Judgement: ଟାୱାର ଇନଫୋଟେକ ଚିଟଫଣ୍ଡ ମାମଲା; ଅଭିଯୋଗରୁ ମୁକ୍ତ ହେଲେ ଇନ୍ଦ୍ରଜିତ ଦେ

"କଟକ: ଟାୱାର ଇନଫୋଟେକ୍ ଲିମିଟେଡ ଚିଟଫଣ୍ଡ ଘଟଣାରେ ଇନ୍ଦ୍ରଜିତ ଦେ"ଙ୍କୁ ହାଇକୋର୍ଟରୁ ଆଶ୍ବସ୍ତି ମିଳିଛି।

୨୦୨୫, ସେପ୍ଟେମ୍ବର ୩ରେ ଶ୍ରୀ ଦେ"ଙ୍କ ଡିସଚାର୍ଜ ପିଟିସନକୁ ଖାରଜ କରି ଭୁବନେଶ୍ବର ସ୍ବତନ୍ତ୍ର ସିବିଆଇ ସିଜେଏମ ଅଦାଲତ ପ୍ରଦାନ କରିଥିବା ନିର୍ଦ୍ଦେଶକୁ ହାଇକୋର୍ଟ ରଦ୍ଦ କରିଛନ୍ତି।

ଏଥି ସହିତ ଏହି ମାମଲାରେ ରହିଥିବା ସମସ୍ତ ଅଭିଯୋଗରୁ ଶ୍ରୀ ଦେ"ଙ୍କୁ ହାଇକୋର୍ଟ ମୁକ୍ତ କରିଛନ୍ତି।

ଯଦି ପରବର୍ତ୍ତୀ ସମୟରେ କୌଣସି ସାନି ଓ ଠୋସ ପ୍ରମାଣ ସମାନାକୁ ଆସେ, ଅଭିଯୋଗ ରହିଥିବା ଅପରାଧରେ ଆବେଦନକାରୀଙ୍କ ସଂପୃକ୍ତିକୁ ପ୍ରମାଣିତ କରେ ତେବେ ଏହି ମାମଲାରେ ପ୍ରଦାନ କରାଯାଇଥିବା ନିର୍ଦ୍ଦେଶ ତଦନ୍ତକାରୀ ଏଜେନ୍ସିକୁ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କ୍ଷେତ୍ରରେ ବାଧକ ହେବ ନାହିଁ ବୋଲି ହାଇକୋର୍ଟ ସ୍ପଷ୍ଟ କରିଛନ୍ତି।

Advertisment ଡକ୍ଟର ଜଷ୍ଟିସ ସଞ୍ଜୀବ କୁମାର ପାଣିଗ୍ରାହୀଙ୍କୁ ନେଇ ଗଠିତ ଖଣ୍ଡପୀଠ ଇନ୍ଦ୍ରଜିତ ଦେ"ଙ୍କ ଆବେଦନର ଶୁଣାଣି କରି ଏପରି ରାୟ ପ୍ରଦାନ କରିଛନ୍ତି।

ପ୍ରକାଶିତ ରାୟରେ ଉଲ୍ଲେଖ କରାଯାଇଛି ଯେ ଏହା ଧ୍ୟାନରେ ରଖିବା ଅତ୍ୟନ୍ତ ଆବଶ୍ୟକ ଯେ ପ୍ରସିକ୍ୟୁସନ ପାଇଁ କୋର୍ଟ କେବଳ ଏକ ପୋଷ୍ଟ ଅଫିସ ନୁହେଁ।

ଅଦାଲତ ନିଜ ନ୍ୟାୟିକ ବିବେକ ଉପଯୋଗ କରି ଉପସ୍ଥାପନ କରାଯାଇଥିବା ପ୍ରମାଣ ଓ ଦସ୍ତାବିଜରେ କଥିତ ଅପରାଧର ଆବଶ୍ୟକ ଉପାଦାନ ରହିଛି କି ନାହିଁ ନିର୍ଦ୍ଧାରଣ କରିବେ।

ଚାର୍ଜସିଟରୁ ଘଟଣାରେ ଆବେଦନକାରୀଙ୍କ ସଂପୃକ୍ତି ନେଇ କିଛି ତଥ୍ୟ ପ୍ରମାଣ ନାହିଁ ବୋଲି ହାଇକୋର୍ଟ କହିଛନ୍ତି।

