Environmentalist: ପରିବେଶ ଯୋଦ୍ଧା: ସବୁଜ ପରିବେଶ ପାଇଁ ସମର୍ପିତ ଚିରଞ୍ଜୀବୀ

"“ସମାଜକୁ ବଦଳାଇବା ପାଇଁ ବଡ଼ ପଦବି କିମ୍ବା ବିପୁଳ ସମ୍ପଦର ଆବଶ୍ୟକତା ନାହିଁ; ଆବଶ୍ୟକ କେବଳ ଏକ ଦୃଢ଼ ଇଚ୍ଛାଶକ୍ତି, ନିଷ୍ଠାପୂର୍ଣ୍ଣ ପଦକ୍ଷେପ ଏବଂ ନିରନ୍ତର ସେବାଭାବ।” ଏହି ବିଶ୍ୱାସକୁ ନିଜ ଜୀବନର ମୂଳମନ୍ତ୍ର କରି ବ୍ରହ୍ମପୁରର ଚିରଞ୍ଜୀବୀ ବାଡ଼ତ୍ୟା ଗତ ଦଶବର୍ଷ ଧରି ସମାଜସେବା ଓ ପରିବେଶ ସଂରକ୍ଷଣ କ୍ଷେତ୍ରରେ ନିଜକୁ ସମର୍ପିତ କରିଆସିଛନ୍ତି।

ତାଙ୍କ ପାଇଁ ପରିବେଶ ସେବା କେବଳ ଏକ କାର୍ଯ୍ୟ ନୁହେଁ; ଏହା ଏକ ଜୀବନଶୈଳୀ, ସାମାଜିକ ଦାୟିତ୍ୱ ଏବଂ ଆଗାମୀ ପିଢ଼ି ପାଇଁ ଏକ ସ୍ୱଚ୍ଛ, ସବୁଜ ଓ ସୁନ୍ଦର ପୃଥିବୀ ଗଢ଼ିବାର ଦୃଢ଼ ସଂକଳ୍ପ।Advertisment Indigo: ଲେହ ବିମାନବନ୍ଦରରେ ହେରୋଇନ ସହ ଗିରଫ ହେଲେ ଇଣ୍ଡିଗୋ ବିମାନ ଯନ୍ତ୍ରୀ ୨୦୧୬ ମସିହାରେ ଜାତୀୟ ସେବା ଯୋଜନା (ଏନ୍‌ଏସ୍‌ଏସ୍‌)ର ଜଣେ ସ୍ୱେଚ୍ଛାସେବକ ଭାବେ ତାଙ୍କ ସମାଜସେବାର ଯାତ୍ରା ଆରମ୍ଭ ହୋଇଥିଲା।

ଛାତ୍ରଜୀବନରୁ ସେ ସମାଜର ବିଭିନ୍ନ ସମସ୍ୟାକୁ ନିକଟରୁ ଦେଖି ବୁଝିଥିଲେ ଯେ, ପ୍ରକୃତ ପରିବର୍ତ୍ତନ କେବଳ କଥାରେ ନୁହେଁ ବରଂ କାର୍ଯ୍ୟ ମାଧ୍ୟମରେ ସମ୍ଭବ।

ଏହି ବିଶ୍ୱାସ ତାଙ୍କୁ ନିରନ୍ତର ସେବା ପଥରେ ଆଗେଇ ନେଇଛି।

ଗତ ଦଶ ବର୍ଷ ମଧ୍ୟରେ ସେ ଦୁଇଶହରୁ ଅଧିକ ପ୍ଲାଷ୍ଟିକ ସଫେଇ, ବେଳାଭୂମି ସଫେଇ ଏବଂ ପ୍ଲଗିଂ ଅଭିଯାନର ଆୟୋଜନ କରିବା ସହ ସେଥିରେ ସକ୍ରିୟ ଭାବେ ଅଂଶଗ୍ରହଣ କରିଛନ୍ତି।

ଏହା ସହିତ ସେ ଶତାଧିକ ବୃକ୍ଷରୋପଣ ଅଭିଯାନର ନେତୃତ୍ୱ ନେଇଛନ୍ତି।

ହଜାର ହଜାର ଛାତ୍ରଛାତ୍ରୀ, ସ୍ୱେଚ୍ଛାସେବକ ଓ ସ୍ଥାନୀୟ ଲୋକଙ୍କୁ ଗଛ ଲଗାଇବା ସହ ସେଗୁଡ଼ିକର ଯତ୍ନ ନେବା ପାଇଁ ପ୍ରେରିତ କରିଛନ୍ତି।

