ବିଶ୍ୱକପ୍ରୁ ବିଦାୟ ନେବା ପରେ ମୁହିଁ ଖୋଲିଲେ ଅଧିନାୟକ, କହିଲେ…
ଫକ୍ସବରୋ,୩୦ା୬: କ୍ରମାଗତ ତୃତୀୟଥର ପାଇଁ ଜର୍ମାନୀ ବିଶ୍ୱକପ୍ର ପ୍ରାରମ୍ଭିକ ପର୍ଯ୍ୟାୟରୁ ବିଦାୟ ନେଇଛି। ଏଥର ଦଳ ପେନାଲ୍ଟି ଶୁଟ୍ଆଉଟ୍ରେ ପାରାଗୁଏଠାରୁ ଲଜ୍ଜାଜନକ ପରାଜୟ ବରଣ କରିଛନ୍ତି। ଦକ୍ଷିଣ ଆମେରିକୀୟ ଦେଶ ପାରାଗୁଏ ଗ୍ରୁପ୍ ପର୍ଯ୍ୟାୟର ତୃତୀୟ ସ୍ଥାନରେ ରହି ନକ୍ଆଉଟ୍ ରାଉଣ୍ଡକୁ ଉତ୍ତୀର୍ଣ୍ଣ ହୋଇଥିବାରୁ ଏହି ପରାଜୟକୁ ହଜମ କରିବା ଜର୍ମାନୀ ପାଇଁ ଅଧିକ କଷ୍ଟକର ହେଉଛି। ଏଥିଲାଗି ମ୍ୟାଚ୍ ପରବର୍ତ୍ତୀ ଖବରଦାତା ସମ୍ମିଳନୀରେ ଜର୍ମାନୀର ଅଧିନାୟକ ଜୋଶୁଆ କିମିଚ ପୂରା ଦଳକୁ ସମାଲୋଚନା କରିଛନ୍ତି।
ମ୍ୟାନେଜର ଜୁଲିଆନ ନାଗେଲ୍ସମାନଙ୍କୁ ବିଦା କରାଯିବ କି ପ୍ରଶ୍ନର ଉତ୍ତରରେ ଜୋଶୁଆ କହିଥିଲେ, ହଁ, ମୁଁ ତାହା ଆଶା କରୁଛି। କିନ୍ତୁ ଶେଷରେ ପିଚ୍ରେ ଖେଳୁଥିବା ଖେଳାଳିମାନେ ପରାଜୟ ପାଇଁ ଦାୟୀ। ଆମ ପାଖରେ ପାରାଗୁଏ ଭଳି ପ୍ରତିଦ୍ୱନ୍ଦ୍ୱୀଙ୍କୁ ହରାଇବା ପାଇଁ ଆକାଂକ୍ଷା ଓ ଦକ୍ଷତା ରହିବା ଉଚିତ। ଆମକୁ ମ୍ୟାଚ୍ ଜିତିବାର ଥିଲା।
ଏହାବାଦ୍ ଏକ୍ସଟ୍ରା ଟାଇମ୍ରେ ଭାର ଜରିଆରେ ଜୋନାଥନ ତା ଦେଇଥିବା ଗୋଲ୍କୁ ନାକଚ କରାଯିବା ଘଟଣା ସମ୍ପର୍କରେ ଜୋଶୁଆ ପ୍ରକାଶ କରିଛନ୍ତି, କେହି ବି ରେଫରି କିମ୍ବା ପେନାଲ୍ଟି ଶୁଟ୍ଆଉଟ୍କୁ ଦାୟୀ କରିବା କଥା ଚିନ୍ତା କରିବା ଉଚିତ ନୁହେଁ। ଯଦି ତୁମେ ୧୨୦ ମିନିଟ୍ ମଧ୍ୟରେ ମ୍ୟାଚ୍ ଜିତିପାରୁ ନାହଁ, ତେବେ ତୁମେ ଟୁର୍ନାମେଣ୍ଟରୁ ବାଦ୍ ପଡ଼ିବା ଦରକାର।
