Long-term development plan: ମୟୂରଭଞ୍ଜରେ ଦୀର୍ଘସ୍ଥାୟୀ ବିକାଶ ଯୋଜନା ବାଟବଣା: ଜଙ୍ଗଲ ପାଇଁ ଘରେ ଚୁଲି ଜଳୁଛି

ବଟକୃଷ୍ଣ ବିହାରୀ

ବାରିପଦା: ମୟୂରଭଞ୍ଜ ଜିଲ୍ଲାର ବିକାଶ ପାଇଁ ବିଭିନ୍ନ ଯୋଜନାରେ ବର୍ଷକୁ କୋଟିକୋଟି ଟଙ୍କାର ଅନୁଦାନ ଆସୁଛି। ହେଲେ ଆଦିବାସୀଙ୍କ ଆର୍ଥିକ ଓ ସାମାଜିକ ବିକାଶର ନାଁ ଗନ୍ଧ ନାହିଁ। ଏବେ ବି ଅଧିକାଂଶ ଗାଁରେ ମୌଳିକ ସୁବିଧା ପହଞ୍ଚି ନାହିଁ। ଆଦିବାସୀଙ୍କ ଦୀର୍ଘସ୍ଥାୟୀ ବିକାଶ ପାଇଁ ଗ୍ରିନ୍-ଏଜି ପ୍ରକଳ୍ପ ଆଶା ସଂଚାର କରିଥିଲା। ୫ ବର୍ଷରେ ୫୪.୪୫ କୋଟି ଖର୍ଚ୍ଚ ହେଲା। ତେବେ ଏହି ଟଙ୍କା କେଉଁଠି ଖର୍ଚ୍ଚହେଲା କେହି ଜାଣିପାରିଲେ ନାହିଁ। ପ୍ରଶାସନ ପାଖରେ ମଧ୍ୟ ଏହାର ତଥ୍ୟ ନାହିଁ। ଫଳରେ ଆଦିବାସୀବହୁଳ ଗାଁର ଲୋକେ ଜଙ୍ଗଲରୁ କାଠ ଓ ମହୁ ସଂଗ୍ରହ ନ କଲେ ଘରେ ଚୁଲି ଜଳୁନି। 

Construction: ନିର୍ମାଣ କାମ ପୂରା ହେବାର ମାସେ ନପୁରୁଣୁ ଡ୍ରେନ୍‌-ପୋଲରେ ଗର୍ତ୍ତ ସୃଷ୍ଟି

ଜୈବବିବିଧତା, ବନସମ୍ପଦର ସଂରକ୍ଷଣ ଏବଂ ଭାରତୀୟ କୃଷି କ୍ଷେତ୍ରରେ ପରିବର୍ତ୍ତନକୁ ଅନୁସରଣ କରି ଆଦିବାସୀଙ୍କ ସାମାଜିକ ଓ ଅର୍ଥନୈତିକ ବିକାଶ ଏହି ଗ୍ରିନ୍-ଏଜି ପ୍ରକଳ୍ପର ମୂଳଲକ୍ଷ୍ୟ ଥିଲା। ୨୦୨୧-୨୨ରେ ମଧ୍ୟପ୍ରଦେଶ, ମିଜୋରାମ, ରାଜସ୍ଥାନ, ଉତ୍ତରାଖଣ୍ଡ ଓ ଓଡ଼ିଶାରେ ଏହି ପ୍ରକଳ୍ପ ଆରମ୍ଭ ହୋଇଥିଲା। ଓଡ଼ିଶାରୁ ଏକମାତ୍ର ଜିଲ୍ଲା ମୟୂରଭଞ୍ଜ ଏଥିରେ ସାମିଲ ହୋଇଥିଲା। ସ୍ୱତନ୍ତ୍ର ଟିମ୍ ମୟୂରଭଞ୍ଜ ଗସ୍ତ କରି ଶିମିଳିପାଳ ପାଦଦେଶର ବିଭିନ୍ନ ଗାଁକୁ ଯାଇ ସର୍ଭେ କରିଥିଲେ। କେନ୍ଦ୍ର କୃଷି ଓ କୃଷକ କଲ୍ୟାଣ, ପରିବେଶ, ଜଙ୍ଗଲ ଓ ଜଳବାୟୁ ପରିବର୍ତ୍ତନ ମନ୍ତ୍ରଣାଳୟ ଆନୁକୂଲ୍ୟରେ ଖାଦ୍ୟ ଓ କୃଷି ସଂଗଠନ ଏବଂ ମିଳିତ ଜାତିସଂଘ ସହଯୋଗରେ ଏହି ପ୍ରକଳ୍ପ କାମ ହୋଇଥିଲା। ରାଜ୍ୟର ମୃତ୍ତିକା ସଂରକ୍ଷଣ, ଜଳବିଭାଜିକା ଉନ୍ନୟନ ନିର୍ଦେଶାଳୟ, କୃଷି ଓ କୃଷକ ସଶକ୍ତୀକରଣ ବିଭାଗ ଏହାର ତଦାରଖ କରୁଥିଲେ। ଶିମିଳିପାଳ ପାଶ୍ବବର୍ତ୍ତୀ ୧୭ ବ୍ଲକ୍‌ର ୧ ହଜାର ୭୬୦ଟି ଗାଁରେ ଏହି ପ୍ରକଳ୍ପ କାର୍ଯ୍ୟକାରୀ ହେବା ନେଇ ସ୍ଥିର ହୋଇଥିଲା।

