Munir: ଆମେରିକା ପ୍ରଥମେ ନିଜର ମନୋଭାବରେ ସୁଧାର ଆଣିବା ଉଚିତ୍: ମୁନିରଙ୍କୁ ସ୍ପଷ୍ଟ ଭାବରେ କହିଲା ଇରାନ

"ତେହେରାନ: ମଧ୍ୟସ୍ଥି ପାକିସ୍ତାନ ସମ୍ମୁଖରେ ଆମେରିକାର ଆଭିମୁଖ୍ୟ ଉପରେ ଇରାନ ପ୍ରଶ୍ନ ଉଠାଇଛି।

ତେହେରାନରେ ପାକିସ୍ତାନ ସେନା ମୁଖ୍ୟ ଅସୀମ ମୁନିରଙ୍କ ସହ ସାକ୍ଷାତ କରି ଇରାନ ରାଷ୍ଟ୍ରପତି ମାସୁଦ ପେଜେଶକିୟାନ କହିଛନ୍ତି ଯେ ଆମେରିକାର ଆଭିମୁଖ୍ୟ ଯୋଗୁଁ ସମାଧାନ ହୋଇପାରୁ ନାହିଁ।

ଯଦି ଆମେରିକା ଯୁଦ୍ଧ ଶେଷ କରିବାକୁ ଏବଂ ପରିସ୍ଥିତିରେ ଉନ୍ନତି ଆଣିବାକୁ ଚାହେଁ, ତେବେ ତାକୁ ଇରାନ ପ୍ରତି ନିଜର ଆଭିମୁଖ୍ୟରେ ପରିବର୍ତ୍ତନ କରିବାକୁ ପଡିବ।

ଟ୍ରମ୍ପ ପ୍ରଶାସନର ଚାପ ଏବଂ ଧମକ ଏମଓୟୁ କାର୍ଯ୍ୟକାରୀ କରିବା ପ୍ରକ୍ରିୟାକୁ ଆହୁରି ଜଟିଳ କରୁଛି।

ମାସୁଦ ସ୍ପଷ୍ଟ ଭାବରେ ମୁନିରଙ୍କୁ କହିଛନ୍ତି ଯେ, ଆମେରିକାର ବୃଥା ଧମକ ଦ୍ୱାରା ଇରାନ ଭୟଭୀତ ହେବ ନାହିଁ।

ଏହି ସମୟରେ, ଆମେରିକାର ପ୍ରତିରକ୍ଷା ସଚିବ ପିଟ୍ ହେଗସେଥ୍ ଧମକ ଦେଇ କହିଛନ୍ତି, ନୂତନ ଆର୍ଥିକ କଟକଣା ସହିତ ଇରାନ ବିରୋଧରେ ପୁଣି ଥରେ ସାମରିକ ଆକ୍ରମଣର ବିକଳ୍ପ ମଧ୍ୟ ଖୋଲା ରହିଛି।

ଆମେ ହର୍ମୁଜ୍ ପ୍ରଣାଳୀ କିମ୍ବା ଇରାନ ନିକଟବର୍ତ୍ତୀ କୌଣସି ସ୍ଥାନରେ ଆକ୍ରମଣର ବିକଳ୍ପକୁ ଅସ୍ୱୀକାର କରୁନାହୁଁ।

ଆମେରିକାର ଆର୍ଥିକ ଚାପକୁ ଇରାନ କେବେ ମଧ୍ୟ ସହ୍ୟ କରିପାରିବ ନାହିଁ।Advertisment ଟ୍ରମ୍ପଙ୍କ ମନ୍ତ୍ରୀ ଧମକ ଦେଲେ ପୁଣି ହୋଇପାରେ ଆଉ ଏକ ଆକ୍ରମଣ ଆମେରିକାର ନୂଆ ଆର୍ଥିକ କଟକଣା ଯୋଗୁଁ ଏହି ଅଞ୍ଚଳରେ ଉତ୍ତେଜନା ବୃଦ୍ଧି ପାଇଥିବା ବେଳେ ମୁନିର ଇରାନ ଅଧିକାରୀଙ୍କ ସହ ଆଲୋଚନା ପାଇଁ ଇରାନରେ ପହଞ୍ଚିଛନ୍ତି।

ଇରାନକୁ ହାର ମାନିବାକୁ ବାଧ୍ୟ କରିବା ପାଇଁ ଆମେରିକା ଆର୍ଥିକ ଆକ୍ରମଣ କରିଛି।

ଅପରପକ୍ଷରେ ଇରାନ ନିଜ ସର୍ତ୍ତରୁ ପଛକୁ ହଟିବାକୁ ନାରାଜ ହେଉଛି।

ମୁନିରଙ୍କ ସହ ତାଙ୍କର ଆଲୋଚନାରେ ମାସୁଦ ଆଶା ପ୍ରକାଶ କରିଛନ୍ତି ଯେ, ଇରାନ ଏବଂ ପାକିସ୍ତାନ ମଧ୍ୟରେ ନିରନ୍ତର ସହଯୋଗ ୧୪-ସୂତ୍ରୀ ବୁଝାମଣାପତ୍ର(ଏମଓୟୁ)ରେ ଧାର୍ଯ୍ୟ ଲକ୍ଷ୍ୟ ହାସଲ କରିବାରେ ସାହାଯ୍ୟ କରିବ।