ମାମଲାର ବିବରଣୀରୁ ପ୍ରକାଶ ଯେ ଜମାକରୀଙ୍କ ନିକଟରୁ ଲୋଭନୀୟ ଯୋଜନା ମାଧ୍ୟମରେ ଟଙ୍କା ସଂଗ୍ରହ କରି ପରବର୍ତ୍ତୀ ସମୟରେ ପ୍ରତିଶ୍ରୁତି ରକ୍ଷା ନ କରିବା ଅଭିଯୋଗରେ ବାଲିଆପାଳ ଥାନାରେ ୨୦୧୩ରେ ଟାୱାର ଇନଫୋଟେକ ବିରୋଧରେ ପ୍ରଥମେ ଏତଲା ରୁଜୁ ହୋଇଥିଲା।

MamataBanarjee: ଏଲ୍‌ଓପି ନିଯୁକ୍ତିକୁ ଚ୍ୟା‌ଲେଞ୍ଜ କରି ହାଇକୋର୍ଟ ଯିବେ ମମତା ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ସିବିଆଇ ଘଟଣାର ତଦନ୍ତ କରିଥିଲା।

ଆବେଦନକାରୀ ଇଡେନ ଇନଫ୍ରା ପ୍ରୋଜେକ୍ଟସ ପ୍ରାଇଭେଟ ଲିମିଟେଡର ନିର୍ଦ୍ଦେଶକ ଥିଲେ।

୨୦୦୯-୧୦ରେ ଟାୱାର ଇନଫୋଟେକ ଖାତାରୁ ଅଢେଇ କୋଟି ଟଙ୍କା ଇଡେନ ଇନଫ୍ରା ଖାତାକୁ ଯାଇଥିଲା।

ଏତଲା ଓ ୨୦୧୬ରେ ସିବିଆଇ ଟାୱାର ଇନଫୋଟେକ ମାମଲାରେ ଦାଖଲ କରିଥିବା ଚାର୍ଜସିଟରେ ଆବେଦନକାରୀଙ୍କ ନାମ ଉଲ୍ଲେଖ ନଥିଲା।

୨୦୨୨, ଡିସେମ୍ବର ୨୬ରେ ଟାୱାର ଇନଫୋଟେକ ଠକେଇ ମାମଲାରେ ଆବେଦନକାରୀ ଓ ଅନ୍ୟମାନଙ୍କ ବିରୋଧରେ ସିବିଆଇ ଅତିରିକ୍ତ ଚାର୍ଜସିଟ ଦାଖଲ କରିଥିଲା।

ଏହାପରେ ୨୦୨୫ରେ ଆବେଦନକାରୀ ସ୍ବତନ୍ତ୍ର ସିଜେଏମ ଅଦାଲତରେ ଡିସଚାର୍ଜ ପିଟିସନ ଦାଖଲ କରିଥିଲେ।

ଟାୱାର ଇନଫୋଟେକ ସଂସ୍ଥା ଏକ ରିୟଲ ଇଷ୍ଟେଟ ପ୍ରକଳ୍ପରେ ନିବେଶ ପାଇଁ ଇଡେନ ଇନଫ୍ରାକୁ ଏହି ଟଙ୍କା ଦେଇଥିଲା ଓ ଇଡେନ ଇନଫ୍ରାର ଅଡିଟରେ ଏହି କାରବାରକୁ ନେଇ ତଥ୍ୟ ସ୍ପଷ୍ଟ ଉଲ୍ଲେଖ ଥିଲା।

ଆବେଦନକାରୀ ଜମାକରୀଙ୍କୁ ଠକିବା ବା ଅପରାଧିକ ଷଡଯନ୍ତ୍ରରେ ସାମିଲ ହେବା ପ୍ରଶ୍ନ ଉଠୁ ନାହିଁ ବୋଲି ଆବେଦନରେ ଦର୍ଶାଯାଇଥିଲା।

ଅନ୍ୟପକ୍ଷରେ ସ୍ବତନ୍ତ୍ର ସିଜେଏମ ଅଦାଲତ ଆବେଦନକାରୀଙ୍କ ଡିସଚାର୍ଜ ପିଟିସନ ଖାରଜ କରିିଥିଲେ।

ଏହାପରେ ସେ ହାଇକୋର୍ଟଙ୍କ ଦ୍ବାରସ୍ଥ ହୋଇଥିଲେ।

"