Price Hike: ଛତିଶଗଡ଼ରେ ବଢ଼ିଲା ଆଖୁ ଦର, କ୍ୱିଣ୍ଟାଲ ପିଛା ୪୨୫ ଟଙ୍କା

"ରାୟପୁର: ଛତିଶଗଡ଼ର ଆଖୁ ଚାଷୀଙ୍କ ପାଇଁ ଆସିଛି ଖୁସି ଖବର।

ରାଜ୍ୟ ସରକାର ଆଖୁ କ୍ରୟ ଦର ବୃଦ୍ଧି କରି କ୍ୱିଣ୍ଟାଲ ପିଛା ୪୨୫ ଟଙ୍କା କରିଛନ୍ତି।

ପୂର୍ବରୁ ଏହି ଦର ୩୫୫ ଟଙ୍କା ଥିବାବେଳେ ଏବେ ଏଥିରେ ୭୦ ଟଙ୍କା ବୃଦ୍ଧି ହୋଇଛି।

ଏହି ନିଷ୍ପତ୍ତି ଦ୍ୱାରା ଆଖୁ ଚାଷୀମାନେ ଉପକୃତ ହେବେ ବୋଲି ଆଶା କରାଯାଉଛି।

ରାଜ୍ୟର ମୁଖ୍ୟମନ୍ତ୍ରୀ ବିଷ୍ଣୁଦେବ ସାଏ ଏହି ନିଷ୍ପତ୍ତି ଘୋଷଣା କରିଛନ୍ତି।

ଭାରତୀୟ କିଷାନ ସଂଘର ଛତିଶଗଡ଼ ପ୍ରଦେଶ ପ୍ରତିନିଧିମଣ୍ଡଳୀ ସହ ଆଲୋଚନା ପରେ ସରକାର ଆଖୁର ନୂଆ କ୍ରୟ ଦର ନିର୍ଦ୍ଧାରଣ କରିଛନ୍ତି।

ଚାଷୀଙ୍କୁ ସେମାନଙ୍କ ଉତ୍ପାଦର ଉଚିତ ମୂଲ୍ୟ ଦେବା ଏବଂ କୃଷିକୁ ଅଧିକ ଲାଭଜନକ କରିବା ଏହି ପଦକ୍ଷେପର ମୁଖ୍ୟ ଉଦ୍ଦେଶ୍ୟ।

Advertisment ଏହି ନିଷ୍ପତ୍ତିର ସବୁଠାରୁ ବଡ଼ ବିଶେଷତ୍ୱ ହେଉଛି, ଏହାର ଲାଭ କେବଳ ଆଗକୁ ଆଖୁ ବିକ୍ରି କରିବାକୁ ଥିବା ଚାଷୀଙ୍କୁ ମିଳିବ ନାହିଁ।

୨୦୨୫-୨୬ ଆଖୁ ପେଡ଼ାଇ ଋତୁରେ ଯେଉଁ ଚାଷୀମାନେ ପୂର୍ବରୁ ଚିନି କାରଖାନାକୁ ଆଖୁ ବିକ୍ରି କରିସାରିଛନ୍ତି, ସେମାନଙ୍କୁ ମଧ୍ୟ ବର୍ଦ୍ଧିତ ଦର ଅନୁସାରେ ଅର୍ଥ ପ୍ରଦାନ କରାଯିବ।

ଆଖୁ ଚାଷ ପାଇଁ ଜମି ପ୍ରସ୍ତୁତି, ବିହନ, ସାର, ଜଳସେଚନ, ଶ୍ରମିକ ମଜୁରି ଓ ଅମଳ ଆଦିରେ ଚାଷୀଙ୍କୁ ବହୁ ଅର୍ଥ ଖର୍ଚ୍ଚ କରିବାକୁ ପଡ଼ିଥାଏ।

ବର୍ଦ୍ଧିତ ଦର ଅନୁସାରେ ଅର୍ଥ ଏଭଳି ସ୍ଥିତିରେ କ୍ରୟ ଦର ବୃଦ୍ଧି ଚାଷୀଙ୍କ ଆୟ ବଢ଼ାଇବା ସହ ଚାଷ ଖର୍ଚ୍ଚର ଚାପ କମାଇବାରେ ସହାୟକ ହୋଇପାରେ।

ତେବେ ପ୍ରକୃତ ଲାଭ ଚାଷର ଉତ୍ପାଦନ ଓ ମୋଟ ଖର୍ଚ୍ଚ ଉପରେ ନିର୍ଭର କରିବ।

ଛତିଶଗଡ଼ର ଚିନି କାରଖାନାଗୁଡ଼ିକୁ ନୂଆ ଦର ଅନୁସାରେ ଆଖୁ କିଣିବାକୁ କୁହାଯାଇଛି।

ପୂର୍ବରୁ ଆଖୁ ବିକ୍ରି କରିଥିବା ଚାଷୀମାନେ ବର୍ଦ୍ଧିତ ଦର ଅନୁସାରେ କେତେ ଅତିରିକ୍ତ ଟଙ୍କା ପାଇବେ ଏବଂ କେବେ ପାଇବେ, ସେ ସମ୍ପର୍କରେ ଜାଣିବା ପାଇଁ ସମ୍ପୃକ୍ତ ଚିନି କାରଖାନା ସହ ଯୋଗାଯୋଗ କରିପାରିବେ।

ନେପାଳ ସରକାର ନେଲେ ବଡ଼ ନିଷ୍ପତ୍ତି"