ବର୍ଷା ଜଳରେ ବୁଡିଲା କେଶପୁର, ଘରୁ ବାହାରି ପାରୁନାହାନ୍ତି ଲୋକେ
କଟକ ସଦର,୧୭।୭(ସୁଶାନ୍ତ କୁମାର ଜେନା): କଟକ ସଦର ବ୍ଲକ ଅନ୍ତର୍ଗତ ଆୟତ୍ତପୁର ପଞ୍ଚାୟତ କେଶପୁର ଗହିରରେ ବର୍ଷା ଜଳ ଜମି ରହିଛି । ଫଳରେ ନଦୀର ଭ୍ରମ ସୃଷ୍ଟି କରୁଛି । ଲୋକେ ଘରୁ ବାହାରି ନପାରି ନାହିଁ ନଥିବା ସମସ୍ୟା ଭୋଗୁଥିବା ଦେଖିବାକୁ ମିଳିଛି ।
ଅଧିକାଂଶ ସ୍ଥାନରେ ଲୋକଙ୍କ ଘରେ ପାଣି ପଶିଯାଇଛି । ବର୍ଷାଜଳ ଠିକ ଭାବେ ହଁଶୁଆ ନଦୀକୁ ନିଷ୍କାସିତ ନହୋଇପାରିବା ଜଳବନ୍ଦୀର ମୁଖ୍ୟ କାରଣ ବୋଲି କୁହାଯାଉଛି। କନ୍ଦରପୁର ଥାନା ନିକଟରେ ଥିବା ସାଇଫନରେ ପାଣି ନିଷ୍କାସନର ସମସ୍ୟା ସୃଷ୍ଟି ହୋଇଛି ।ସାଇଫନକୁ ସଂଯୋଗ କରୁଥିବା ଡ୍ରେନଟି ଲେବଲ୍ କ୍ରସିଂ ନିକଟରେ ମାଟିରେ ପୋତି ହୋଇଯିବା କାରଣରୁ ଜଳ ନିଷ୍କାସନର ପ୍ରତିବନ୍ଧକ ସୃଷ୍ଟି ହୋଇଛି । ଖରାଦିନ ଯିବାପରେ ମଧ୍ୟ ଡ୍ରେନରୁ ଦଳ, ପଙ୍କ ବାହାର କରାଯାଇ ନାହିଁ ।
Dharitri – Odisha’s No.1 Odia Daily
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
