Nobel Prize: ସାହିତ୍ୟରେ ନୋବେଲ ବିଜୟୀ ଆନ୍ କାର୍ସନ୍ଙ୍କ ଭାରତ ସହ ନିଆରା ସମ୍ପର୍କ
/sambad/media/media_files/2026/10/08/08bbs_109_08102026_112-2026-10-08-21-22-05.jpg)
"ନୂଆଦିଲ୍ଲୀ: ୨୦୨୬ ମସିହା ପାଇଁ ସାହିତ୍ୟରେ ନୋବେଲ ପୁରସ୍କାର ପାଇଥିବା କାନାଡାର ଲେଖିକା ଆନ୍ କାର୍ସନ୍ଙ୍କ ସହ ଭାରତର ଏକ ନିଆରା ସମ୍ପର୍କ ରହିଛି।
ତାଙ୍କ ବଡ଼ ଭାଇ ମାଇକେଲ୍ କାର୍ସନ୍ ଦୀର୍ଘ ବର୍ଷ ଧରି ଭାରତ ଓ ୟୁରୋପର ବିଭିନ୍ନ ସ୍ଥାନରେ ଘୂରି ବୁଲିଥିଲେ।
ତାଙ୍କ ଜୀବନ ଓ ମୃତ୍ୟୁକୁ ନେଇ ଆନ୍ ୨୦୧୦ରେ "ନକ୍ସ" ନାମକ ସ୍ମୃତିଗ୍ରନ୍ଥ ଲେଖିଥିଲେ।Advertisment ମାଇକେଲ୍ ଏକ ଡ୍ରଗ୍ ବିକ୍ରି ମାମଲାରେ ଫସିବା ପରେ ୧୯୭୯ରେ କାନାଡା ଛାଡ଼ିଥିଲେ।
ଏହାପରେ ସେ ପ୍ରାୟ ୨୨ ବର୍ଷ ଧରି ନକଲି ପାସ୍ପୋର୍ଟ ବ୍ୟବହାର କରି ଭାରତ ଓ ୟୁରୋପରେ ରହିଥିଲେ।
ସେ ଘରକୁ ମାତ୍ର ପ୍ରାୟ ୬ ଥର ଫୋନ୍ କରିଥିଲେ।
ମାଇକେଲ୍ଙ୍କ ଜୀବନର ଏହି ଅଧ୍ୟାୟ "ନକ୍ସ"ର ମୁଖ୍ୟ ବିଷୟ ପାଲଟିଥିଲା।
୨୦୦୦ରେ କୋପେନହାଗେନ୍ରେ ମୃତ୍ୟୁ ପୂର୍ବରୁ ମାଇକେଲ୍ ଆନ୍ଙ୍କ କାର୍ଯ୍ୟାଳୟକୁ ଫୋନ୍ କରି ତାଙ୍କୁ ଦେଖା କରିବାକୁ କହିଥିଲେ।
ଆନ୍ ତାଙ୍କୁ ଭେଟିବା ପାଇଁ ଯିବାର ଏକ ସପ୍ତାହ ପୂର୍ବରୁ ତାଙ୍କ ମୃତ୍ୟୁ ଖବର ପାଇଥିଲେ।
Nobel prize : ପଦାର୍ଥ ବିଜ୍ଞାନରେ ବେଲଜିୟମ୍ ବୈଜ୍ଞାନିକ ଫ୍ରାନ୍ସିସ୍ ହାଲଜେନ୍ଙ୍କୁ ନୋବେଲ ପୁରସ୍କାର "ନକ୍ସ"ରେ ମାଇକେଲ୍ଙ୍କ ସହ ଜଡ଼ିତ ଫଟୋ, କବିତା, ଚିତ୍ର ଓ ଚିଠି ସମେତ ବିଭିନ୍ନ ସ୍ମୃତି ସାମଗ୍ରୀ ସ୍ଥାନ ପାଇଛି।
ଏଥିରେ ଡେନମାର୍କର ଡାକ ଟିକଟ ସହ କାଶ୍ମୀରରୁ ଲେଖାଯାଇଥିବା ଏକ ଚିଠି ଓ କାଶ୍ମୀରର ଏକ ହୋଟେଲ୍ର ଲେଖା କାଗଜ ମଧ୍ୟ ରହିଛି।
ମାଇକେଲ୍ଙ୍କ ନିଖୋଜ ହେବାରେ ଦୁଃଖିତ ତାଙ୍କ ମାଆ ମୃତ୍ୟୁଶଯ୍ୟାରେ ସେହି ଚିଠିଟି ଆନ୍ଙ୍କୁ ଦେଇଥିଲେ।
ଆନ୍ ମାଇକେଲ୍ଙ୍କଠାରୁ ୪ ବର୍ଷ ସାନ।
ଶିଶୁ ଥିବାବେଳେ ସେ ନିଜ ବଡ଼ଭାଇଙ୍କୁ ଆଦର୍ଶ ମାନୁଥିଲେ।
ମାଇକେଲ୍ ୩୩ ବର୍ଷ ବୟସରେ ଘର ଛାଡ଼ିଥିଲେ ଏବଂ ୫୫ ବର୍ଷ ବୟସରେ ପ୍ରାଣ ହରାଇଥିଲେ।
ଆନ୍ "ନକ୍ସ"କୁ ରୋମୀୟ କବି କାଟୁଲସ୍ ନିଜ ଭାଇଙ୍କ ମୃତ୍ୟୁକୁ ନେଇ ଲେଖିଥିବା କବିତା ୧୦୧କୁ ଆଧାର କରି ରଚନା କରିଥିଲେ।