ତାଙ୍କ ମତରେ, “ଗଛଟିଏ କେବଳ ଅମ୍ଳଜାନ ଦିଏ ନାହିଁ; ଏହା ଆଗାମୀ ପିଢ଼ି ପାଇଁ ଜୀବନର ଆଶା ଓ ସୁରକ୍ଷାର ପ୍ରତୀକ।” ପରିବେଶ ସଂରକ୍ଷଣ କ୍ଷେତ୍ରରେ ତାଙ୍କ ଅବଦାନ କେବଳ ସଫେଇ ଓ ବୃକ୍ଷରୋପଣରେ ସୀମିତ ନୁହେଁ, ସେ ଅଲିଭ୍ ରିଡ୍‌‌େଲ କଇଁଛ ସଂରକ୍ଷଣ, କୃଷ୍ଣସାର ମୃଗ ସଂରକ୍ଷଣ, ହେନ୍ତାଳ ବନ ସୃଷ୍ଟି, ଜୈବ ବିବିଧତା ସଂରକ୍ଷଣ ଏବଂ ପ୍ଲାଷ୍ଟିକମୁକ୍ତ ସମାଜ ଗଠନ ପାଇଁ ବିଭିନ୍ନ ସଚେତନତା ଅଭିଯାନରେ ସକ୍ରିୟ ଭୂମିକା ଗ୍ରହଣ କରିଆସୁଛନ୍ତି।

ଏହି କାର୍ଯ୍ୟଗୁଡ଼ିକ ତାଙ୍କୁ ସରକାରୀ ବିଭାଗ, ଶିକ୍ଷାନୁଷ୍ଠାନ, ପରିବେଶ ସଂଗଠନ ଏବଂ ସ୍ଥାନୀୟ ସମୁଦାୟ ସହ ମିଳିତ ଭାବେ କାମ କରିବାର ସୁଯୋଗ ଦେଇଛି।

ଚିରଞ୍ଜୀବୀ ବିଶ୍ୱାସ କରନ୍ତି ଯେ ଶିକ୍ଷା ଓ ସଚେତନତା ହେଉଛି ସାମାଜିକ ପରିବର୍ତ୍ତନର ସବୁଠାରୁ ଶକ୍ତିଶାଳୀ ମାଧ୍ୟମ।

ଏହି ବିଶ୍ୱାସକୁ ଆଧାର କରି ସେ ଅନୁନ୍ନତ ଶିଶୁମାନଙ୍କ ଶିକ୍ଷାରେ ସହଯୋଗ କରିବା ସହ ସ୍ୱାସ୍ଥ୍ୟ, ପରିମଳ, ମାସିକ ଋତୁସ୍ରାବ ସ୍ୱଚ୍ଛତା, ବିପର୍ଯ୍ୟୟ ପ୍ରସ୍ତୁତି, ଜଳବାୟୁ ପରିବର୍ତ୍ତନ, ଜଳ ସଂରକ୍ଷଣ ଏବଂ ସ୍ଥାୟୀ ଜୀବନଶୈଳୀ ଉପରେ ସଚେତନତା କାର୍ଯ୍ୟକ୍ରମ ଆୟୋଜନ କରିଛନ୍ତି।

ଏହା ସହିତ ସେ ଦୁଇହଜାରରୁ ଅଧିକ ଯୁବକ-ଯୁବତୀଙ୍କୁ ସ୍ୱେଚ୍ଛାସେବା, ପରିବେଶ ସଂରକ୍ଷଣ ଏବଂ ରାଷ୍ଟ୍ର ନିର୍ମାଣରେ ସକ୍ରିୟ ଭାବେ ସାମିଲ କରାଇବାରେ ସଫଳ ହୋଇଛନ୍ତି।

Road Accident: ଦୁର୍ଘଟଣାରେ ପ୍ରାଣ ହାରିଲେ ବାପା-୨ପୁଅ, ବଡ଼ପୁଅ ସହ ଜୀବନ ସହ ସଂଘର୍ଷ କରୁଛନ୍ତି ମା" ଚିରଞ୍ଜୀବୀଙ୍କ ନିଷ୍ଠା, ପରିଶ୍ରମ ଏବଂ ସେବାର ସ୍ୱୀକୃତି ସ୍ୱରୂପ ୨୦୨୨ ମସିହାରେ ବ୍ରହ୍ମପୁର ବିଶ୍ୱବିଦ୍ୟାଳୟ ପକ୍ଷରୁ ତାଙ୍କୁ "ପରମ ସେବା ନାୟକ" ସମ୍ମାନରେ ଶ୍ରେଷ୍ଠ ଏନ୍‌ଏସ୍‌ଏସ୍‌ ସ୍ୱେଚ୍ଛାସେବକ ଭାବେ ସମ୍ମାନିତ କରାଯାଇଥିଲା।

ଚିରଞ୍ଜୀବୀଙ୍କ ସ୍ୱପ୍ନ ହେଉଛି ଏପରି ଏକ ଯୁବ ନେଟୱାର୍କ ଗଢ଼ି ତୋଳିବା, ଯାହା ଦ୍ବାରା ସ୍ୱେଚ୍ଛାସେବା, ସମାଜସେବା ଓ ପରିବେଶ ସଂରକ୍ଷଣକୁ ପ୍ରତ୍ୟେକ ଯୁବକ-ଯୁବତୀ ନିଜ ଜୀବନର ଦାୟିତ୍ୱ ଭାବେ ଗ୍ରହଣ କରିବେ।"