଁ ଭାବୁଛି ସେପରି କିଛି ରହିଛି।

ହ୍ୱାଇଟ୍ ହାଉସରେ ସାମ୍ବାଦିକ ଆବ୍ରାହମ ଚୁକ୍ତିନାମା ଆମର ମହାନ ସଫଳତା ମଧ୍ୟରୁ ଗୋଟିଏ।

ଇସ୍ରାଏଲୀ ଗଣମାଧ୍ୟମ ସହିତ ଏକ ସାକ୍ଷାତକାରରେ,ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁଙ୍କୁ ପଚରାଯାଇଥିଲା ଯେ, ସାଉଦି ଆରବ ଇସ୍ରାଏଲର ସହାୟତା ମାଗିଛି କି?

ସେ ଉତ୍ତର ଦେଇଥିଲେ, ଏପରି କୌଣସି ମଧ୍ୟପ୍ରାଚ୍ୟ ରାଷ୍ଟ୍ର ନାହିଁ ଯେଉଁମାନେ ଆମକୁ ସାହାଯ୍ୟ ମାଗୁନାହାନ୍ତି।

ହମାସର ୭ ଅକ୍ଟୋବର, ୨୦୨୩ ଆକ୍ରମଣ ପୂର୍ବରୁ ଇସ୍ରାଏଲ ଏବଂ ସାଉଦି ଆରବ ସମ୍ପର୍କ ସ୍ୱାଭାବିକ କରିବା ପାଇଁ ଏକ ଚୁକ୍ତିନାମାରେ ପହଞ୍ଚିବାର ନିକଟତର ବୋଲି ବିବେଚନା କରାଯାଉଥିଲା।

ତେବେ ରିୟାଦ ନିରନ୍ତର ଭାବରେ କହିଆସିଛି ଯେ, ଇସ୍ରାଏଲ ସହିତ ସମ୍ପର୍କ ସ୍ୱାଭାବିକ ହେବା ପାଇଁ ପାଲେଷ୍ଟାଇନୀ ରାଷ୍ଟ୍ର ଗଠନ ପାଇଁ ଏକ ସ୍ପଷ୍ଟ ପଥର ଆବଶ୍ୟକତା ରହିଛି।"