Kitchen: ରୋଷେଇ ଘରେ ଅସରପା ସମସ୍ୟା ଦେଖାଦେଲେ ଏଥିରୁ ମୁକ୍ତି ପାଇବା ପାଇଁ ଆପଣାନ୍ତୁ ଏହି ଘରୋଇ ଉପାୟ

"ନୂଆଦିଲ୍ଲୀ: ରୋଷେଇ ଘରେ ଅସରପାଦେଖାଯିବା ଏକ ସାଧାରଣ କଥା ହେଲେ ମଧ୍ୟ ଏହା ବେଶ୍ ଚିନ୍ତାଜନକ ସମସ୍ୟା ଅଟେ।

ରୋଷେଇ ଘରର ଓଦାଳିଆ ପରିବେଶ, ଅଳିଆ ଆବର୍ଜନା ଏବଂ ଖାଦ୍ୟ ସାମଗ୍ରୀର ବାସ୍ନା ଏହି ଜୀବମାନଙ୍କୁ ଆକର୍ଷିତ କରିଥାଏ।

ଥରେ ରୋଷେଇ ଘରେ ଅସରପା ବଂଶ ବୃଦ୍ଧି କଲେ, ସେମାନଙ୍କୁ ଘଉଡ଼ାଇବା କଷ୍ଟକର ହୋଇପଡ଼େ, ଯାହା ଦ୍ୱାରା ଘରେ ରୋଗ ବ୍ୟାପିବାର ଆଶଙ୍କା ବହୁଗୁଣିତ ହୋଇଯାଏ।

ତେବେ ଏହି ସମସ୍ୟାରୁ ମୁକ୍ତି ପାଇବା ପାଇଁ କିଛି ସହଜ ଘରୋଇ ଉପାୟ ବେଶ୍ ଲାଭଦାୟକ ପ୍ରମାଣିତ ହୋଇପାରିବ।Advertisment ଅସରପାମାନଙ୍କୁ ରୋଷେଇ ଘରୁ ଦୂରେଇ ରଖିବା ପାଇଁ ୫ଟି ମୁଖ୍ୟ ଉପାୟ: ୧.

ବେକିଂ ସୋଡା ଏବଂ ଚିନି: ସମାନ ପରିମାଣର ବେକିଂ ସୋଡା ଏବଂ ଚିନିକୁ ମିଶ୍ରଣ କରି ରୋଷେଇ ଘରର ଯେଉଁ କୋଣରେ ଅସରପା ଅଧିକ ଆସନ୍ତି ସେଠାରେ ରଖିଦିଅନ୍ତୁ।

ଚିନିର ମିଠା ବାସ୍ନା ଅସରପାଙ୍କୁ ଆକର୍ଷିତ କରିଥାଏ ଏବଂ ଏଥିରେ ଥିବା ବେକିଂ ସୋଡା ସେମାନଙ୍କୁ ଶେଷ କରିବାରେ ସାହାଯ୍ୟ କରେ।

ଆହୁରି ପଢନ୍ତୁ: ମଣିଷ ନୁହେଁ ,ବିବାହ କଲେ ରୋବୋର୍ଟ ୨.

ବୋରିକ୍ ପାଉଡରର ବ୍ୟବହାର: ସିଙ୍କ୍ ତଳେ, କାନ୍ଥର ଫାଟ ଏବଂ ରୋଷେଇ ଘରର କୋଣଗୁଡ଼ିକରେ ବୋରିକ୍ ପାଉଡର ସାମାନ୍ୟ ପକାଇ ଦିଅନ୍ତୁ।

ଏହା ଅସରପା ମାରିବା ପାଇଁ ଅତ୍ୟନ୍ତ ପ୍ରଭାବଶାଳୀ, କିନ୍ତୁ ଏହାକୁ ଘରର ଛୋଟ ପିଲା ଏବଂ ଗୃହପାଳିତ ପଶୁଙ୍କଠାରୁ ଦୂରେଇ ରଖିବା ଆବଶ୍ୟକ।

୩.

