Gold rates dip on Dhanteras: ଧନତେରସରେ ଦର ହ୍ରାସ: ସୁନା ୩ ହଜାର ଓ ରୁପା ୫ ହଜାରରୁ ଅଧିକ ଟଙ୍କା ଶସ୍ତା

ନୂଆଦିଲ୍ଲୀ: ଧନତେରସ ଅବସରରେ ସୁନା ଓ ରୁପା କିଣିବାକୁ ଯୋଜନା କରୁଥିବା ଗ୍ରାହକଙ୍କ ପାଇଁ ଆସିଛି ଆଶ୍ୱସ୍ତିକର ଖବର।

ବଜାରରେ ମୂଲ୍ୟବାନ ଧାତୁର ଦର ହ୍ରାସ ପାଇଛି।

ବିଶ୍ୱ ବଜାରରେ ମାନ୍ଦାବସ୍ଥା ଏବଂ ନିବେଶକଙ୍କ ଲାଭ ଉଠାଇବା ପ୍ରବୃତ୍ତି ଯୋଗୁଁ ମଲ୍ଟି କମୋଡିଟି ଏକ୍ସଚେଞ୍ଜରେ ସୁନା ପ୍ରାୟ ୩ ହଜାର ଟଙ୍କା ଏବଂ ରୁପା ୫ ହଜାର ଟଙ୍କାରୁ ଅଧିକ ଶସ୍ତା ହୋଇଛି।

ନଭେମ୍ବର ୬ ତାରିଖରେ ୯୯୯ଶୁଦ୍ଧତା ଥିବା ସୁନାର ମୂଲ୍ୟ ୩, ୧୦୬ ଟଙ୍କା ହ୍ରାସ ପାଇଛି।

ଫଳରେ ୧୦ଗ୍ରାମ ପ୍ରତି ସୁନା ମୂଲ୍ୟ ୧,୪୧, ୦୨୩ ଟଙ୍କାରେ ପହଞ୍ଚିଛି।

Advertisment ସୂଚନା ଅନୁଯାୟୀ, ନଭେମ୍ବର ୫ ତାରିଖରେ ୯୯୯ ଶୁଦ୍ଧତା ବିଶିଷ୍ଟ ସୁନାର ଦର ୧୦ ଗ୍ରାମ ପିଛା ୧,୪୪,୧୨୯ ଟଙ୍କା ଥିଲା।

କିନ୍ତୁ ନଭେମ୍ବର ୬ ତାରିଖରେ ଏହା ୩,୧୦୬ ଟଙ୍କା ହ୍ରାସ ପାଇ ୧,୪୧,୦୨୩ ଟଙ୍କାରେ ବ୍ୟବସାୟ ଆରମ୍ଭ କରିଥିଲା।

ସେହିପରି ରୁପା ଦରରେ ମଧ୍ୟ ବଡ଼ ହ୍ରାସ ଘଟିଛି।

ନଭେମ୍ବର ୫ ତାରିଖରେ ରୁପାର ମୂଲ୍ୟ କିଲୋଗ୍ରାମ ପିଛା ୧,୮୭,୩୦୦ ଟଙ୍କା ଥିବାବେଳେ ନଭେମ୍ବର ୬ ତାରିଖରେ ଏହା ୫,୪୩୭ ଟଙ୍କା ହ୍ରାସ ପାଇ ୧,୮୧,୮୬୩ ଟଙ୍କାରେ ପହଞ୍ଚିଛି।

ରୁପା ଦରରେ ମଧ୍ୟ ବଡ଼ ହ୍ରାସ କେବଳ ସୁନା ନୁହେଁ, ରୁପା ଦରରେ ମଧ୍ୟ ବଡ଼ ହ୍ରାସ ଘଟିଛି।

ସଦ୍ୟତମ ତଥ୍ୟ ଅନୁସାରେ, ରୁପା କିଲୋଗ୍ରାମ ପିଛା ପ୍ରାୟ ୫୪୩୭ଟଙ୍କା ଶସ୍ତା ହୋଇଛି।

ଫଳରେ ଗ୍ରାହକଙ୍କ ପାଇଁ ରୁପା କିଣିବା ଅଧିକ ସୁବିଧାଜନକ ହୋଇଛି।

ପାର୍ବଣ ଋତୁରେ ସୁନା ଓ ରୁପା ଦର ହ୍ରାସକୁ ବଜାର ବିଶେଷଜ୍ଞ କିଣାକିଣି ପାଇଁ ଏକ ଭଲ ସୁଯୋଗ ବୋଲି ମତ ଦେଉଛନ୍ତି।

ବିବାହ ଋତୁ ଓ ଧନତେରସକୁ ଦୃଷ୍ଟିରେ ରଖି ଗ୍ରାହକମାନେ ଏହି ଦର ହ୍ରାସର ଫାଇଦା ଉଠାଇପାରିବେ।

ତେବେ ଅଳଙ୍କାର କିଣିବା ପୂର୍ବରୁ ନିଜ ସହରର ସ୍ଥାନୀୟ ଗହଣା ଦୋକାନରେ ଦର ନିଶ୍ଚିତ କରିନେବା ଆବଶ୍ୟକ।

ଜିଏସଟି ଓ ଗଢ଼ା ମଜୁରି ଯୋଗୁଁ ଅନ୍ତିମ ମୂଲ୍ୟରେ ପାର୍ଥକ୍ୟ ରହିପାରେ।