Goddess Durga: ୭୧ ବାଇକ୍‌ରେ ମା’ ଦୁର୍ଗାଙ୍କ ବିଶାଳ ଚିତ୍ର, ଡ୍ରୋନ୍‌ ଭିଡିଓରେ ମନ ମୋହିଲା ଅନନ୍ୟ କଳାକୃତି

"ସୁରତ (ଗୁଜରାଟ): ଗୁଜରାଟର ସୁରତରେ ନବରାତ୍ରି ଅବସରରେ ମା" ଦୁର୍ଗାଙ୍କ ପ୍ରତି ଭକ୍ତି ପ୍ରକାଶ କରିବାକୁ ଏକ ନିଆରା ପ୍ରୟାସ କରିଛନ୍ତି ବାଇକ୍‌ ଚାଳକମାନେ।

୭୧ଟି ଦାମୀ ମୋଟରସାଇକେଲ୍‌କୁ ସୁନ୍ଦର ଭାବେ ସଜାଇ ସେମାନେ ମା" ଦୁର୍ଗାଙ୍କ ଏକ ବିଶାଳ ଚିତ୍ର ତିଆରି କରିଛନ୍ତି।

ଏହି ଅନନ୍ୟ ଆୟୋଜନ ଏବେ ଲୋକଙ୍କ ଦୃଷ୍ଟି ଆକର୍ଷଣ କରିଛି।

Advertisment ଏହି ସ୍ୱତନ୍ତ୍ର କାର୍ଯ୍ୟକ୍ରମର ଆୟୋଜନ କରିଥିଲା ସୁରତ ବାଇକିଂ କମ୍ୟୁନିଟି।

ସମୁଦ୍ରକୂଳରେ ଥିବା ଡଭାରି ବିଚ୍‌ରେ ଏହି କଳାକୃତି ପ୍ରସ୍ତୁତ କରାଯାଇଥିଲା।

ଏଥିରେ ସାମିଲ ହୋଇଥିବା ବାଇକ୍‌ଗୁଡ଼ିକୁ ଏକ ନିର୍ଦ୍ଦିଷ୍ଟ ଢାଞ୍ଚାରେ ରଖାଯାଇଥିଲା, ଯାହାଦ୍ୱାରା ଉପରୁ ଦେଖିଲେ ମା" ଦୁର୍ଗାଙ୍କ ମୁହଁର ଆକୃତି ସ୍ପଷ୍ଟ ଦେଖାଯାଉଥିଲା।

ଏହି ଆୟୋଜନର ସବୁଠାରୁ ଆକର୍ଷଣୀୟ ଦିଗ ଥିଲା ଡ୍ରୋନ୍‌ରୁ ନିଆଯାଇଥିବା ଦୃଶ୍ୟ।

ଦଳଗତ ଉଦ୍ୟମରେ ମା" ଭୂମିରୁ ଦେଖିଲେ ବାଇକ୍‌ଗୁଡ଼ିକର ସମ୍ପୂର୍ଣ୍ଣ ଆକୃତିକୁ ବୁଝିବା କଷ୍ଟକର ଥିବାବେଳେ ଆକାଶରୁ ନିଆଯାଇଥିବା ଭିଡିଓରେ ମା"ଙ୍କ ଚିତ୍ର ସ୍ପଷ୍ଟ ଭାବେ ଦେଖାଯାଇଥିଲା।

ଏଥିରେ ମା"ଙ୍କ ଆଖି, ମୁକୁଟ ଓ ମୁହଁର ବିଭିନ୍ନ ଅଂଶକୁ ବାଇକ୍‌ ସାହାଯ୍ୟରେ ରୂପ ଦିଆଯାଇଥିଲା।

ନବରାତ୍ରି ଗୁଜରାଟର ଏକ ପ୍ରମୁଖ ପର୍ବ।

ଏହି ସମୟରେ ରାଜ୍ୟର ବିଭିନ୍ନ ସ୍ଥାନରେ ଗରବା, ଡାଣ୍ଡିଆ ଓ ଅନ୍ୟାନ୍ୟ ସାଂସ୍କୃତିକ ଏବଂ ଧାର୍ମିକ କାର୍ଯ୍ୟକ୍ରମ ଆୟୋଜିତ ହୋଇଥାଏ।

ଏଭଳି ସମୟରେ ସୁରତର ବାଇକ୍‌ ଚାଳକମାନେ ପାରମ୍ପରିକ ଉପାୟଠାରୁ ଭିନ୍ନ ଢଙ୍ଗରେ ନିଜର ଶ୍ରଦ୍ଧା ଓ ଭକ୍ତି ପ୍ରକାଶ କରିଛନ୍ତି।

ଏହି ବିଶାଳ ଚିତ୍ର ତିଆରି କରିବା ପାଇଁ ବାଇକ୍‌ଗୁଡ଼ିକୁ ସଠିକ୍‌ ସ୍ଥାନରେ ରଖିବା ସହ ପୂରା ଯୋଜନା ଅନୁସାରେ କାମ କରାଯାଇଥିଲା।

ଡ୍ରୋନ୍‌ ଫୁଟେଜ୍‌ ସାମ୍ନାକୁ ଆସିବା ପରେ ଏହି ଅଭିନବ ପ୍ରୟାସ ଅଧିକ ଚର୍ଚ୍ଚାକୁ ଆସିଛି।

ମା" ଦୁର୍ଗାଙ୍କ ପ୍ରତି ଭକ୍ତି ଓ ଦଳଗତ ଉଦ୍ୟମର ଏହି ନିଆରା ମିଶ୍ରଣ ନବରାତ୍ରି ଉତ୍ସବକୁ ଆହୁରି ଆକର୍ଷଣୀୟ କରିଛି।

ଦୌଡ଼ିବା ଶୈଳୀ ଦେଖି ଲୋକେ ହସିହସି ବେଦମ୍"