ପ୍ରେମରେ ଉବୁଟୁବୁ ଶେହନାଜ: କହୁ କହୁ କହିଦେଲେ…

ଆଜିକାଲି ପ୍ରେମରେ ଉବୁଟୁବୁ ହେଉଛନ୍ତି ଅଭିନେତ୍ରୀ ଶେହନାଜ ଗିଲ। ସିଦ୍ଧାର୍ଥ ଶୁକ୍ଲାଙ୍କ ଯିବା ପରେ ଶେହନାଜ ଏବେ ଅଭିନେତା ରାଘବ ଜୁୟାଲଙ୍କ ପ୍ରେମରେ ପଡ଼ିଛନ୍ତି। ଏହାକୁ ନେଇ ଇଣ୍ଡଷ୍ଟ୍ରୀରେ ଜୋରଦାର ଚର୍ଚ୍ଚା ହେଉଛି। ନିକଟରେ ରାଘବଙ୍କ ଜନ୍ମଦିନର ଗୋଟିଏ ଦିନ ପୂର୍ବରୁ ତାଙ୍କ ହାତ ଧରି ଏକ ପାର୍ଟିରୁ ବାହାରି ଯାଉଥିବାର ଦେଖାଯାଇଥିଲା। ଶେହନାଜ-ରାଘବ ଫିଲ୍ମ ‘କିସି କା ଭାଇ କିସି କି ଜାନ’ରେ କାମ କରିଛନ୍ତି। କୁହାଯାଉଛି ଫିଲ୍ମ ନିର୍ମାଣ ସମୟରେ ଉଭୟଙ୍କ ମଧ୍ୟରେ ନୀବିଡତା ବଢିଥିଲା। ଯଦିଓ ସେମାନେ ପରସ୍ପରକୁ ଘନିଷ୍ଠ ବନ୍ଧୁ ବୋଲି ବର୍ଣ୍ଣନା କରିଛନ୍ତି, ତଥାପି ଡେଟିଂ ଗୁଜବ ସାମ୍ନାକୁ ଆସିଛି। ଏସବୁ ମଧ୍ୟରେ ଶେହନାଜ ରାଘବଙ୍କ ଆଗାମୀ ଫିଲ୍ମର ପ୍ରମୋଟ କରିଛନ୍ତି। ତାଙ୍କୁ ସମର୍ଥନ କରିବାକୁ ପ୍ରଶଂସକଙ୍କୁ ଅନୁରୋଧ କରିଛନ୍ତି ଶେହନାଜ।

ଏହି ଅବସରରେ ସେ କହିଛନ୍ତି, ମୋ ବନ୍ଧୁର ଫିଲ୍ମ ଆସୁଛି। ସେ ଜଣେ ଷ୍ଟାର। ସେ ଜଣେ ମୁଖ୍ୟ ଅଭିନେତା ଭାବରେ ଡେବ୍ୟୁ କରୁଛନ୍ତି। ତେଣୁ ଦୟାକରି ତାଙ୍କୁ ସମର୍ଥନ କରନ୍ତୁ। ସେ ମୋର ଜଣେ ବହୁତ ଭଲ ବନ୍ଧୁ ଏବଂ ତାଙ୍କ ଫିଲ୍ମ ସଫଳ ହେବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ।

ରାଘବ ଜଣେ ନୃତ୍ୟଶିଳ୍ପୀ ଭାବରେ ତାଙ୍କର କ୍ୟାରିଅର୍‌ ଆରମ୍ଭ କରିଥିଲେ ଏବଂ ସେବେଠାରୁ ଫିଲ୍ମରେ ଖଳନାୟକ ଏବଂ ସକାରାତ୍ମକ ଭୂମିକା ଗ୍ରହଣ କରିଛନ୍ତି। ବର୍ତ୍ତମାନ ସେ ଏକ ନୂଆ ସିନେମାରେ ଜଣେ ମୁଖ୍ୟ ଅଭିନେତା ଭାବରେ ଦେଖାଯାଉଛନ୍ତି।