ବାବରଙ୍କୁ ମିଳିଲା ଅଧିନାୟକ ପଦ, ଇସ୍ତଫା ଦେଲେ କୋଚ୍ !

ନୂଆଦିଲ୍ଲୀ: ପାକିସ୍ତାନ କ୍ରିକେଟ ଟିମ୍ ଏବଂ ବିବାଦ କିଛି ନୂଆ କଥା ନୁହେଁ । କେତେବେଳେ ଖେଳାଳିଙ୍କ ମଧ୍ୟରେ ତୁତୁ ମେଁ ମେଁ ତ ଆଉ କେତେବେଳେ ମ୍ୟାନେଜମେଣ୍ଟ ସହ । ଏଭଳି ନାଟକ ପାକିସ୍ତାନ କ୍ରିକେଟରେ ଅନେକ ସମୟରେ ଦେଖିବାକୁ ମିଳିଥାଏ । ଏବେ ବିଦେଶ ଗସ୍ତ ପୂର୍ବରୁ ପାକିସ୍ତାନ କ୍ରିକେଟ ଟିମରେ ଦେଖିବାକୁ ମିଳିଛି ଆଉ ଏକ ନୂଆ ଘଟଣା । ଓ୍ବେଷ୍ଟଇଣ୍ଡିଜ୍ ଏବଂ ଇଂଲଣ୍ଡ ଭଳି ଗୁରୁତ୍ବପୂର୍ଣ୍ଣ ସିରିଜ୍ ପୂର୍ବରୁ ଦଳକୁ ଲାଗିଛି ବଡ଼ ଝଟକା । ଦଳର ଫିଲ୍ଡିଂ କୋଚ ଶେନ ମ୍ୟାକଡର୍ମଟ୍ ଇସ୍ତଫା ଦେଇଛନ୍ତି ।

Pakistan fielding coach Shane McDermott has quit his role at the PCB. Currently in Australia, he was appointed Pakistan's all-format fielding coach a year ago, and was scheduled to be part of support staff for the Asian Games in September pic.twitter.com/5eMSn9NzoU

— Cricinfo (@cricinfo) July 11, 2026

ଜୁଲାଇ ୧୩ ତାରିଖରୁ ଓ୍ବେଷ୍ଟଇଣ୍ଡିଜ ବିପକ୍ଷରେ ଟେଷ୍ଟ ସିରିଜ ଖେଳିବ ପାକିସ୍ତାନ । ୨ ମ୍ୟାଚ ବିଶିଷ୍ଟ ମ୍ୟାଚ ଅନୁଷ୍ଠିତ ହେବାକୁ ଯାଉଛି । ଏହାପରେ ଇଂଲଣ୍ଡ ବିପକ୍ଷରେ ତିନୋଟି ଟେଷ୍ଟ ମ୍ୟାଚ୍ ଖେଳିବ । ମାତ୍ର କୋଚଙ୍କ ଏଭଳି ହଠାତ ଇସ୍ତଫାକୁ ନେଇ ଆରମ୍ଭ ହୋଇଛି ଚର୍ଚ୍ଚା । ମ୍ୟାକଡର୍ମଟ୍ ୨୦୨୫ ମସିହାରେ ମହମ୍ମଦ ମସରୁରଙ୍କ ସ୍ଥାନରେ ପାକିସ୍ତାନ ଦଳରେ ଯୋଗ ଦେଇଥିଲେ ଏବଂ ତାଙ୍କର ପ୍ରଥମ ନିଯୁକ୍ତି ଜୁଲାଇ ୨୦୨୫ରେ ବାଂଲାଦେଶ ବିପକ୍ଷରେ ଟି୨୦ ସିରିଜ୍ ଥିଲା। ସେ ପୂର୍ବରୁ ବାଂଲାଦେଶ ଏବଂ ଶ୍ରୀଲଙ୍କା ଭଳି ଅନ୍ତର୍ଜାତୀୟ ଦଳ ସହିତ କାମ କରିଥିଲେ।

ଆଶ୍ଚର୍ଯ୍ୟଜନକ ଭାବରେ, ପିସିବି ଆନୁଷ୍ଠାନିକ ଭାବରେ ଶେନ୍ ମ୍ୟାକଡର୍ମଟଙ୍କ ହଠାତ୍ ଇସ୍ତଫାର କାରଣ ସ୍ପଷ୍ଟ କରିନାହିଁ। ପାକିସ୍ତାନ କ୍ରିକେଟରେ କିଛି ସମୟ ପୂର୍ବରୁ ବିଦେଶୀ କର୍ମଚାରୀମାନେ କୌଣସି ସ୍ପଷ୍ଟ କାରଣ ବିନା ସେମାନଙ୍କର ପଦବୀ ଛାଡିବାର ଏକ ଅଜବ ଧାରା ଦେଖାଦେଇଛି। ମ୍ୟାକଡର୍ମଟଙ୍କ ପୂର୍ବରୁ ପିସିବିର ଅନେକ ପ୍ରମୁଖ ବ୍ୟକ୍ତି ନିଯୁକ୍ତି ପାଇସାରିଛନ୍ତି।