୪ ମାସର ବକେୟା ଭତ୍ତା ଅପେକ୍ଷାରେ ହିତାଧିକାରୀ, ଅଭିଯୋଗ କରିବାରୁ….
ଗୁଡାରି,୨୨ା୭(ପ୍ରମୋଦ କୁମାର ପତି): ସାମାଜିକ ସୁରକ୍ଷା ଯୋଜନାରେ ଗୁଡାରି ବ୍ଲକର ବହୁ ହିତାଧିକାରୀ ଗତ ୪ ମାସ ହେବ ଭତ୍ତା ପାଇନଥିବା ଅଭିଯୋଗ କରିଛନ୍ତି । ଏ ନେଇ ବହୁ ହିତାଧିକାରୀ ଗତ ସୋମବାର ବ୍ଲକ କାର୍ଯ୍ୟାଳୟରେ ଅନୁଷ୍ଠିତ ଜିଲାପାଳଙ୍କ ଯୁଗ୍ମ ଅଭିଯୋଗ ଶୁଣାଣି ଶିବିରରେ ଅଭିଯୋଗ କରିଥିଲେ। ଗୁଡାରି ବ୍ଲକର ମଧୁବନ ଗ୍ରାମପଞ୍ଚାୟତ ଅନ୍ତର୍ଗତ ରାଉତଗୁଡା ଗ୍ରାମର ସୁକୁମାରୀ ଶବର, ଲାବଣ୍ୟ ଶବର, ସୁକୁମାରୀ ଶବର ସେହିପରି ସର୍ଗିଡାଙ୍ଗ ଗ୍ରାମର କାନ୍ଦରୀ ଶବର ଓ ସୁକୁମାରୀ ଶବର ଏବଂ ଭରତଗୁଡା ଗ୍ରାମର ରତ୍ନ ଶବର ଓ କମଳା ଶବର ଗତ ୪ ମାସ ହେଲା ଭତ୍ତା ମିଳିନଥିବା ପ୍ରକାଶ କରିଛନ୍ତି । ଏହି ୭ ଜଣ ହିତାଧିକାରୀ ୪ ମାସ ହେଲା ଭତ୍ତା ମିଳିନଥିବାରୁ ବହୁ ଅସୁବିଧାର ସମ୍ମୁଖୀନ ହେଉଅଛୁ ବୋଲି କୋହଭରା କଣ୍ଠରେ କହିଛନ୍ତି ।
ଭତ୍ତା ଟଙ୍କା ପାଇବା ପାଇଁ ସେମାନେ ବ୍ୟାଙ୍କ ଓ ବ୍ଲକ ଅଫିସ କୁ ବାରମ୍ବାର ଯାଇଥିଲେ ମଧ୍ୟ କିଛି ଫଳପ୍ରଦ ହେଉନଥିବା କହିଛନ୍ତି । ଏହି ପରିଣତ ବୟସରେ ସେମାନଙ୍କୁ ଭତ୍ତା ପଇସା ହିଁ ରୋଜଗାରର ଏକ ମାତ୍ର ମାଧ୍ୟମ ହୋଇଥିବା ବେଳେ ମାସ ମାସ ଧରି ଭତ୍ତା ପଇସା ମିଳୁନଥିବାରୁ ସେମାନେ ବିଚଳିତ ଅବସ୍ଥାରେ ଅଛନ୍ତି। ମୁଖ୍ୟତଃ ବାର୍ଦ୍ଧକ୍ୟ ଅବସ୍ଥାରେ ଔଷଧ କିଣିବା ପାଇଁ ସେମାନଙ୍କୁ ଅର୍ଥ ଆବଶ୍ୟକ ହେଉଥିବା ସେମାନେ ଗୁରତ୍ୱ ଦେଇଛନ୍ତି। ଏ ସମ୍ପର୍କରେ ବ୍ଲକ ବିଭାଗୀୟ ଅଧିକାରୀ କହିଛନ୍ତି ବ୍ୟାଙ୍କ ଖାତାରେ ଯେଉଁ ମାନଙ୍କ eKYC ହୋଇଛି ସେମାନେ ସମସ୍ତେ ଆସନ୍ତା ୩୦ ତାରିଖ ସୁଦ୍ଧା ସମସ୍ତ ବକେୟା ଭତ୍ତା ପାଇବେ। ମାସିକ ଭତ୍ତାକୁ ତ୍ରୟୋମାସିକରେ ପରିଣତ ହେବାକୁ ବୁଦ୍ଧିଜୀବୀ ସହଜରେ ଗ୍ରହଣ କରିପାରୁନହାନ୍ତି ।
Dharitri – Odisha’s No.1 Odia Daily
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
