MoU: ଏସ୍‌ବିଆଇ ସହ ଓଡ଼ିଶା ଗୃହ ଓ ନଗର ଉନ୍ନୟନ ବିଭାଗର ଏମ୍‌ଓୟୁ: ସୁଯୋଗ୍‌ ପ୍ଲାଟଫର୍ମରେ ସହଜ ହେବ ଡିଜିଟାଲ୍ ପେମେଣ୍ଟ

"ଭୁବନେଶ୍ବର: ଓଡ଼ିଶା ସରକାରଙ୍କ ଗୃହ ଓ ନଗର ଉନ୍ନୟନ (H&UD) ବିଭାଗ, ଭାରତୀୟ ଷ୍ଟେଟ୍ ବ୍ୟାଙ୍କ (SBI)ର ପେମେଣ୍ଟ ଏଗ୍ରିଗେଟର୍ ସେବା SBIePay ସହ ଏକ ବୁଝାମଣାପତ୍ର (MoU) ସ୍ୱାକ୍ଷର କରିଛି।

ଏହି ଚୁକ୍ତିର ଉଦ୍ଦେଶ୍ୟ ରାଜ୍ୟର ସମସ୍ତ ସହରାଞ୍ଚଳ ସ୍ଥାନୀୟ ସଂସ୍ଥା (ULB)ରେ ଡିଜିଟାଲ୍ ପେମେଣ୍ଟ ଭିତ୍ତିଭୂମିକୁ ସୁଦୃଢ଼ କରିବା ସହିତ ସୁଯୋଗ୍‌ (SUJOG) ପ୍ଲାଟଫର୍ମ ମାଧ୍ୟମରେ ସୁଗମ, ସୁରକ୍ଷିତ ଓ ନାଗରିକକେନ୍ଦ୍ରିକ ପେମେଣ୍ଟ ସେବା ଯୋଗାଇବା।Advertisment ଏହି ଏମ୍‌ଓୟୁରେ ଓଡ଼ିଶା ସରକାରଙ୍କ ପକ୍ଷରୁ ଗୃହ ଓ ନଗର ଉନ୍ନୟନ ବିଭାଗର ଅତିରିକ୍ତ ସଚିବ ସୁବେନ୍ଦୁ ସାହୁ ଏବଂ ଭାରତୀୟ ଷ୍ଟେଟ୍ ବ୍ୟାଙ୍କ ପକ୍ଷରୁ ଡିଜିଏମ୍‌, ଡିଆଣ୍ଡ୍‌ଟିବି ସୁଶାନ୍ତ କୁମାର ଦାଶ ସ୍ୱାକ୍ଷର କରିଥିଲେ।

ଏହି ଅବସରରେ ଗୃହ ଓ ନଗର ଉନ୍ନୟନ ବିଭାଗର ଅତିରିକ୍ତ ମୁଖ୍ୟ ସଚିବ ଉଷା ପାଢ଼ୀ ଉପସ୍ଥିତ ଥିଲେ।

ଏଥିସହିତ ଏସ୍‌ବିଆଇ ଓଡ଼ିଶା ସର୍କଲ୍‌ର ମୁଖ୍ୟ ମହାପ୍ରବନ୍ଧକ ରାକେଶ ଯାଦବ ମଧ୍ୟ ଉପସ୍ଥିତ ଥିଲେ।

ଏହି ସହଭାଗିତା ଅଧୀନରେ ନାଗରିକମାନେ ସୁଯୋଗ୍‌ ପ୍ଲାଟଫର୍ମ ମାଧ୍ୟମରେ ବିଭିନ୍ନ ପୌର ସେବା, ଟିକସ, ଫି" ଏବଂ ୟୁଟିଲିଟି ଚାର୍ଜ ପାଇଁ ଅନ୍‌ଲାଇନ୍‌ରେ ପେମେଣ୍ଟ କରିପାରିବେ।

