ସାଲାଡ ଖାଉଥିଲେ ହୋଇଯାଆନ୍ତୁ ସତର୍କ ! ଆମେରିକାରେ ହଜାର ହଜାର ଲୋକେ ଅସୁସ୍ଥ, ଦେଖାଯାଉଛି ଏଭଳି ଲକ୍ଷଣ
ନୂଆଦିଲ୍ଲୀ,୧୬।୭: ସାଲାଡକୁ ପ୍ରାୟତ ହେଲଦି ଡାଏଟ୍ ଭାବରେ ମନେକରାଯାଏ। ଏଥିରେ ଭିଟାମିନ୍, ମିନେରାଲ ଓ ଫାଇବର ମିଳିଥାଏ। କିନ୍ତୁ ଯଦି ଏହାକୁ ଠିକ୍ ଭାବରେ ସଫା ନକରି ଖାଇବା ତେବେ ବ୍ୟାକ୍ଟେରିକା କିମ୍ବା ଭାଇରସ୍ ବ୍ୟାପିବାର ସମ୍ଭାବନା ରହିଛି। ଆମେରିକାରେ ବର୍ତ୍ତମାନ ଏଭଳି ଭାଇରସ୍ ହାହାକାର ସୃଷ୍ଟି କରିଛି, ଏହି କାରଣରୁ ହଜାର ହଜାର ଲୋକ ଅସୁସ୍ଥ ହୋଇଛନ୍ତି। ଏହାପରେ ପୁରା ଦେଶକୁ ସତର୍କ କରି ଦିଆଯାଇଛି ଯେ, ରେଷ୍ଟୁରାଣ୍ଟରେ ସାଲାଡ ବିକ୍ରି ଉପରେ ରୋକ ଲଗାଇ ଦିଆଯାଉ। ୩୦ରୁ ଅଧିକ ରାଜ୍ୟରେ ହାଇଆର୍ଲଟ ଜାରି କରି ଦିଆଯାଇଛି। କିନ୍ତୁ ଏଭଳି କାହିଁକି ହେଲା ? ଆସନ୍ତୁ ଜାଣିବା।
କ’ଣ ରହିଛି ପୁରା ମାମଲା ?
ଆମେରିକାର ରୋଗ ନିୟନ୍ତ୍ରଣ ଏବଂ ନିବାରଣ କେନ୍ଦ୍ର ଅନୁଯାୟୀ, ଏହି ରୋଗ ବୃଦ୍ଧି ପାଇବାରେ ଲାଗିଛି, ଏପର୍ଯ୍ୟନ୍ତ ରାଜ୍ୟଗୁଡ଼ିକରେ ୭୦୦୦ ରୁ ଅଧିକ ମାମଲା ରିପୋର୍ଟ କରାଯାଇଛି। ସର୍ବଶେଷ ତଥ୍ୟ ଅନୁଯାୟୀ, ମେ ୧ ତାରିଖରୁ ୧୬୦୦ ମାମଲା ସୁନିଶ୍ଚିତ ହୋଇଛି।
ସାଲାଡରେ କିପରି ବ୍ୟାପରେ ଇନଫେକ୍ସନ
ସାଲାଡ ବିଭିନ୍ନ ଉପାୟରେ ସଂକ୍ରମଣ ବ୍ୟାପିପାରେ, ଯେପରିକି ପନିପରିବାକୁ ପାଣି ଦେବା, ପନିପରିବାକୁ ଠିକ୍ ଭାବରେ ନହେବା, ପ୍ୟାକେଜ୍ ହୋଇଥିବା ସାଲାଡ ବ୍ୟବହାର କରିବା ଏବଂ ପରିବାକୁ ଠିକ୍ ଭାବରେ ନ ଧୋଇବା ଯୋଗୁଁ ବି ହୋଇପାରେ। ଆମେରିକାର ଅନେକ ଅଞ୍ଚଳରେ ଏହି ରୋଗର ବିପଦ ଜାରି ରହିଛି। ରିପୋର୍ଟ ଅନୁଯାୟୀ, ମିଶିଗାନ ଏବଂ ଓହାଇଓ ସର୍ବାଧିକ ବିପଦରେ ଅଛନ୍ତି।
ଇନଫେକ୍ସନର କ’ଣ ଲକ୍ଷଣ ?
ସାଲାଡା ଖାଇବା ପରେ କିଛି ଲୋକଙ୍କୁ ବିଭିନ୍ନ ପ୍ରକାର ସମସ୍ୟା ଦେଖାଦେଇପାରେ।ଯେପରିକି..
ବାନ୍ତି, ପେଟ ବ୍ୟଥା, ଜ୍ବର ହେବା ଏବଂ ଶରୀରକୁ ଦୁର୍ବଳ ଲାଗିବା ଭଳି ସମସ୍ୟା ଦେଖିବାକୁ ମିଳିଥାଏ।
ସାଲାଡ ଖାଇବା ସମୟରେ କେଉଁ କଥାକୁ ଧ୍ୟାନରେ ରଖିବେ ?
ସାଲାଡ ପ୍ରସ୍ତୁତ କରିବା ପୂର୍ବରୁ, ସମସ୍ତ ପନିପରିବା ଏବଂ ପତ୍ରଯୁକ୍ତ ପନିପରିବାଗୁଡ଼ିକୁ ପାଣି ତଳେ ଭଲ ଭାବରେ ଧୋଇ ଦିଅନ୍ତୁ। ଖାଦ୍ୟ-ଗ୍ରେଡ୍ ପନିପରିବା ଧୋଇ ବ୍ୟବହାର କରନ୍ତୁ। ସାଲାଡ ପ୍ରସ୍ତୁତି ପାଇଁ ପୃଥକ କପିଂ ବୋର୍ଡ ବ୍ୟବହାର କରିବା ଭଲ। ପ୍ୟାକେଜ୍ ହୋଇଥିବା ସାଲାଡ କିଣିବା ସମୟରେ, ଅବଧି ସମାପ୍ତି ତାରିଖ ଏବଂ ପ୍ୟାକେଜିଂ ଯାଞ୍ଚ କରିବାକୁ ନିଶ୍ଚିତ କରନ୍ତୁ।
ଆହୁରି ପଢନ୍ତୁ : Social Media Curfew : ଅଧା ରାତି ହେଲେ ଆଉ ଚାଲିବନି ସୋସିଆଲ ମିଡିଆ ଆପ୍, ଡିଜିଟାଲ ସୁରକ୍ଷା ନେଇ ଯୋଜନା
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ PRAMEYA - ପ୍ରମେୟ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