ଏହି କୃତିକୁ ନୋବେଲ କମିଟି ତାଙ୍କର "ଅବିସ୍ମରଣୀୟ" କାର୍ଯ୍ୟ ଭାବେ ଉଲ୍ଲେଖ କରିଛି।
ଆନ୍ଙ୍କୁ ସାହିତ୍ୟରେ ନୋବେଲ ଦିଆଯାଇଛି "ଶାସ୍ତ୍ରୀୟ ପରମ୍ପରା ସହ ରଚନାତ୍ମକ ସଂଳାପ ମାଧ୍ୟମରେ ସମକାଳୀନ ସାହିତ୍ୟ ପାଇଁ ନୂଆ ରୂପ ସୃଷ୍ଟି କରିଥିବା ତାଙ୍କ ସାହସିକ ଓ ଅଭିନବ ସାହିତ୍ୟକୃତି" ପାଇଁ।
ଜୁନ୍ ୨୧, ୧୯୫୦ ରେ ଟରୋଣ୍ଟୋରେ ଜନ୍ମଗ୍ରହଣ କରିଥିବା ଆନ୍ କାର୍ସନ୍ ଜଣେ ପ୍ରଫେସର ଯିଏ କାନାଡା ଓ ଆମେରିକାର ବିଶ୍ୱବିଦ୍ୟାଳୟରେ ଶିକ୍ଷାଦାନ କରିଛନ୍ତି।
ତାଙ୍କ ରଚନାଗୁଡ଼ିକ ମଧ୍ୟରେ ଉପନ୍ୟାସ "ଅଟୋବାୟୋଗ୍ରାଫି ଅଫ୍ ରେଡ୍" (୧୯୯୮) ଏବଂ ଏହାର ଦ୍ବିତୀୟ ଭାଗ "ରେଡ୍ ଡକ୍" (୨୦୧୩), ପ୍ରବନ୍ଧ "ଇରୋସ୍ ଦି ବିଟରସୁଇଟ୍" (୧୯୮୬), ଅନୁବାଦ "ଇଫ୍ ନଟ୍, ୱିଣ୍ଟର" (୨୦୦୨), ଏକ ସଂକଳନ "ଫ୍ଲୋଟ୍" (୨୦୧୬) ଏବଂ ୧୦ଟି ପ୍ରାଚୀନ ଗ୍ରୀକ୍ ଟ୍ରାଜେଡିର ଅନୁବାଦ ଅନ୍ତର୍ଭୁକ୍ତ।
"
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ sambad-ସମ୍ବାଦ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
Odisha Press & Media
Learn Data Science & Analytics at IAIAC.IN
Learn in-demand data skills with hands-on projects and mentor support.
/sambad/media/media_files/2026/10/19/new-project-4-2026-10-19-23-05-30.jpg)
/sambad/media/media_files/2026/10/20/new-project-2-2026-10-20-06-15-57.jpg)
/sambad/media/media_library/vi/OUI1TmUUAFk/hqdefault-489815.jpg)
/sambad/media/media_files/2026/10/19/maa-durga-2026-10-19-19-30-42.jpeg)
/sambad/media/media_files/2026/10/20/20bbs_1_20102026_112-2026-10-20-09-58-06.jpg)
/sambad/media/media_files/2026/08/24/images-8-2026-08-24-21-58-24.jpg)
/sambad/media/media_files/2026/08/24/ouat-2026-08-24-21-08-28.jpeg)
/sambad/media/media_files/2026/09/06/06bbs_31_06092026_112-2026-09-06-19-37-35.jpg)
