OTT: ଓଟିଟି ପ୍ଲାଟଫର୍ମରେ ମୁକ୍ତିଲାଭ କରୁଥିବା ଚଳଚ୍ଚିତ୍ର ପାଇଁ ସିବିଏସଫ୍‌ସି ବାଧ୍ୟତାମୂଳକ ‌ହେବ

"ନୂଆଦିଲ୍ଲୀ : ଦିଲଜିତ ଦୋସାଞ୍ଜଙ୍କ ସତଲୁଜ୍‌କୁ ନେଇ ବିବାଦ ତେଜିଥିବାବେଳେ କେନ୍ଦ୍ର ସରକାର ଓଟିଟି ପ୍ଲାଟଫର୍ମରେ ସିଧାସଳଖ ମୁକ୍ତିଲାଭ କରୁଥିବା ଚଳଚ୍ଚିତ୍ର ପାଇଁ ସିବିଏଫ୍‌ସି ( ସେଣ୍ଟ୍ରାଲ ବୋର୍ଡ ଅଫ୍‌ ଫିଲ୍ମ ସାର୍ଟିଫିକେସନ୍‌) ଅନୁମୋଦନକୁ ବାଧ୍ୟତାମୂଳକ କରିବାକୁ ବିଚାର କରୁଛନ୍ତି।

ଏକ ସରକାରୀ ସୂତ୍ରରୁ ଏହା ଜଣାପଡ଼ିଛି।

ସୂତ୍ର ଅନୁଯାୟୀ, ସିବିଏଫ୍‌ସି ସାର୍ଟିଫିକେଟ୍ ବିନା ସତଲୁଜ୍‌ର ପ୍ରଦର୍ଶନ ପରେ ଏହି ପଦକ୍ଷେପ ନିଆଯିବ।

ସୂତ୍ର ଅନୁଯାୟୀ, ପ୍ରମାଣପତ୍ର ବିନା ସତଲୁଜ୍‌ର ପ୍ରଦର୍ଶନ ଆଇନଗତ ଭାବରେ ଅନୁମୋଦିତ ନୁହେଁ ଏବଂ ଚଳଚ୍ଚିତ୍ରର ଅନଧିକୃତ ସାର୍ବଜନୀନ ପ୍ରଦର୍ଶନ ବିରୋଧରେ ଅପରାଧିକ କାର୍ଯ୍ୟାନୁଷ୍ଠାନ ଆରମ୍ଭ କରିବା ସମ୍ପୃକ୍ତ ରାଜ୍ୟ ସରକାରଙ୍କ ଦାୟିତ୍ୱ ।

Advertisment ଜି୫ ପ୍ଲାଟଫର୍ମରେ ଫିଲ୍ମର ଏକ ଅପ୍ରମାଣିତ ସଂସ୍କରଣ ଷ୍ଟ୍ରିମ୍‌ କରାଯାଇଥିବା ଅଭିଯୋଗରେ ଏହା ବି‌ରୋଧରେ କାର୍ଯ୍ୟାନୁଷ୍ଠାନ ବିଚାର କରାଯାଉଥିବା ଜଣାପଡ଼ିଛି।

ତେବେ ଏଯାବତ କୌଣସି ସରକାରୀ ନିଷ୍ପତ୍ତି ଘୋଷଣା କରାଯାଇ ନାହିଁ।

ଓଟିଟି ପ୍ଲାଟଫର୍ମରେ ମୁକ୍ତିଲାଭ କରୁଥିବା ସମସ୍ତ ଚଳଚ୍ଚିତ୍ର ପାଇଁ ପ୍ରମାଣପତ୍ର ବାଧ୍ୟତାମୂଳକ କରାଯିବା ଉଚିତ କି ନାହିଁ ତାହା ମଧ୍ୟ କେନ୍ଦ୍ର ସରକାର ଯାଞ୍ଚ କରୁଛନ୍ତି ବୋଲି ସୂତ୍ରରୁ ଜଣାପଡ଼ିଛି।

ଏହି ପ୍ରସ୍ତାବ ଅନୁଯାୟୀ ଚଳଚ୍ଚିତ୍ର ନିର୍ମାତାମାନଙ୍କୁ ଷ୍ଟ୍ରିମିଂ ସେବାରେ ସେମାନଙ୍କର ଚଳଚ୍ଚିତ୍ର ପ୍ରିମିୟର କରିବା ପୂର୍ବରୁ ସିବିଏଫସି ପ୍ରମାଣପତ୍ର ପାଇବାକୁ ପଡିବ।

ଆହୁରି ପଢନ୍ତୁ: SonamWangchuk : ସୋନମ ୱାଙ୍ଗଚୁକଙ୍କ ଅନଶନକୁ ନେଇ କେନ୍ଦ୍ର ଓ ଦିଲ୍ଲୀ ସରକାରଙ୍କୁ ଜବାବ ମାଗିଲେ ଦିଲ୍ଲୀ ହାଇକୋର୍ଟ ମାନବାଧିକାର କର୍ମୀ ଜସୱନ୍ତ ସିଂହ ଖାଲରାଙ୍କ ଜୀବନୀ ଉପରେ ଆଧାରିତ "ସତଲୁଜ୍" ଭାରତରେ ମୁକ୍ତିଲାଭ କରିବାର କିଛି ସମୟ ପରେ ଜି୫ ରୁ ହଟାଇ ଦିଆଯାଇଥିଲା।

ହଟାଇବାର କିଛି ସମୟ ପରେ, ଦିଲଜିତ୍ ଦୋସାଞ୍ଜ ଏକ ଭିଡିଓ ସେୟାର କରି ଦର୍ଶକଙ୍କୁ ଫିଲ୍ମଟି ଷ୍ଟ୍ରିମିଂ ପ୍ଲାଟଫର୍ମରୁ ହଟାଇବା ସତ୍ତ୍ୱେ ଦେଖିବାକୁ ଅନୁରୋଧ କରିଥିଲେ।ଏହା ପରେ ଅନେକ ରାଜ୍ୟର ଗୁରୁଦ୍ୱାରରେ ଆୟୋଜିତ ସାମୁଦାୟିକ କାର୍ଯ୍ୟକ୍ରମରେ ଏହି ଚଳଚ୍ଚିତ୍ରଟି ପ୍ରଦର୍ଶିତ ହୋଇଛି।

ଆୟୋଜକମାନେ କହିଛନ୍ତି ଯେ ଓଟିଟି ପ୍ରତ୍ୟାହାର ସତ୍ତ୍ୱେ ଖାଲରାଙ୍କ କାହାଣୀକୁ ଜୀବନ୍ତ ରଖିବା ପାଇଁ ଏହି ପଦକ୍ଷେପର ଲକ୍ଷ୍ୟ ରହିଛି।

"