ଗଞ୍ଜାମରେ ଅସାମାଜିକ ଯୁବକଙ୍କ ଆତଙ୍କ, ହସ୍ପିଟାଲରେ ପଶି ଭାଙ୍ଗିଦେଲେ…

ଗଞ୍ଜାମ,୨୩।୭(ବିଦ୍ୟାଧର ସାହୁ ): ଗୁରୁବାର ମଧ୍ୟାହ୍ନରେ ଗଞ୍ଜାମ ବଡବଜ଼ାର ଠାରେ ଥିବା ଆୟୁଷ୍ମାନ ଆରୋଗ୍ୟ ମନ୍ଦିରର ତଥା ସ୍ୱାସ୍ଥ୍ୟ କେନ୍ଦ୍ରରେ ଜଣେ ଅସାମାଜିକ ଯୁବକଙ୍କ ଗୁଣ୍ଡାରାଜ ଦେଖିବାକୁ ମିଳିଛି । ହସ୍ପିଟାଲରେ ପଶି ଭଙ୍ଗାରୁଜା କରିଥିବା ବେଳେ ସିସିଟିଭିରେ ଭିଡିଓ କୟଦ ହୋଇଛି ।

କିଛି କାରଣ ନଥାଇ ମେଡିକାଲ ଭିତରେ ପଶି ଏଭଳି ଗୁଣ୍ଡାଗର୍ଦ୍ଦି କରି ସରକାରୀ ଜିନିଷ ଭଙ୍ଗାରୁଜା କରିବା ସହ ମେଡିକାଲ କର୍ମଚାରୀଙ୍କୁ ଭୟଭୀତ କରାଇବା ଦଣ୍ଡନୀୟ ଅପରାଧ ବୋଲି ସ୍ଥାନୀୟ ଅଞ୍ଚଳବାସୀ  କହିଛନ୍ତି । ଏଭଳି କଦର୍ଯ୍ୟ ହୀନ କାର୍ଯ୍ୟକୁ ଦୃଢ଼ ନିନ୍ଦା କରିଛନ୍ତି ବୁଦ୍ଧିଜୀବୀ । ଅଭିଯୁକ୍ତକୁ କଠୋର ଦଣ୍ଡ ମିଳୁ ବୋଲି ସେମାନେ ଦାବି କରିଛନ୍ତି ।

ପ୍ରଥମେ ଆୟୁଷ ଡାକ୍ତର ବନୋଜ କାନ୍ତ କରଙ୍କ ଚାମ୍ବର ଗ୍ଲାସ ଭାଙ୍ଗିବା ପରେ ମେଡିକାଲ ଅଫିସରଙ୍କ ଚାମ୍ବର କାଚ ମଧ୍ୟ ବାଡେଇ ଭାଙ୍ଗିଦେଇଥିଲେ । ସିକ୍ୟୁରିଟି ଗାର୍ଡ ପଚାରିବାରୁ କିଛି ନକହି ବାଇକରେ ଚାଲି ଯାଇଥିବା ସିସିଟିଭିରେ କୟଦ ହୋଇଛି । ମେଡିକାଲ ସମସ୍ତ ଷ୍ଟାଫ ଓ କର୍ମଚାରୀ ଏବେ ଭୟଭୀତ ଅବସ୍ଥାରେ ଅଛନ୍ତି । ଏନେଇ ଅଭିଯୁକ୍ତଙ୍କ ବିରୁଦ୍ଧରେ ଗଞ୍ଜାମ ଥାନାରେ ଏତଲା ଦିଆଯାଇଛି । ଏତଲାପରେ ପୋଲିସ ପହଂଚି ସିସିଟିଭି ଯାଞ୍ଚ କରିଥିବା ଆୟୁଷ ଡାକ୍ତର ଗଣମାଧ୍ୟମକୁ ସୂଚନା ଦେଇଛନ୍ତି ।