ଏଥିପାଇଁ ବିଭିନ୍ନ ଡିଜିଟାଲ୍ ପେମେଣ୍ଟ ବିକଳ୍ପ ଉପଲବ୍ଧ ହେବ।

ସେଗୁଡ଼ିକ ମଧ୍ୟରେ ରୁପେ (RuPay), ଭିସା (Visa), ମାଷ୍ଟରକାର୍ଡ (MasterCard), ମାଏଷ୍ଟ୍ରୋ (Maestro) ଓ ଆମେରିକାନ୍ ଏକ୍ସପ୍ରେସ୍‌ (AMEX) କାର୍ଡ, ଇଣ୍ଟରନେଟ୍ ବ୍ୟାଙ୍କିଂ, ମୋବାଇଲ୍ ବ୍ୟାଙ୍କିଂ/ଆଇଏମ୍‌ପିଏସ୍‌ (IMPS), ୟୁପିଆଇ (UPI), ୟୁପିଆଇ-ଆର୍‌ସିସି (RuPay Credit Card), ୟୁପିଆଇ-ସିଏଲ୍‌ (Credit Line) ଏବଂ ଡିଜିଟାଲ୍ ୱାଲେଟ୍‌ ରହିଛି।

ଏହି ପଦକ୍ଷେପର ଲକ୍ଷ୍ୟ ହେଉଛି ସରକାରୀ ପେମେଣ୍ଟ ବ୍ୟବସ୍ଥାକୁ ଅଧିକ ସୁବିଧାଜନକ ଓ ସହଜରେ ଉପଲବ୍ଧ କରାଇବା।

ଏହାଦ୍ୱାରା ସାଧାରଣ ନାଗରିକମାନଙ୍କୁ ନିୟମିତ ଲେନଦେନ ପାଇଁ ପୌର କାର୍ଯ୍ୟାଳୟକୁ ଯିବାର ଆବଶ୍ୟକତା କମିବ।

ଏହି ଡିଜିଟାଲ୍ ସମନ୍ୱୟ ସହରାଞ୍ଚଳ ପ୍ରଶାସନରେ ଅଧିକ ସ୍ୱଚ୍ଛତା, ଦକ୍ଷତା ଏବଂ ଲେନଦେନରେ ସହଜତା ଆଣିବାରେ ମଧ୍ୟ ସହାୟକ ହେବ।

ସଂଗୃହୀତ ଅର୍ଥର ସୁଗମ ନିଷ୍ପତ୍ତି ବ୍ୟବସ୍ଥା ଏହି ପେମେଣ୍ଟ ବ୍ୟବସ୍ଥାର ଏକ ପ୍ରମୁଖ ବୈଶିଷ୍ଟ୍ୟ ହେଉଛି ସଂଗୃହୀତ ଅର୍ଥର ସୁଗମ ନିଷ୍ପତ୍ତି ବ୍ୟବସ୍ଥା।

ପେମେଣ୍ଟ ଗେଟ୍‌ୱେ ମାଧ୍ୟମରେ ମିଳୁଥିବା ଅର୍ଥ ସମ୍ପୃକ୍ତ ULBର ନିର୍ଦ୍ଦିଷ୍ଟ ବ୍ୟାଙ୍କ ଖାତାକୁ T+1 ବ୍ୟବସାୟିକ ଦିନ ଆଧାରରେ ସିଧାସଳଖ ଜମା ହେବ।

ସ୍ୱତନ୍ତ୍ର ଟ୍ରାଞ୍ଜାକ୍ସନ୍ ଆଇଡି ମାଧ୍ୟମରେ ସମସ୍ତ ULBରେ ଅର୍ଥ ସଂଗ୍ରହର ସ୍ୱଚ୍ଛ ହିସାବ, ମେଳକରଣ ଏବଂ ଟ୍ରାକିଂ ସମ୍ଭବ ହେବ।

ଏହି ବ୍ୟବସ୍ଥାରେ ବ୍ୟତିକ୍ରମ ପରିଚାଳନା (Exception Handling), ମ୍ୟାନେଜମେଣ୍ଟ ଇନ୍‌ଫର୍ମେସନ୍ ସିଷ୍ଟମ୍‌ (MIS) ଆଧାରିତ ମେଳକରଣ, ଟଙ୍କା ଫେରସ୍ତ (Refunds) ଏବଂ ଚାର୍ଜବ୍ୟାକ୍ ପରିଚାଳନା ପାଇଁ ମଧ୍ୟ ବ୍ୟବସ୍ଥା ରହିବ।

