Health: ଏବେ ଭାରତରେ ମିଳିବ ଆୱିକ୍ଲି ଇନସୁଲିନ୍‌

"ନୂଆଦିଲ୍ଲୀ: ମଧୁମେହ ରୋଗୀଙ୍କ ଚିକିତ୍ସାରେ ଏକ ବଡ଼ ସଫଳତା ହାସଲ କରିଛି ଭାରତ।

ଡେନମାର୍କର ଔଷଧ କମ୍ପାନି ନୋଭୋ ନର୍ଡିସ୍କ "ଆୱିକ୍ଲି" ନାମକ ବିଶ୍ୱର ପ୍ରଥମ ଏବଂ ସପ୍ତାହକୁ ଥରେ ଦିଆଯାଉଥିବା ବେସାଲ୍‌ ଇନସୁଲିନ୍‌ ଭାରତରେ ଉପଲବ୍ଧ କରାଇଛି।

ଏହି ଇନସୁଲିନ୍‌ର ସାଧାରଣ ନାମ "ଇନସୁଲିନ୍‌ ଆଇକୋଡେକ୍‌"।

ଏହା ବୟସ୍କ ଟାଇପ୍‌-୧ ଓ ଟାଇପ୍‌-୨ ମଧୁମେହ ରୋଗୀଙ୍କ ପାଇଁ ଅନୁମୋଦିତ ହୋଇଛି।Advertisment ଏପର୍ଯ୍ୟନ୍ତ ଅଧିକାଂଶ ରୋଗୀଙ୍କୁ ପ୍ରତିଦିନ ଥରେ ଇନସୁଲିନ୍‌ ନେବାକୁ ପଡ଼ୁଥିଲା।

କିନ୍ତୁ ଆୱିକ୍ଲି ବ୍ୟବହାର କଲେ ପ୍ରତିଦିନ ବଦଳରେ ସପ୍ତାହକୁ ମାତ୍ର ଥରେ ଇଞ୍ଜେକ୍ସନ୍‌ ନେବାକୁ ହେବ।

ଏହାଫଳରେ ବର୍ଷକୁ ୩୬୫ଟି ଇଞ୍ଜେକ୍ସନ୍‌ ବଦଳରେ କେବଳ ୫୨ଟି ଇଞ୍ଜେକ୍ସନ୍‌ ଯଥେଷ୍ଟ ହେବ।

ଏହା ରୋଗୀଙ୍କ ଚିକିତ୍ସାକୁ ସହଜ କରିବା ସହ ନିୟମିତ ଭାବେ ଇନସୁଲିନ୍‌ ନେବାରେ ସାହାଯ୍ୟ କରିବ।

ନୋଭୋ ନର୍ଡିସ୍କ କହିଛି, ଅନେକ ରୋଗୀ ପ୍ରତିଦିନ ଇଞ୍ଜେକ୍ସନ୍‌ ନେବାକୁ ଭୟ କରନ୍ତି କିମ୍ବା ଅସୁବିଧା ଅନୁଭବ କରନ୍ତି।

ଏହି କାରଣରୁ ସେମାନେ ଇନସୁଲିନ୍‌ ଚିକିତ୍ସା ଆରମ୍ଭ କରିବାରେ ବିଳମ୍ବ କରନ୍ତି।

ସପ୍ତାହକୁ ଥରେ ଇନସୁଲିନ୍‌ ଦେବା ବ୍ୟବସ୍ଥା ଏହି ସମସ୍ୟାକୁ ବହୁ ପରିମାଣରେ କମାଇପାରିବ।

କ୍ଲିନିକାଲ୍‌ ପରୀକ୍ଷାରେ ଏହି ଔଷଧ ଦୈନିକ ବେସାଲ୍‌ ଇନସୁଲିନ୍‌ ଭଳି ପ୍ରଭାବଶାଳୀ ବୋଲି ଜଣାପଡ଼ିଛି।

ଏହା ରକ୍ତରେ ଶର୍କରାର ମାତ୍ରାକୁ ଭଲ ଭାବେ ନିୟନ୍ତ୍ରଣ କରିବାରେ ସକ୍ଷମ।

ଖୁସି ଖବର!

