Onion prices: ଆରମ୍ଭ ହେଲାଣି ପାର୍ବଣ ଋତୁ: ପନିପରିବା ଓ ଫଳ ଦର ଆକାଶ ଛୁଆଁ

"ନୂଆଦିଲ୍ଲୀ: ଉତ୍ସବର ଋତୁ ପାଖେଇ ଆସୁଥିବା ବେଳେ ରାଜଧାନୀ ଦିଲ୍ଲୀ ସମେତ ସାରା ଦେଶରେ ପନିପରିବା ଦର ପୁଣିଥରେ ବୃଦ୍ଧି ପାଇବାରେ ଲାଗିଛି।

ଗତ ମାସ ରେ ପନିପରିବା ଦର ୪୦ ରୁ ୫୦ ପ୍ରତିଶତ ବୃଦ୍ଧି ପାଇଥିବା ବେଳେ ଫଳର ଦର ମଧ୍ୟ ଆକାଶଛୁଆଁ ହୋଇଛି।

ଏହା ସିଧାସଳଖ ଏବଂ ଗୁରୁତ୍ୱପୂର୍ଣ୍ଣ ଭାବରେ ମଧ୍ୟବିତ୍ତ ପରିବାରର ବଜେଟ୍ ଉପରେ ପ୍ରଭାବ ପକାଉଛ।

ଲୋକମାନେ ଫଳ ଓ ପନିପରିବା କିଣିବା କମାଇବାକୁ ଏବଂ ଅନ୍ୟାନ୍ୟ ଖର୍ଚ୍ଚରେ କାଟଛାଣ୍ଟ କରିବାକୁ ବାଧ୍ୟ ହେଉଛନ୍ତି।Advertisment ପନିପରିବା ଦରର କ୍ରମାଗତ ବୃଦ୍ଧି ଦିଲ୍ଲୀବାସୀଙ୍କ ମଧ୍ୟରେ ଚିନ୍ତା ସୃଷ୍ଟି କରୁଛି।

ପରିସ୍ଥିତି ଏପରି ହୋଇଛି ଯେ ଘରେ ପ୍ରତିଦିନ ବ୍ୟବହୃତ ହେଉଥିବା ଆଳୁ ଓ ପିଆଜ ଭଳି ଅତ୍ୟାବଶ୍ୟକ ସାମଗ୍ରୀର ଦର ପୂର୍ବ ଅପେକ୍ଷା ଅଧିକ ରହିଛି।

ସବୁଜ ପନିପରିବା ଦରରେ ମଧ୍ୟ ବଡ଼ ଧରଣର ବୃଦ୍ଧି ଘଟିଛି।

ହାରାହାରି ଭାବେ ପନିପରିବା ଦର ଦେଢ଼ରୁ ଦୁଇଗୁଣ ବୃଦ୍ଧି ପାଇଛି।

ବଜାରରେ ପନିପରିବା ଦର ରିପୋର୍ଟରୁ ଜଣାପଡ଼ିଛି, ଖୁଚୁରା ବଜାରରେ ଟମାଟୋ କିଲୋଗ୍ରାମ ପିଛା ୪୦ ରୁ ୬୦ ଟଙ୍କାରେ ବିକ୍ରି ହେଉଛି।

ଅନ୍ୟପକ୍ଷରେ, କିଛି ଦିନ ପୂର୍ବେ କିଲୋଗ୍ରାମ ପିଛା ୩୦-୪୦ ଟଙ୍କାରେ ବିକ୍ରି ହେଉଥିବା ପିଆଜର ଦର ବର୍ତ୍ତମାନ ୮୦ ଟଙ୍କାକୁ ବୃଦ୍ଧି ପାଇଛି।

ଅଦା ଓ ରସୁଣ ଦର ମଧ୍ୟ ବୃଦ୍ଧି ପାଇଛି।

ଅଦା କିଲୋଗ୍ରାମ ପିଛା ପ୍ରାୟ ୨୪୦ ଟଙ୍କାରେ ବିକ୍ରି ହେଉଛି।

ଭେଣ୍ଡି, କାକୁଡ଼ି ଏବଂ ଗୋଲ ଲାଉ ଭଳି ଅନ୍ୟାନ୍ୟ ସବୁଜ ପନିପରିବାର ହୋଲସେଲ୍ ଏବଂ ଖୁଚୁରା ଦରରେ ମଧ୍ୟ ଉଲ୍ଲେଖନୀୟ ବୃଦ୍ଧି ଦେଖିବାକୁ ମିଳୁଛି।

ହୋଲସେଲ୍ ଓ ଖୁଚୁରା ଦର କଥା କହିଲେ, ହୋଲସେଲ୍ ବଜାରରେ କିଲୋଗ୍ରାମ ପିଛା ୧୨ ଟଙ୍କାରେ ବିକ୍ରି ହେଉଥିବା ଆଳୁ ଖୁଚୁରା ବଜାରକୁ ଆସିବା ବେଳକୁ ୨୦ ଟଙ୍କା ହୋଇଯାଉଛି।

ହୋଲସେଲ୍ ବଜାରରେ କିଲୋଗ୍ରାମ ପିଛା ୩୬-୪୫ ଟଙ୍କାରେ ବିକ୍ରି ହେଉଥିବା ପିଆଜ ଖୁଚୁରା ବଜାରରେ ୭୫-୮୦ ଟଙ୍କାରେ ବିକ୍ରି ହେଉଛି।

ବଜାରକୁ ସବୁଜ ପରିବା ଆମଦାନୀ କମିବା ଯୋଗୁଁ ଦର ବୃଦ୍ଧି ପାଇଛି।

ସନ୍ତୋଷୀମା" ମନ୍ଦିରରେ ବଡ଼ ଚୋରି, ଅଳଙ୍କାର ଲୁଟ୍‌ ସହ ହୁଣ୍ଡି ଭାଙ୍ଗି ଟଙ୍କା ନେଇଗଲେ ଦୁର୍ବୃତ୍ତ "