Rahul Gandhi: ପ୍ରଧାନମନ୍ତ୍ରୀଙ୍କ ବାସଭବନ ଆଗରେ କଂଗ୍ରେସର ବିରୋଧ ପ୍ରଦର୍ଶନ

"ନୂଆଦିଲ୍ଲୀ: ଶିକ୍ଷା ବ୍ୟବସ୍ଥାରେ ପରୀକ୍ଷା ପ୍ରଶ୍ନପତ୍ର ଲିକ୍ ବିରୋଧରେ ଛାତ୍ର ଆନ୍ଦୋଳନ ଚାଲିଥିବା ବେଳେ, ପ୍ରସିଦ୍ଧ ଶିକ୍ଷାବିତ୍ ତଥା ପରିବେଶବିତ୍ ସୋନମ୍ ୱାଙ୍ଗଚୁକଙ୍କ ଅନଶନ ଗୁରୁଗ୍ରାମର ଏକ ହସ୍ପିଟାଲରେ ୨୬ ଦିନରେ ପହଞ୍ଚିଛି।

ଏହି ସମୟରେ ତାଙ୍କ ପତ୍ନୀ ଗୀତାଞ୍ଜଳି ଆଙ୍ଗମୋ କଂଗ୍ରେସ ଦଳର ନିକଟତମ ପ୍ରତିବାଦକୁ ନେଇ କଡ଼ା ସମାଲୋଚନା କରିଛନ୍ତି।

ପ୍ରଧାନମନ୍ତ୍ରୀଙ୍କ ବାସଭବନ ନିକଟରେ କଂଗ୍ରେସ ପକ୍ଷରୁ କରାଯାଇଥିବା ପ୍ରଦର୍ଶନ ଆନ୍ତରିକତାର ଅଭାବ ଦର୍ଶାଉଛି ଏବଂ ଏହା ଛାତ୍ରଛାତ୍ରୀଙ୍କ ସମସ୍ୟାର ପ୍ରକୃତ ସମର୍ଥନ ନୁହେଁ ବୋଲି ସେ ଅଭିଯୋଗ କରିଛନ୍ତି।Advertisment ଟ୍ରକ୍ ଧକ୍କାରେ ବାଇକ୍ ଆରୋହୀ ମୃତ, ଦୁଇ ଗୁରୁତର ଗୀତାଞ୍ଜଳି କହିଛନ୍ତି ଯେ ରାଜନୈତିକ ନେତାମାନେ ପ୍ରଧାନମନ୍ତ୍ରୀଙ୍କ ଘର ଆଗରେ ପ୍ରଦର୍ଶନ କରିବା ବଦଳରେ ଜନ୍ତର ମନ୍ତରଠାରେ ଆନ୍ଦୋଳନରତ ଛାତ୍ରମାନଙ୍କ ସହ ଯୋଗ ଦେବା ଉଚିତ୍ ଥିଲା।

ସେ ଆହୁରି କହିଛନ୍ତି ଯେ ୱାଙ୍ଗଚୁକଙ୍କ ଜନପ୍ରିୟତାକୁ ରାଜନୈତିକ ସ୍ୱାର୍ଥ ପାଇଁ ବ୍ୟବହାର କରାଯାଉଛି, କିନ୍ତୁ ଭାରତର ସଚେତନ ଜନସାଧାରଣ ପ୍ରକୃତ ସମର୍ଥନ ଓ ନାଟକୀୟତା ମଧ୍ୟରେ ଫରକ୍ ବୁଝିପାରିବେ।

ଏତଦବ୍ୟତୀତ, ଅନ୍ୟାନ୍ୟ ସ୍ଥାନରେ ଘଟୁଥିବା ହିଂସାତ୍ମକ ଘଟଣା ସହ ଜନ୍ତର ମନ୍ତରର ଶାନ୍ତିପୂର୍ଣ୍ଣ ଛାତ୍ର ଆନ୍ଦୋଳନକୁ ବିନା ପ୍ରମାଣରେ ଯୋଡ଼ି ସେମାନଙ୍କ ସୁନାମ ନଷ୍ଟ ନକରିବାକୁ ସେ ଆବେଦନ କରିଛନ୍ତି।

"