ସରକାରଙ୍କ ଯୋଜନାକୁ କାର୍ଯ୍ୟକାରୀ କରିବା ପାଇଁ କୃଷି ବିଭାଗର ତତ୍ପରତା, ତାଲିମ…
ଦାରିଙ୍ଗବାଡି,୨୫।୬(ଅରୁଣ ସାହୁ): ସରକାରଙ୍କ ବିଭିନ୍ନ ଯୋଜନା କାର୍ଯ୍ୟକାରୀ କରାଇବା ଓ ସଠିକ ଭାବେ କୃଷକଙ୍କ ନାମ ପଞ୍ଜିକୃତ କରାଇବାରେ କନ୍ଧମାଳ ଜିଲା ଦାରିଙ୍ଗବାଡି କୃଷି ବିଭାଗ ବଡ଼ ପଦକ୍ଷେପ ନେଇଛି । ଗୁରୁବାର କୃଷି କାର୍ଯ୍ୟଳୟ ପରିସର ମଧ୍ୟରେ ବ୍ଲକ କୃଷି ଅଧିକାରୀ ସୀତାଂଶୁ କୁମାର ମଲିକଙ୍କ ଅଧ୍ୟକ୍ଷତାରେ ତହସିଲଦାର ଧୀରଜ ପାତ୍ର, ସହକାରୀ କୃଷି ଅଧିକାରୀ ଅସେଲେସା ରଥ ଉପସ୍ଥିତ ରହି ଦାରିଙ୍ଗବାଡି ବ୍ଲକ ଅଞ୍ଚଳରେ ରହିଥିବା କମନ ସର୍ଭିସ ସେଣ୍ଟର (ସିଏସସି )ର ସମସ୍ତ ଭିଏଲଇ (ଭିଲେଜ ଲେଭେଲ ଇଂଟରେପ୍ରେନିୟୁର ବା ଉଦ୍ୟୋକ୍ତା )ଙ୍କୁ ତାଲିମ ପ୍ରଦାନ କରିଛନ୍ତି ।
ସରକାରଙ୍କ ଦ୍ୱାରା କୃଷକଙ୍କ ପାଇଁ ରହିଥିବା ଯୋଜନା ଓ ବୀମା ଗୁଡିକ ଅନଲାଇନରେ କିଭଳି ସଠିକ ତଥ୍ୟ ସହ ପଞ୍ଜିକୃତ କରାଯିବ ବିଶେଷ କରି ପିଏମ କିଶାନ, ସିଏମ କିଶାନ, ଫସଲ ବୀମା ଆଦି ସରକାରଙ୍କ ଯୋଜନାକୁ ପଞ୍ଜିକୃତ କରାଇବେ ଓ ତାକୁ ତ୍ବରାନ୍ୱିତ କରାଇବେ ସେନେଇ ତାଲିମ ପ୍ରଦାନ କରାଯାଇଥିଲା । ସରକାରଙ୍କ ବିଭିନ୍ନ ଯୋଜନାଗୁଡିକ ପଞ୍ଜିକୃତ କୃଷକଙ୍କ ପାଇଁ ରହିଥିବା ବିଧିବ୍ୟବସ୍ଥା ଉପରେ ଏହି ତାଲିମ ଶିବିରରେ ଗୁରୁତ୍ୱ ଦିଆଯାଇଥିଲା।
