ଘରୋଇ ଶିକ୍ଷାନୁଷ୍ଠାନ ହଷ୍ଟେଲରେ ଜୀବନ ହାରିଲେ ଛାତ୍ର, ହତ୍ୟା ଅଭିଯୋଗ ଆଣିଲେ ପରିବାର ଲୋକ
ଭୁବନେଶ୍ୱର: ମଞ୍ଚେଶ୍ୱର ଥାନା ଅନ୍ତର୍ଗତ ଘରୋଇ ଶିକ୍ଷାନୁଷ୍ଠାନରେ ଛାତ୍ର ମୃତ୍ୟୁ । ମୃତ୍ୟୁବରଣ କରିଛନ୍ତି ଯୁକ୍ତ ୨ ଦ୍ୱିତୀୟ ବର୍ଷ ବିଜ୍ଞାନ ବିଭାଗର ଛାତ୍ର । ମୃତ ଛାତ୍ରଙ୍କ ନାଁ ଅନ୍ତର୍ଯ୍ୟାମୀ ପ୍ରିୟାନ୍ସୁ ସାହୁ, ଘର ବାଙ୍କୀ । କଲେଜ କ୍ୟାମ୍ପସରୁ ତାଙ୍କର ମୃତଦେହ ମିଳିଥିବା ବେଳେ କଲେଜ କର୍ତ୍ତୃପକ୍ଷ ଏହାକୁ ଆତ୍ମହତ୍ୟା ବୋଲି କହିଛନ୍ତି। କିନ୍ତୁ ପରିବାର ଲୋକେ ପହଁଚି ତାଙ୍କ ପୁଅକୁ ହତ୍ୟା କରାଯାଇଥିବା ଭଳି ସାଙ୍ଘାତିକ ଅଭିଯୋଗ ଆଣିଛନ୍ତି । ସେପଟେ ଅଭିଯୋଗ ପାଇବା ମାତ୍ରେ ସ୍ଥାନୀୟ ପୋଲିସ କଲେଜରେ ପହଁଚିବା ସହିତ ଅଧିକ ପଚରାଉଚରା ଜାରି ରଖିଛି । କର୍ତ୍ତୃପକ୍ଷ ଓ ପରିବାର ଲୋକଙ୍କ ଠାରୁ ପୁରା କେସ ସମ୍ପର୍କରେ ପଚାରି ବୁଝିଛି । ସହପାଠୀଙ୍କୁ ମଧ୍ୟ ପଚରାଉଚରା କରିଛି । ସେପଟେ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି ପୋଲିସ।