Low pressure formed: ସୃଷ୍ଟି ହେଲା ଲଘୁଚାପ: ୨ ଦିନ ପ୍ରବଳ ବର୍ଷା

ଯେଉଁଠି ଅର୍ଥ ଅଭାବରୁ ପ୍ରକଳ୍ପ ସଂପୂର୍ଣ୍ଣ ହେବାରେ ବିଳମ୍ବ  କିମ୍ବା ଆଦୌ ହୋଇପାରୁ ନାହିଁ; ସେଠାରେ ଏହି ଗ୍ରିନ୍-ଏଜି ପ୍ରକଳ୍ପ ଟଙ୍କା ଖର୍ଚ୍ଚ କରାଯିବ ବୋଲି କୁହାଯାଇଥିଲା। ପ୍ରକଳ୍ପ କାମ ଚଳିତବର୍ଷ ଏପ୍ରିଲରେ ଶେଷ ହୋଇଛି ବୋଲି ତଦାରଖ ଟିମ୍‌ର ଜଣେ ଅଧିକାରୀ କହିଛନ୍ତି। ତେବେ ଏହି ସବୁ ଅର୍ଥ କେଉଁଠି ଖର୍ଚ୍ଚହେଲା ତାହା ସମ୍ପୃକ୍ତ ଗ୍ରାମବାସୀ ଜାଣିପାରିଲେ ନାହିଁ। ଏ ନେଇ ପିଠାବଟା ଗାଁର ଦିବ୍ୟଶଙ୍କର ମହାନ୍ତ ଓ ନେତ୍ର ଦେହୁରୀ କହନ୍ତି, ସର୍ଭେ ସମୟରେ ଅଧିକାରୀମା‌ନେ ଗାଁକୁ ଆସିଥିଲେ। ତା’ପରେ ଆଉ କାହାର ଦେଖାନାହିଁ। ସେହିଭଳି ବରେହିପାଣି ଗାଁର ଶରତ ଜେନା ଓ ମାମାଲି ମାରାଣ୍ଡି ଏହି ପ୍ରକଳ୍ପ କାମର ସ୍ବଚ୍ଛତା ନେଇ ପ୍ରଶ୍ନ ଉଠାଇବା ସହ ନିରପେକ୍ଷ ତଦନ୍ତ ଦାବି କରିଛନ୍ତି। ଅତିରିକ୍ତ ଜିଲ୍ଲାପାଳ ଦୁଃଖବନ୍ଧୁ ନାୟକ ଏହି ପ୍ରକଳ୍ପ ସମ୍ପର୍କରେ ଅବଗତ ନଥିବା କହିଛନ୍ତି।