ସେ କହିଛନ୍ତି ଯେ ଶାନ୍ତି ପାଇଁ ୱାସିଂଟନକୁ ଇରାନକୁ ଦେଇଥିବା ଅନ୍ତର୍ଜାତୀୟ ଆଇନ ଏବଂ ମାନଦଣ୍ଡ ଉପରେ ଆଧାରିତ ପ୍ରତିଶ୍ରୁତି ପାଳନ କରିବାକୁ ପଡିବ।

ମାସୁଦ ପେଜେଶକିୟାନ କହିଛନ୍ତି ଯେ ଆମେରିକା ଇରାନ ଉପରେ ଚାପ ପକାଇବାକୁ ଚେଷ୍ଟା କରୁଛି ଏବଂ ଧମକ ଦେଉଛି।

ଇରାନବାସୀ ଜାତୀୟ ଏକତା ମାଧ୍ୟମରେ ଏହି ଚାପକୁ ସହ୍ୟ କରିବେ, ଯେପରି ସେମାନେ ବର୍ଷ ବର୍ଷ ଧରି କରିଆସୁଛନ୍ତି।

ଆମେ ଆମେରିକା ଏବଂ ଆମର ବିରୋଧୀମାନଙ୍କୁ କହିବାକୁ ଚାହୁଁଛୁ ଯେ ଇରାନ ଏକତା ମାଧ୍ୟମରେ ଯେକୌଣସି ଚାପ ଏବଂ ବିପଦକୁ ପ୍ରତିହତ କରିବ।

ଇରାନ ଇସଲାମିକ୍ ଦେଶ ଏବଂ ପଡ଼ୋଶୀମାନଙ୍କ ସହିତ ଆର୍ଥିକ, ରାଜନୈତିକ ଏବଂ ସୁରକ୍ଷା ମାମଲାରେ ଯେକୌଣସି ପ୍ରକାରର ସହଯୋଗ ଏବଂ ଆଲୋଚନା ପାଇଁ ପ୍ରସ୍ତୁତ।

ଆମେ ସର୍ବଦା ଶାନ୍ତି ଏବଂ ବନ୍ଧୁତାର ବାର୍ତ୍ତା ପ୍ରଚାର କରୁଛୁ।

ସ୍ଥାୟୀ ଶାନ୍ତି ଏବଂ ସୁରକ୍ଷାର ଆବଶ୍ୟକତା ଉପରେ ଗୁରୁତ୍ୱାରୋପ କରି ଆମେ ଆଞ୍ଚଳିକ ସହଯୋଗ ପାଇଁ ଆହ୍ୱାନ ଦେଉଛୁ।

ଇସଲାମିକ ଦେଶମାନଙ୍କ ମଧ୍ୟରେ ଏକତା ଏବଂ ସଂହତି ହେଉଛି ସବୁଠାରୁ ଗୁରୁତ୍ୱପୂର୍ଣ୍ଣ ପ୍ରତିରୋଧକ।

ଯଦି ଏହି ଏକତା ହାସଲ ହୁଏ, ତେବେ ଶତ୍ରୁମାନେ ସେମାନଙ୍କର ମନ୍ଦ ଲକ୍ଷ୍ୟ ହାସଲ କରିପାରିବେ ନାହିଁ।

ଇରାନ ରାଷ୍ଟ୍ରପତିଙ୍କ ୱେବସାଇଟ୍ ଅନୁଯାୟୀ, ଆଞ୍ଚଳିକ ସ୍ଥିରତା ଏବଂ ଶାନ୍ତି ପ୍ରତିଷ୍ଠା ପାଇଁ ପେଜେଶକିୟାନଙ୍କ ପ୍ରୟାସ ପାଇଁ ଅସୀମ ମୁନିର ତାଙ୍କୁ ଧନ୍ୟବାଦ ଜଣାଇଛନ୍ତି।

ମୁନିର କହିଛନ୍ତି ଯେ ସହଭାଗୀ ଲକ୍ଷ୍ୟକୁ ଆଗକୁ ବଢ଼ାଇବା ଏବଂ ଏକ ବ୍ୟାପକ ଚୁକ୍ତିନାମା ହାସଲ କରିବା ପାଇଁ, କୂଟନୈତିକ ପ୍ରକ୍ରିୟାଗୁଡ଼ିକୁ ଅତ୍ୟନ୍ତ ସଠିକ ଏବଂ ବିସ୍ତୃତ ଭାବରେ ଆଲୋଚନା ତଥା ଯାଞ୍ଚ୍ କରାଯିବା ଅତ୍ୟନ୍ତ ଜରୁରୀ।

SIA: ୱାନ୍ଧାମା ନରସଂହାର ମାମଲାର ପୁନଃତଦନ୍ତ ଆରମ୍ଭ କଲା ଏସଆଇଏ, ୨୮ ବର୍ଷ ପରେ ପୀଡ଼ିତଙ୍କୁ ନ୍ୟାୟ ଦେବାକୁ ପ୍ରକ୍ରିୟା ଜୋରଦାର "