Hardik: ଇଂଲଣ୍ଡ ବିପକ୍ଷ ଦିନିକିଆ ଶୃଙ୍ଖଳାରୁ ହାର୍ଦିକ ବାଦ୍‌

"ନୂଆଦିଲ୍ଲୀ: ଭାରତୀୟ କ୍ରିକେଟ୍‌ ଦଳର ତାରକା ଅଲ୍‌ରାଉଣ୍ଡର ହାର୍ଦିକ ପାଣ୍ଡ୍ୟା ଆଗାମୀ ଇଂଲଣ୍ଡ ବିପକ୍ଷ ଦିନିକିଆ ଶୃଙ୍ଖଳାରୁ ବାଦ୍‌ ପଡ଼ିଛନ୍ତି।

୫୦ ଓଭରିଆ କ୍ରିକେଟ୍ ପାଇଁ ଆବଶ୍ୟକ ଫିଟ୍‌ନେସ୍ ସ୍ତରରେ ପହଞ୍ଚି ପାରିନଥିବାରୁ ଜାତୀୟ ଚୟନ ସମିତି ତାଙ୍କୁ ନେଇ ଏଭଳି ନିଷ୍ପତ୍ତି ନେଇଛି।

ସୂଚନା ଅନୁଯାୟୀ, ୩୨ ବର୍ଷୀୟ ପାଣ୍ଡ୍ୟା ଏପର୍ଯ୍ୟନ୍ତ ପୂର୍ଣ୍ଣ ବୋଲିଂ କାର୍ଯ୍ୟଭାର ସମ୍ଭାଳିବାରେ ସକ୍ଷମ ହୋଇନାହାନ୍ତି ଏବଂ ଦିନିକିଆ କ୍ରିକେଟ୍ ପାଇଁ ସମ୍ପୂର୍ଣ୍ଣ ଫିଟ୍ ହେବାକୁ ତାଙ୍କୁ ଆହୁରି କିଛି ସମୟ ଆବଶ୍ୟକ।

ଚଳିତ ବର୍ଷର ଆଇପିଏଲ୍‌ରେ ମୁମ୍ବାଇ ଇଣ୍ଡିଆନ୍ସର ନେତୃତ୍ବ ନେଇଥିବା ପାଣ୍ଡ୍ୟା ସେତେବେଳେ ପିଠି ଯନ୍ତ୍ରଣାର ପୀଡ଼ିତ ହୋଇଥିଲେ।

Advertisment Hardik Pandya: ଇଂଲଣ୍ଡ ବିପକ୍ଷ ଦିନିକିଆ ଶୃଙ୍ଖଳାରୁ ହାର୍ଦିକ ପାଣ୍ଡ୍ୟା ବାଦ୍‌ ଏହାପରେ ସେ ବେଙ୍ଗାଲୁରୁସ୍ଥିତ ବିସିସିଆଇର ପାରଦର୍ଶିତା କେନ୍ଦ୍ରରେ ପୁନର୍ବାସ ପ୍ରକ୍ରିୟା ଜାରି ରଖିଥିଲେ।

ପ୍ରଶିକ୍ଷଣ ସମୟରେ ସେ ୧୦ ଓଭରର ପୂର୍ଣ୍ଣ ବୋଲିଂ କୋଟା ମଧ୍ୟ ସମାପ୍ତ କରିଥିଲେ, ଯାହା ତାଙ୍କ ଶୀଘ୍ର ପ୍ରତ୍ୟାବର୍ତ୍ତନର ସଙ୍କେତ ଦେଇଥିଲା।

ତେବେ ପୁନର୍ବାସ ସମୟରେ ସେ ପୁଣିଥରେ ଆହତ ହୋଇଥିଲେ ଏବଂ ଏବେସୁଦ୍ଧା ପୂରା ଫିଟ୍‌ନେସ୍‌ ପାଇ ନଥିବା ଜଣାପଡ଼ିଛି।

ହାର୍ଦିକଙ୍କ ଅନୁପସ୍ଥିତି କିନ୍ତୁ  ଭାରତୀୟ ଦଳର ଦିନିକିଆ ଯୋଜନାକୁ ପ୍ରଭାବିତ କରିପାରେ।

ଜଣେ ଦ୍ରୁତ ବୋଲର ଅଲ୍‌ରାଉଣ୍ଡର ଓ ମ୍ୟାଚ୍ ଫିନିସର୍‌ ଭାବେ ସେ ଦଳର ଏକ ଗୁରୁତ୍ୱପୂର୍ଣ୍ଣ ସଦସ୍ୟ।

୨୦୨୭ ବିଶ୍ୱକପ୍‌କୁ ଦୃଷ୍ଟିରେ ରଖି ଦଳୀୟ ଅଧିକାରୀମାନେ ତାଙ୍କୁ ଅଧିକ ଦିନିକିଆ ମ୍ୟାଚ୍ ଖେଳାଇବା ସହ ତାଙ୍କ କାର୍ଯ୍ୟଭାରକୁ ସତର୍କତାର ସହ ପରିଚାଳନା କରୁଛନ୍ତି।

ଭାରତ-ଇଂଲଣ୍ଡ ଦିନିକିଆ ଶୃଙ୍ଖଳା ଇଂଲଣ୍ଡର ବର୍ମିଂହାମଠାରେ ଆରମ୍ଭ ହେବାର ଅଛି।

ପରବର୍ତ୍ତୀ ଦୁଇଟି ମ୍ୟାଚ୍‌ କାର୍ଡିଫ୍‌ ଓ ଲର୍ଡସରେ ଖେଳାଯିବ।

ମ୍ୟାଚ୍‌ଗୁଡ଼ିକ ଯଥାକ୍ରମେ ଜୁଲାଇ ୧୪, ୧୬ ଓ ୧୯ ତାରିଖରେ ଅନୁଷ୍ଠିତ ହେବ।

Hardik: ଦିନିକିଆ ଶୃଙ୍ଖଳା ପାଇଁ ହାର୍ଦିକ ଫିଟ୍‌ ଘୋଷିତ"