୫୪ ଔଷଧ ଶସ୍ତା, ମଧୁମେହ ରୋଗୀଙ୍କ ସମେତ କୋଟି କୋଟି ଲୋକ ଉପକୃତ ହେବେ ଭାରତରେ ୧୦ କୋଟିରୁ ଅଧିକ ଲୋକ ମଧୁମେହରେ ପୀଡ଼ିତ ଏବଂ ପ୍ରାୟ ୧୩.୬ କୋଟି ଲୋକ ପ୍ରି-ଡାଇବେଟିକ୍ ସ୍ଥିତିରେ ଅଛନ୍ତି।

ବର୍ତ୍ତମାନ ପ୍ରାୟ ୬୦ ଲକ୍ଷ ଲୋକ ଇନସୁଲିନ୍‌ ବ୍ୟବହାର କରୁଥିବାବେଳେ ଆଗାମୀ ସମୟରେ ଏହି ସଂଖ୍ୟା ୯୦ ଲକ୍ଷରେ ପହଞ୍ଚିପାରେ ବୋଲି ଆକଳନ କରାଯାଇଛି।

ଏଭଳି ସ୍ଥିତିରେ ଆୱିକ୍ଲି ମଧୁମେହ ପରିଚାଳନାରେ ଏକ ନୂଆ ବିକଳ୍ପ ହୋଇପାରେ।

ଭାରତରେ ଆୱିକ୍ଲି ଦୁଇଟି ଫ୍ଲେକ୍ସଟଚ୍‌ ପେନ୍‌ ବିକଳ୍ପରେ ଉପଲବ୍ଧ ହୋଇଛି।

୧ ମିଲିଲିଟର (୭୦୦ ୟୁନିଟ୍‌) ପେନ୍‌ର ଦାମ ୨,୬୧୧ ଟଙ୍କା ଏବଂ ୩ ମିଲିଲିଟର (୨,୧୦୦ ୟୁନିଟ୍‌) ପେନ୍‌ର ଦାମ ୭,୮୩୩ ଟଙ୍କା ରଖାଯାଇଛି।

ଉଭୟ କ୍ଷେତ୍ରରେ ୟୁନିଟ୍ ପିଛା ଦାମ୍ ୩ଟଙ୍କା ୭୩ ପଇସା ହେବ, ଯାହା ବର୍ତ୍ତମାନ ଉପଲବ୍ଧ ଦୈନିକ ଇନସୁଲିନ୍ ୟୁନିଟ୍ ମୂଲ୍ୟଠାରୁ ପ୍ରାୟ ୩୦-୪୦ ପ୍ରତିଶତ ଶସ୍ତା ବୋଲି ଔଷଧ ନିର୍ମାତା କହିଛନ୍ତି।

ଅନେକ ରୋଗୀ, ମଧୁମେହ ପରିଚାଳନା ପାଇଁ ଇନସୁଲିନ୍ ଥେରାପି ଆରମ୍ଭ କରିବା ସମୟରେ, ଦୈନିକ ପ୍ରାୟ ୧୦ ୟୁନିଟ୍ ପର୍ଯ୍ୟନ୍ତ ଆବଶ୍ୟକ କରନ୍ତି - ଏହିପରି ରୋଗୀଙ୍କୁ ସାପ୍ତାହିକ ୭୦ ୟୁନିଟ୍ ଇନସୁଲିନ୍ ଆବଶ୍ୟକ ହୁଏ, ଯାହାର ମୂଲ୍ୟ ସପ୍ତାହକୁ ପ୍ରାୟ ୨୬୧ ଟଙ୍କା।

ଭାରତରେ ଏହି ଔଷଧର ଶୁଭାରମ୍ଭକୁ ମଧୁମେହ ଚିକିତ୍ସା କ୍ଷେତ୍ରରେ ଏକ ନୂଆ ଅଧ୍ୟାୟ ଭାବେ ଦେଖାଯାଉଛି।

"