ଅଯୋଧ୍ୟା, ୪।୭: ଶ୍ରୀରାମ ଜନ୍ମଭୂମି ମନ୍ଦିରର ଦାନ ବାକ୍ସରୁ ଟଙ୍କା ଚୋରି ମାମଲାରେ ପୁଲିସ ତଦନ୍ତରୁ ଏକ ବଡ଼ ଧରଣର ସ୍ପଷ୍ଟିକରଣ ସାମ୍ନାକୁ ଆସିଛି । ନିଜର କଳା କାରନାମାକୁ ଲୁଚାଇବା ପାଇଁ ଅଭିଯୁକ୍ତମାନେ ବାରମ୍ବାର ସିସିଟିଭି କ୍ୟାମେରା ସହ ଖେଳିବାକୁ ଚେଷ୍ଟା କରିଥିଲେ । ଏପରିକି କଣ୍ଟ୍ରୋଲ ରୁମ୍କୁ ଯାଇ ସିସିଟିଭି ଫୁଟେଜ୍ ଡିଲିଟ୍ କରିବାକୁ ମଧ୍ୟ ଉଦ୍ୟମ କରାଯାଇଥିଲା ଏବଂ ଅଭିଯୁକ୍ତମାନେ ଏଥିରେ ସଫଳ ମଧ୍ୟ ହୋଇଥିଲେ । ତେବେ ତଦନ୍ତ ପାଇଁ ପ୍ରମାଣ ସ୍ୱରୂପ ଯେତିକି ଫୁଟେଜ୍ ଆବଶ୍ୟକ ଥିଲା, ପୁଲିସ ସେସବୁକୁ ସୁରକ୍ଷିତ ଭାବେ ହାସଲ କରିସାରିଛି । ସୂତ୍ର ଅନୁସାରେ, ଦାନ ଅର୍ଥ ଗଣତି ସମୟରେ ଯେତେବେଳେ ଅଭିଯୁକ୍ତମାନେ ଟଙ୍କା ଗାଏବ କରୁଥିଲେ, ସେତେବେଳେ କାଉଣ୍ଟିଂ ଇନଚାର୍ଜ ନିଜେ କଣ୍ଟ୍ରୋଲ ରୁମ୍ ଉପରେ ନଜର ରଖୁଥିଲେ । ସେଠାକୁ ଯେପରି କେହି ନ ଯାଆନ୍ତି ଏବଂ ଯଦି କେହି ଯାଆନ୍ତି, ସେଥିପାଇଁ ସମ୍ପୂର୍ଣ୍ଣ ବ୍ୟବସ୍ଥା କରାଯାଉଥିଲା । ଅଭିଯୁକ୍ତ ଟିନ୍ନୁ ମଧ୍ୟ ଏହି କାମରେ ସାମିଲ ଥିଲା । ଧରା ନପଡ଼ିବା ପାଇଁ ଅଭିଯୁକ୍ତମାନେ ସବୁ ପ୍ରକାର ଚେଷ୍ଟା ଚଳାଇଥିଲେ।
