Sachin Tendulkar Friendship Day: ଫ୍ରେଣ୍ଡସିପ୍ ଡେ’ରେ ହୃଦୟ ଜିତିଲା ମାଷ୍ଟର ବ୍ଲାଷ୍ଟରଙ୍କ ପୋଷ୍ଟ
ନୂଆଦିଲ୍ଲୀ: ଆଜି ଫ୍ରେଣ୍ଡସିପ୍ ଡେ’ । ବନ୍ଧୁଙ୍କ ପାଇଁ ଦିନଟିଏ । ନିଜ ନିଜର ବନ୍ଧୁଙ୍କ ସହ କିଏ ସମୟ ବିତାଉଛି ତ ଆଉ କିଏ ନିଜର ପ୍ରିୟ ବନ୍ଧୁ ପାଇଁ ସୋସିଆଲ ମିଡିଆରେ ସୁନ୍ଦର ପୋଷ୍ଟ କରୁଛି । ଏହି ଅବସରରେ ଟିମ୍ ଇଣ୍ଡିଆର ପୂର୍ବତନ ଷ୍ଟାର ବ୍ୟାଟ୍ସମ୍ୟାନ ତଥା କ୍ରିକେଟର ଭଗବାନ ଭାବେ ଜଣାଶୁଣା ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ଏକ ପୋଷ୍ଟ କରିଛନ୍ତି । ଯାହାକି ବେଶ ଭାଇରାଲ ହେବାରେ ଲାଗିଛି । ଏହି ପୋଷ୍ଟରେ ୟୁଜର୍ସମାନେ ସକରାତ୍ମକ କମେଣ୍ଟମାନ କରୁଥିବା ସହ ସେୟାର ମଧ୍ୟ କରୁଥିବା ଦେଖିବାକୁ ମିଳିଛି ।
ଖାସ ଦିନରେ କ୍ରିକେଟର ଭଗବାନ ତଥା ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ଏକ ନିଆରା ପୋଷ୍ଟ ସେୟାର କରିଛନ୍ତି । ସେ ନିଜର ଏହି ଖାସ ଦିନଟିକୁ ନିଜର ଅବୋଲା ସାଥୀ ଅର୍ଥାତ୍ ପୋଷା କୁକୁର (ପେଟ୍ ଡଗ୍ସ) ମାନଙ୍କ ନାମରେ ନାମିତ କରିଛନ୍ତି। ତାଙ୍କର ଏହି ପୋଷ୍ଟ ପ୍ରମାଣ କରୁଛି ଯେ କୁକୁରମାନେ ପ୍ରକୃତରେ ମଣିଷର ସବୁଠାରୁ ଭଲ ବନ୍ଧୁ ।
ରବିବାର ଅର୍ଥାତ୍ ଅଗଷ୍ଟ ୨ ତାରିଖ ଫ୍ରେଣ୍ଡସିପ୍ ଡେ' ଅବସରରେ ସଚିନ ନିଜ ଇନଷ୍ଟାଗ୍ରାମ୍ ଆକାଉଣ୍ଟରେ ଏକ ବହୁତ ସୁନ୍ଦର ଭିଡିଓ ସେୟାର କରିଛନ୍ତି। ଏହି ଭିଡିଓରେ ତାଙ୍କର ପୋଷା କୁକୁରମାନେ ପରସ୍ପର ସହ ମଜାମସ୍ତି କରୁଥିବା ଏବଂ ପାଖାପାଖି ବସିଥିବାର ନଜର ଆସୁଛନ୍ତି।
ଏହି କ୍ୟୁଟ୍ ଭିଡିଓ ସହ ସଚିନ ଏକ ଚମତ୍କାର କ୍ୟାପ୍ସନ ମଧ୍ୟ ଲେଖିଛନ୍ତି । ସେ ଲେଖିଛନ୍ତି ଯେ, "ସେମାନେ ବିନା କୌଣସି କାରଣରେ ପରସ୍ପର ସହ ଝଗଡ଼ା କରନ୍ତି ଏବଂ ତା'ପରେ ପରସ୍ପର ପାଖରେ ଏମିତି ଆସି ବସିଯାଆନ୍ତି ଯେମିତି କିଛି ହୋଇହିଁ ନାହିଁ । ଯଦି ଏହା ବନ୍ଧୁତା ନୁହେଁ, ତେବେ ମୁଁ ଜାଣିନି ବନ୍ଧୁତା କାହାକୁ କୁହନ୍ତି !"
ସଚିନଙ୍କ ଏହି ଛୋଟ ବାର୍ତ୍ତାଟି ଲୋକଙ୍କ ହୃଦୟକୁ ସିଧା ଛୁଇଁଯାଇଛି । ସେ ବିନା କୌଣସି ଆଡ଼ମ୍ବର କିମ୍ବା ବଡ଼ ବଡ଼ ଶବ୍ଦରେ ବନ୍ଧୁତାର ସବୁଠାରୁ ପ୍ରକୃତ ଏବଂ ସୁନ୍ଦର ଅର୍ଥ ବୁଝାଇ ଦେଇଛନ୍ତି । ପ୍ରକୃତ ବନ୍ଧୁତାରେ କ୍ଷମା କରିବା, ଭୁଲିଯିବା ଏବଂ ସର୍ବଦା ଏକାଠି ରହିବା ସାମିଲ ଥାଏ ।
ସଚିନଙ୍କ ଏହି ପୋଷ୍ଟ ସାମ୍ନାକୁ ଆସିବା ମାତ୍ରେ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ ହେବାରେ ଲାଗିଛି। ତାଙ୍କର ଫ୍ୟାନ୍ସ ଏବଂ ପେଟ୍ ଲଭର୍ସ (ପଶୁପ୍ରେମୀ) ମାନେ ଏହି ଭିଡିଓ ଉପରେ ବହୁତ ଭଲପାଇବା ଅଜାଡି ଦେଉଛନ୍ତି । ଏହା ସହିତ ପ୍ରଶଂସକମାନେ କମେଣ୍ଟ ବକ୍ସରେ ନିଜର ପ୍ରତିକ୍ରିୟା ଦେଇ ଲେଖୁଛନ୍ତି ଯେ ପ୍ରକୃତରେ ପୋଷା ଜୀବମାନେ ବିନା ସ୍ୱାର୍ଥରେ ସବୁଠାରୁ ଭଲ ବନ୍ଧୁ ପାଲଟିଥାନ୍ତି ।
ଏହାସହ ପଢ଼ନ୍ତୁ : Hardik pandya: ହାର୍ଦ୍ଦିକ ପାଣ୍ଡ୍ୟାଙ୍କ ନୂଆ ଲୁକ୍...ଲଣ୍ଡା ହୋଇ ତିରୁମାଳା ମନ୍ଦିରରେ ପହଞ୍ଚିଲେ, ଭକ୍ତିରେ ବୁଡିଲେ କ୍ରିକେଟର
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ PRAMEYA - ପ୍ରମେୟ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
