ECI App: ଇସିଆଇନେଟ୍‌ ବିଜେପି ମୁଖ୍ୟାଳୟରୁ ଭୋଟରମାନଙ୍କୁ ଯୋଡିବା ଓ ବାଦ୍‌ ଦେବାକୁ କେନ୍ଦ୍ରୀଭୂତ: ରମେଶ

"ନୂଆଦିଲ୍ଲୀ: କଂଗ୍ରେସ ଇସିଆନେଟ୍‌ ଆପ୍ଲିକେସନରେ ଥିବା କଥିତ ତ୍ରୁଟିକୁ ନେଇ ବିଜେପି ଉପରେ ଆକ୍ରମଣକୁ ତୀବ୍ର କରିଛି।

ଗୁରୁବାର କଂଗ୍ରେସ କହିଛି ଯେ, ଏହି ପ୍ଲାଟଫର୍ମଟି ନୂଆଦିଲ୍ଲୀରେ ଥିବା ବିଜେପି ମୁଖ୍ୟାଳୟରୁ ଭୋଟରମାନଙ୍କୁ ଯୋଡ଼ିବା ଓ ବାଦ୍‌ ଦେବା ପ୍ରକ୍ରିୟାକୁ କେନ୍ଦ୍ରୀଭୂତ କରିବା ପାଇଁ ଡିଜାଇନ୍ କରାଯାଇଥିବା ପରି ମନେ ହେଉଛି।Advertisment କଂଗ୍ରେସ ସାଧାରଣ ସମ୍ପାଦକ ଜୟରାମ ରମେଶ "ଏକ୍ସ"ରେ ଏକ ଗଣମାଧ୍ୟମ ରିପୋର୍ଟର ସ୍କ୍ରିନସଟ୍ ସେୟାର କରିଛନ୍ତି, ଯେଉଁଥିରେ ଜଣେ ସୁରକ୍ଷା ଗବେଷକ ଦାବି କରିଛନ୍ତି ଯେ, ସେ ଜୁଲାଇ ମାସରେ ଭାରତୀୟ ନିର୍ବାଚନ କମିଶନ (ଇସିଆଇ) ଓ ଦେଶର ସାଇବର ସୁରକ୍ଷା ଏଜେନ୍ସି ସିଇଆର୍‌ଟି-ଇନ୍‌କୁ ନିର୍ବାଚନ ପ୍ୟାନେଲର ଭୋଟର-ସେବା ୱେବସାଇଟ୍ ଓ ଇସିଆଇନେଟ୍‌ ଆପ୍‌ରେ ଥିବା ତ୍ରୁଟି ସମ୍ପର୍କରେ ସତର୍କ କରାଇଥିଲେ।

ନିର୍ବାଚନ କମିସନଙ୍କ ଦୃଷ୍ଟି ଆକର୍ଷଣ ତାଙ୍କ ପୋଷ୍ଟରେ ରମେଶ କହିଛନ୍ତି, ଆଜି ସକାଳେ ଏକ ପ୍ରମୁଖ ଦୈନିକ ଖବରକାଗଜ ଏହି ରିପୋର୍ଟ ପ୍ରକାଶ କରିଛି ଯେ, ୮ ଜୁଲାଇ, ୨୦୨୬ରେ ଜଣେ ସୁରକ୍ଷା ଗବେଷକ ଇସିଆଇନେଟ୍‌ରେ ଅନେକ ତ୍ରୁଟି ବିଷୟରେ ନିର୍ବାଚନ କମିସନଙ୍କ ଦୃଷ୍ଟି ଆକର୍ଷଣ କରିଥିଲେ।

କିନ୍ତୁ ଅକ୍ଟୋବର ୬, ୨୦୨୬ରେ ଇସିଆଇ ଉପରେ ଚାରିଆଡ଼ୁ ଆକ୍ରମଣ ପରେ ଗୋଟିଏ ତ୍ରୁଟିକୁ ସୁଧାର କରାଯାଇଥିଲା ଓ ଅନ୍ୟ ଉପରେ କାମ ଚାଲିଛି।

ରମେଶ କହିଛନ୍ତି, ଏହି ଗବେଷକ ସେହି ଯୁବକ ଯିଏ କିଛି ମାସ ତଳେ ସିବିଏସ୍‌ଇର ଆଇଟି ସିଷ୍ଟମକୁ ସମ୍ପୂର୍ଣ୍ଣ ଭାବରେ ପର୍ଦ୍ଦାଫାଶ କରିଥିଲେ, ଯାହା ଅନ୍ୟାନ୍ୟ ବିଷୟ ସହିତ ତତ୍କାଳୀନ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଭାଗ୍ୟକୁ ସିଲ୍ କରିଥିଲା।

ଏବେ ପ୍ରଧାନମନ୍ତ୍ରୀଙ୍କ ପାଳି ବୋଲି କଂଗ୍ରେସ ନେତା କହିଛନ୍ତି।

ଆମେରିକାରେ ବସବାସ କରିବାର ସ୍ୱପ୍ନ ଦେଖୁଥିବା ଲୋକଙ୍କ ପାଇଁ ଆଉ ଏକ ପ୍ରତିବନ୍ଧକ ସୂଚନାଯୋଗ୍ୟ, ନିର୍ବାଚନ କମିସନ ସୁଖବୀର ସିଂହ ସାନ୍ଧୁ ଓ ବିବେକ ଯୋଶୀ ସ୍ବତନ୍ତ୍ର ସଘନ ସଂଶୋଧନ (ଏସ୍‌ଆଇଆର୍‌)କୁ ନେଇ ଗତ ୧୦ ମାସରେ ୧୪ ଥର ଆପତ୍ତି ଉଠାଇଥିବା "ଇଣ୍ଡିଆନ୍‌ ଏକ୍ସପ୍ରେସ୍‌"ରେ ଏକ ରିପୋର୍ଟ ପ୍ରକାଶ ପାଇବା ପରେ ବିରୋଧୀଙ୍କ ସ୍ବର ତୀବ୍ର ହୋଇଛି।

"