ଏହି ସମସ୍ତ ପ୍ରକ୍ରିୟା ପାଇଁ ୭ କ୍ୟାଲେଣ୍ଡର୍ ଦିନର ଟର୍ଣ୍ଣଆରାଉଣ୍ଡ ଟାଇମ୍‌ (TAT) ନିର୍ଦ୍ଧାରଣ କରାଯାଇଛି।

ଏହା ଡିଜିଟାଲ୍ ପେମେଣ୍ଟ ସେବାରେ ସ୍ୱଚ୍ଛତା ବଢ଼ାଇବା ସହ ନାଗରିକମାନଙ୍କ ବିଶ୍ୱାସକୁ ଆହୁରି ସୁଦୃଢ଼ କରିବ।

ଏହି ଅବସରରେ ଗୃହ ଓ ନଗର ଉନ୍ନୟନ ବିଭାଗର ଅତିରିକ୍ତ ମୁଖ୍ୟ ସଚିବ ଉଷା ପାଢ଼ୀ, ସୁଯୋଗ୍‌ ପ୍ଲାଟଫର୍ମକୁ ସୁଦୃଢ଼ କରିବାରେ ଏସ୍‌ବିଆଇ ପକ୍ଷରୁ ଦିଆଯାଇଥିବା ସହଯୋଗ ଓ ସମର୍ଥନ ପାଇଁ କୃତଜ୍ଞତା ପ୍ରକାଶ କରିଥିଲେ।

ଡିଜିଟାଲ୍ ମାଧ୍ୟମରେ ନାଗରିକ ସେବାର ଦକ୍ଷତା, ସୁବିଧା ଏବଂ ଉପଲବ୍ଧତାକୁ ଆହୁରି ବଢ଼ାଇବାରେ ଏହି ସହଯୋଗ ଉପକାରୀ ହେବ ବୋଲି ସେ କହିଥିଲେ।

ଏସ୍‌ବିଆଇ ଓଡ଼ିଶା ସର୍କଲ୍‌ର ମୁଖ୍ୟ ମହାପ୍ରବନ୍ଧକ ରାକେଶ ଯାଦବ, ଏହି ପଦକ୍ଷେପକୁ ସଫଳ କରିବା ଏବଂ ସୁଯୋଗ୍‌ ଅଧୀନରେ ଡିଜିଟାଲ୍ ପେମେଣ୍ଟ ପରିବେଶକୁ ଆହୁରି ସୁଦୃଢ଼ କରିବା ପାଇଁ ବ୍ୟାଙ୍କ ପକ୍ଷରୁ ସମସ୍ତ ପ୍ରକାରର ସମର୍ଥନ ଓ ସହଯୋଗ ଯୋଗାଇ ଦିଆଯିବ ବୋଲି ଆଶ୍ୱାସନ ଦେଇଥିଲେ।

ଏହି ସହଭାଗିତା ଓଡ଼ିଶାର ଡିଜିଟାଲ୍ ସହରାଞ୍ଚଳ ପ୍ରଶାସନ ବ୍ୟବସ୍ଥାକୁ ସୁଦୃଢ଼ କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ।

ପୌର ସେବା ପ୍ରଦାନ ବ୍ୟବସ୍ଥା ସହ ଏକ ବ୍ୟାପକ ଓ ସୁରକ୍ଷିତ ପେମେଣ୍ଟ ଗେଟ୍‌ୱେକୁ ସମନ୍ୱୟ କରି, ରାଜ୍ୟର ନାଗରିକମାନଙ୍କ ପାଇଁ ସହରାଞ୍ଚଳ ଟିକସ, ଫି" ଏବଂ ୟୁଟିଲିଟି ଚାର୍ଜ ପେମେଣ୍ଟକୁ ଅଧିକ ଦ୍ରୁତ, ସରଳ, ସୁରକ୍ଷିତ ଓ ସୁଲଭ କରିବାକୁ ବିଭାଗ ଲକ୍ଷ୍ୟ ରଖିଛି।

Scrub Typhus : ସୁନ୍ଦରଗଡ଼ରେ ବଢ଼ୁଛି ସ୍କ୍ରବ୍ ଟାଇଫସ୍ ଚିନ୍ତା: ୮୭୧ ପଜିଟିଭ୍ "