K Bhagyaraj: ବରିଷ୍ଠ ତାମିଲ ଅଭିନେତା-ନିର୍ଦ୍ଦେଶକ କେ. ଭାଗ୍ୟରାଜଙ୍କ ପରଲୋକ

"ମୁମ୍ବାଇ: ତାମିଲ ସିନେମାର ପ୍ରସିଦ୍ଧ ଅଭିନେତା, ନିର୍ଦ୍ଦେଶକ ଏବଂ ସ୍କ୍ରିନରାଇଟର କେ.

ଭାଗ୍ୟରାଜଙ୍କ  ଚେନ୍ନାଇରେ ହୃଦଘାତରେ ପରଲୋକ ହୋଇଛି।

ତାଙ୍କ ମୃତ୍ୟୁରେ ତାମିଲ ସିନେମା ଜଗତର ଏକ ଦୀର୍ଘ ଯୁଗର ଅନ୍ତ ଘଟିଛି।

ଭାଗ୍ୟରାଜ ସର୍ବଦା ମଧ୍ୟବର୍ଗୀୟ ପରିବାର ଜୀବନ, ସାମାଜିକ ସମସ୍ୟା ଏବଂ ଦୈନନ୍ଦିନ ମାନବୀୟ ସମ୍ପର୍କକୁ ନିଜ ଫିଲ୍ମରେ ବହୁତ ସୁନ୍ଦର ଭାବେ ତୋଳି ଧରାଉଥିଲେ।

ତାଙ୍କ ଫିଲ୍ମଗୁଡ଼ିକ ସରଳ କିନ୍ତୁ ଗଭୀର କାହାଣୀ ପାଇଁ ବେଶ ପରିଚିତ ଥିଲା।

ଏହି ଶୈଳୀ ପାଇଁ ୧୯୮୦ ଏବଂ ୧୯୯୦ ଦଶକରେ ତାମିଲ ସିନେମାକୁ ନୂଆ ପରିଚୟ ମିଳିଥିଲା।

ଭାଗ୍ୟରାଜ ତାମିଲ ଫିଲ୍ମ ଇଣ୍ଡଷ୍ଟ୍ରିର ସବୁଠାରୁ ପ୍ରଭାବଶାଳୀ ଲେଖକ-ନିର୍ଦ୍ଦେଶକ ମଧ୍ୟରୁ ଜଣେ ଥିଲେ।Advertisment ଭାଗ୍ୟରାଜଙ୍କ କ୍ୟାରିୟରରେ ସେ ୨୫ରୁ ଅଧିକ ଚଳଚ୍ଚିତ୍ର ନିର୍ଦ୍ଦେଶନା ‌ଦେଇଥିବା ବେ‌ଳେ ୭୫ରୁ ଅଧିକ ଫିଲ୍ମରେ ଅଭିନୟ କରିଥିଲେ।

ତାଙ୍କର ଲୋକପ୍ରିୟ ଚଳଚ୍ଚିତ୍ରମାନଙ୍କ ମଧ୍ୟରେ "ମୁନ୍ଧାନାଇ ମୁଦିଚୁ", "ଅନ୍ଧା ୭ ନାଟକଲ୍" ଏବଂ "ଡାର୍ଲିଂ, ଡାର୍ଲିଂ, ଡାର୍ଲିଂ" ରହିଛି।।

ତାଙ୍କର ସ୍କ୍ରିନପ୍ଲେ ଲେଖନ ଶୈଳୀ ଏତେ ଶକ୍ତିଶାଳୀ ଥିଲା ଯେ ସେ ନିଜେ ଗଳ୍ପ, ସଂଳାପ ଓ ନିର୍ଦ୍ଦେଶନକୁ ଏକାସାଥିରେ ନେଇ ଚଳଚ୍ଚିତ୍ର ତିଆରି କରୁଥିଲେ।

ପେଟ୍ରୋଲ ନିଆଁରେ ଜଳି ଜୀବନ ମୃତ୍ୟୁ ସହ ସଂଘର୍ଷ କରୁଥିଲେ ଯୁବତୀ, ଚିକିତ୍ସା ପାଇଁ ମିଳିଲାନି ଶଯ୍ୟା ତାଙ୍କ ଅବଦାନକୁ ସ୍ୱୀକୃତି ଦେଇ ତାମିଲନାଡୁର ପୂର୍ବତନ ମୁଖ୍ୟମନ୍ତ୍ରୀ ତଥା ଲୋକପ୍ରିୟ ଅଭିନେତା ଏମ.ଜି.

ରାମଚନ୍ଦ୍ରନ ତାଙ୍କୁ ଇଣ୍ଡଷ୍ଟ୍ରିର ଉତ୍ତରାଧିକାରୀ ଭାବେ ସାର୍ବଜନୀନ ଭାବରେ ପ୍ରଶଂସା କରିଥିଲେ।

ଏହା ତାଙ୍କ ପ୍ରତିଭାର ଏକ ବଡ଼ ସ୍ୱୀକୃତି ଥିଲା।ଭାଗ୍ୟରାଜ ହିନ୍ଦୀ ସିନେମାରେ ମଧ୍ୟ ନିଜର ଦକ୍ଷତା  ଦେଖାଇଥିଲେ।

ସେ ୧୯୮୬ରେ "ଆଖିରି ରାସ୍ତା" ଫିଲ୍ମର ନିର୍ଦ୍ଦେଶନା ଦେଇଥିଲେ, ଯେଉଁଥିରେ ଅମିତାଭ ବଚ୍ଚନ, ଜୟା ପ୍ରଦା, ଶ୍ରୀଦେବୀ ଏବଂ ଅନୁପମ ଖେର ଅଭିନୟ କରିଥିଲେ।

ପ୍ରତିଶୋଧ ଆଧାରିତ ଏହି ଫିଲ୍ମ ହିନ୍ଦୀ ସିନେମାରେ ଏକ ଗୁରୁତ୍ୱପୂର୍ଣ୍ଣ ସ୍ଥାନ ଦଖଲ କରିଥିଲା।

ଭାଗ୍ୟରାଜ କେବଳ ଅଭିନେତା କି ନିର୍ଦ୍ଦେଶକ ନୁହନ୍ତି, ବରଂ ସେ ଜଣେ ପ୍ରଜଯୋକ, ସଙ୍ଗୀତକାର, ଲେଖକ ଏବଂ ରାଜନେତା ଭାବେ ମଧ୍ୟ ସକ୍ରିୟ ଥିଲେ।

ତାଙ୍କ ବହୁମୁଖୀ ପ୍ରତିଭା ତାଙ୍କୁ ଭାରତୀୟ ସିନେମାର ଏକ ଅନନ୍ୟ ଶାଶ୍ବତ ଭାବେ ପ୍ରତିଷ୍ଠିତ କରିଥିଲା।ଭାଗ୍ୟରାଜ ନିଜ ପଛରେ ପତ୍ନୀ ପୂର୍ଣ୍ଣିମା ଭାଗ୍ୟରାଜ, ପୁଅ ଶାନ୍ତନୁ ଭାଗ୍ୟରାଜ ଏବଂ କନ୍ୟା ସାରଣ୍ୟା ଭାଗ୍ୟରାଜଙ୍କ ସହ ଏକ ପ୍ରିୟ ପରିବାର ଛାଡ଼ି ଯାଇଛନ୍ତି।

ତାଙ୍କ ମୃତ୍ୟୁ ଭାରତୀୟ ସିନେମା ପାଇଁ ଏକ ଅପୂରଣୀୟ କ୍ଷତି।"