ଏମଭିଆଇ-ଷ୍ଟେନୋଙ୍କ ଅବସର: ଭବିଷ୍ୟତ ସୁଖମୟ ହେବାକୁ କାମନା
ଛତ୍ରପୁର,୨।୭: ଗଞ୍ଜାମ ଆଞ୍ଚଳିକ ପରିବହନ କାର୍ଯ୍ୟାଳୟର ଏମଭିଆଇ ରାଜ କୁମାର ବେହେରା ଏବଂ ଷ୍ଟେନୋ ଶ୍ୟାମସୁନ୍ଦର ମାର୍ଥାଙ୍କ ଚାକିରିରୁ ଅବସର ହୋଇଯାଇଛି l ଏନେଇ କାର୍ଯ୍ୟାଳୟ ପକ୍ଷରୁ ଅଗସ୍ତିନୁଆ ଗାଁସ୍ଥିତ ସ୍ବୟଂକ୍ରୀୟ ଯାନ ଚାଳନା ପରୀକ୍ଷା କେନ୍ଦ୍ର ପରିସରରେ ଏକ ଅବସରକାଳୀନ ସମ୍ବର୍ଦ୍ଧନା କାର୍ଯ୍ୟକ୍ରମ ଆରଟିଓ ଇଂ ଦେବାଶିଷ ସ୍ବାଇଁଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ଏହି ଅବସରରେ ଡେପୁଟି କମିଶନର ଛତ୍ରପୁର ଗୋପାଳ ଦାଶ, ଆରଟିଓ ଇଂ. ଦେବାଶିଷ ସ୍ବାଇଁ, ଏଆରଟିଓ ସୋମନାଥ ଶବର, ଜୁନିଅର ଏମଭିଆଇ ତାରାକାନ୍ତ ନନ୍ଦ ଓ ରୋହିତ କୁମାର ପଣ୍ଡା, ଟିଆଇ ବିଶ୍ୱ ରଞ୍ଜନ ସାହୁଙ୍କ ସମେତ ଅନ୍ୟାନ୍ୟ କର୍ମଚାରୀମାନେ ଯୋଗଦେଇ ଏମଭିଆଇ ଶ୍ରୀ ବେହେରା ଏବଂ ଷ୍ଟେନୋ ଶ୍ରୀ ମାର୍ଥାଙ୍କ ଅବସରକାଳୀନ ଜୀବନ କିପରି ସୁଖମୟ ହେବ ସେଥିପାଇଁ ସମସ୍ତେ ଭଗବାନଙ୍କ ନିକଟରେ ପ୍ରାର୍ଥନା କରିଥିଲେ l ଏହା ସହିତ ଦୁଇଜଣଙ୍କୁ ଡେପୁଟିକମିସନର ଏବଂ ଆରଟିଓ ପୁଷ୍ପଗୁଚ୍ଛ ସହିତ ଉତ୍ତରୀୟ ପ୍ରଦାନ କରି ସମ୍ମାନିତ କରିଥିଲେ l ସମସ୍ତ କାର୍ଯ୍ୟକ୍ରମକୁ କାର୍ଯ୍ୟାଳୟର ଅଜୟ କୁମାର ବାରିକ ପରିଚାଳନା କରିଥିବାବେଳେ ଅନ୍ୟାନ୍ୟ କର୍ମଚାରୀମାନେ ସହଯୋଗ କରିଥିଲେ l
Dharitri – Odisha’s No.1 Odia Daily