ତେଜପତ୍ରର ପ୍ରୟୋଗ: ତେଜପତ୍ରର ତୀବ୍ର ଗନ୍ଧକୁ ଅସରପାମାନେ ଆଦୌ ସହ୍ୟ କରିପାରନ୍ତି ନାହିଁ।

କିଛି ତେଜପତ୍ରକୁ ରୋଷେଇ ଘରର ଆଲମାରୀ ଏବଂ କୋଣରେ ରଖିବା ଦ୍ୱାରା ଅସରପା ସେଠାକୁ ଆସନ୍ତି ନାହିଁ।

ଆହୁରି ପଢନ୍ତୁ: Bankipur Bypoll: ବାଙ୍କିପୁର ଉପନିର୍ବାଚନ: ତେଜ ପ୍ରତାପ ଯାଦବଙ୍କ ଦଳକୁ ବଡ଼ ଝଟକା ୪.

ନିମ ତେଲ ସ୍ପ୍ରେ: ପାଣିରେ କିଛି ବୁନ୍ଦା ନିମ ତେଲ ମିଶାଇ ଏକ ସ୍ପ୍ରେ ପ୍ରସ୍ତୁତ କରନ୍ତୁ।

ଏହାକୁ ରୋଷେଇ ଘରର ବିଭିନ୍ନ କୋଣରେ ସ୍ପ୍ରେ କଲେ ନିମର କଡ଼ା ଗନ୍ଧ ଯୋଗୁଁ ଅସରପା ଦୂରେଇ ଯାଆନ୍ତି।

୫.

କାକୁଡ଼ି ଚୋପା:ରୋଷେଇ ଘରର ଯେଉଁ ସ୍ଥାନରେ ଅସରପାଙ୍କ ପ୍ରାଦୁର୍ଭାବ ଅଧିକ ଥାଏ, ସେଠାରେ କାକୁଡ଼ି ଚୋପା ରଖିଦିଅନ୍ତୁ।

କାକୁଡ଼ିର ଗନ୍ଧ ଯୋଗୁଁ ଅସରପା ସେହି ସ୍ଥାନ ଛାଡ଼ି ପଳାଇଥାନ୍ତି ବୋଲି ବିଶ୍ୱାସ କରାଯାଏ।

ଆହୁରି ପଢନ୍ତୁ:Jharkhand crime: ତିନି ବର୍ଷର ନାବାଳିକାକୁ ଦୁଷ୍କର୍ମ ମାମଲାରେ ପଞ୍ଚାୟତର ଲଜ୍ଜାଜନକ ଫଇସଲା: ଅଭିଯୁକ୍ତଙ୍କୁ ୧ ଲକ୍ଷ ଜରିମାନା,୨୦ ହଜାର ଟଙ୍କାରେ ଚିକେନ-ମଦ ପାର୍ଟି ପରିଷ୍କାର ପରିଚ୍ଛନ୍ନତା ଉପରେ ବିଶେଷ ଧ୍ୟାନ ଦିଅନ୍ତୁ:ଏହି ଘରୋଇ ଉପଚାର ସହିତ ରୋଷେଇ ଘରର ନିୟମିତ ସଫାସୁତୁରା ଅତ୍ୟନ୍ତ ଜରୁରୀ।

ପ୍ରତିଦିନ ରାତିରେ ବାସନ ଧୋଇ ରଖନ୍ତୁ, ଖାଦ୍ୟ ସାମଗ୍ରୀକୁ ସର୍ବଦା ଘୋଡ଼ାଇ କିମ୍ବା ଏୟାରଟାଇଟ୍ ଡବାରେ ରଖନ୍ତୁ।

ରୋଷେଇ ଘରେ କେଉଁଠି ହେଲେ ପାଣି ଜମିବାକୁ ଦିଅନ୍ତୁ ନାହିଁ ଏବଂ ପ୍ରତିଦିନ ବର୍ଜ୍ୟବସ୍ତୁବା ଅଳିଆକୁ ବାହାରେ ଫିଙ୍ଗିବା ସହ ଡଷ୍ଟବିନ୍‌କୁ ସର୍ବଦା ଘୋଡ଼ାଇ ରଖନ୍ତୁ।

"