CBFC: ‘ଦୃଶ୍ୟମ ୩: ଦ କନକ୍ଲୁଜନ'କୁ ମିଳିଲା ବିନା କଟ୍‌ରେ U/A 16+ ସାର୍ଟିଫିକେଟ୍

"ମୁମ୍ବାଇ: ବଲିଉଡ଼ ଅଭିନେତା ଅଜୟଦେବଗନଙ୍କ ଅଭିନୀତ 'ଦୃଶ୍ୟମ ୩: ଦ କନକ୍ଲୁଜନ'କୁ ମିଳିଲା ବିନା କଟ୍‌ରେ U/A 16+ ସାର୍ଟିଫିକେଟ୍।

କେନ୍ଦ୍ରୀୟ ଚଳଚ୍ଚିତ୍ର ପ୍ରମାଣନ ବୋର୍ଡ (CBFC) ପକ୍ଷରୁ ଏହି ପ୍ରମାଣପତ୍ର ଦିଆଯାଇଛି।

ବଡ଼ କଥା ହେଉଛି ଯେ, ଯାଞ୍ଚ କମିଟି ଫିଲ୍ମର କୌଣସି ଦୃଶ୍ୟ କାଟିବାକୁ କିମ୍ବା ଅଡିଓ ଓ ଭିଜୁଆଲ୍‌ରେ କୌଣସି ପରିବର୍ତ୍ତନ କରିବାକୁ କହିନାହିଁ।

ଅନେକ ସମୟରେ CBFC ପକ୍ଷରୁ ନିର୍ମାତାଙ୍କୁ ଫିଲ୍ମର ଭାଷାରେ ଟାଇଟଲ୍ ଓ କ୍ରେଡିଟ୍ ଉଲ୍ଲେଖ କରିବାକୁ କିମ୍ବା ଫିଲ୍ମ ଆରମ୍ଭରେ ଓ ଇଣ୍ଟରମିସନ୍ ସମୟରେ ନିଶା ବିରୋଧୀ ସୂଚନା ବା ବିଜ୍ଞାପନ ଦେଖାଇବାକୁ କୁହାଯାଇଥାଏ।

କିନ୍ତୁ ଏହି ସିନେମାକ୍ଷେତ୍ରରେ ଏପରି କୌଣସି ପରିବର୍ତ୍ତନ ମଧ୍ୟ ଆବଶ୍ୟକ କରାଯାଇନାହିଁ।

ଫିଲ୍ମଟିକୁ ବିନା କୌଣସି କଟ୍‌ରେ U/A 16+ ସାର୍ଟିଫିକେଟ୍ ମିଳିଛି।Advertisment ଏହା ସହିତ ଏହି ଫିଲ୍ମ ଦୃଶ୍ୟମ  ଫ୍ରାଞ୍ଚାଇଜ୍‌ର ଦ୍ୱିତୀୟ ଚଳଚ୍ଚିତ୍ର ହୋଇଛି, ଯାହାକୁ ବିନା କୌଣସି କଟ୍‌ରେ U/A ସାର୍ଟିଫିକେଟ୍ ମିଳିଛି।

ଏହା ପୂର୍ବରୁ ୨୦୨୨ରେ ରିଲିଜ୍ ହୋଇଥିବା ଦୃଶ୍ୟମ  ୨କୁ ମଧ୍ୟ ବିନା କୌଣସି କଟ୍‌ରେ ଏହି ସାର୍ଟିଫିକେଟ୍ ମିଳିଥିଲା।

ଏଥିସହ ଦୃଶ୍ୟମ  ଦି କନକ୍ଲୁଜନ୍ ଏହି ଫ୍ରାଞ୍ଚାଇଜ୍‌ର ଦ୍ୱିତୀୟ ଦୀର୍ଘତମ ଫିଲ୍ମ।

୨୦୧୫ରେ ରିଲିଜ୍ ହୋଇଥିବା ଦୃଶ୍ୟମର ଅବଧି ୧୬୨ ମିନିଟ୍ ଥିବା ବେଳେ ଦୃଶ୍ୟମ  ୨ର ଅବଧି ୨ ଘଣ୍ଟା ୨୨ ମିନିଟ୍ ଥିଲା।

ସେପ୍ଟେମ୍ବର ୨୮ ତାରିଖରେ ଫିଲ୍ମର ନିର୍ମାତାଙ୍କୁ ସେନ୍ସର ସାର୍ଟିଫିକେଟ୍ ପ୍ରଦାନ କରାଯାଇଥିଲା।

ସାର୍ଟିଫିକେଟ୍‌ରେ ଫିଲ୍ମର ଅବଧି ୧୫୦ ମିନିଟ୍ ଉଲ୍ଲେଖ ରହିଛି।

ଅର୍ଥାତ୍ ଦୃଶ୍ୟମ ଦି କନକ୍ଲୁଜନ୍ ର ରନ୍‌ଟାଇମ୍ ୨ ଘଣ୍ଟା ୩୦ ମିନିଟ୍।

ଅକ୍ଟୋବର ୨ ତାରିଖରେ ମୁକ୍ତିଲାଭ କରିବ 'ଦୃଶ୍ୟମ ୩: ଦ କନକ୍ଲୁଜନ'ରେ ଅଜୟ ଦେବଗନ୍, ତବୁ, ଶ୍ରିୟା ସରନ୍, ଜୟଦୀପ ଅହଲାୱତ, ପ୍ରକାଶ ରାଜ, ରଜତ କପୁର, ଇଶିତା ଦତ୍ତା, ମୃଣାଳ ଯାଦବ ଏବଂ କମଲେଶ ସାୱନ୍ତ ଅଭିନୟ କରିଛନ୍ତି।

ଅଭିଷେକ ପାଠକ ଏହି ଫିଲ୍ମର ନିର୍ଦ୍ଦେଶନା ଦେଇଥିବା ବେଳେ ଆଲୋକ ଜୈନ୍, ଅଜିତ ଆନ୍ଧାରେ, କୁମାର ମଙ୍ଗତ ପାଠକ ଏବଂ ଅଭିଷେକ ପାଠକ ଏହାର ପ୍ରଯୋଜନା କରିଛନ୍ତି।

ଏହି ଫିଲ୍ମ ଅକ୍ଟୋବର ୨ ତାରିଖରେ ସିନେମା ହଲ୍‌ରେ ମୁକ୍ତିଲାଭ କରିବ।

ଏହି ସିନେମାରେ ଅଜୟ ଦେବଗନ୍  ପୁଣିଥରେ ପରଦାରେ 'ବିଜୟ ସାଲଗାଁଓକର' ଚରିତ୍ରରେ ନଜର ଆସିବେ।

ତାଙ୍କର ବହୁପ୍ରତୀକ୍ଷିତ ଫିଲ୍ମ 'ଦୃଶ୍ୟମ ୩: ଦ କନକ୍ଲୁଜନ'କୁ ନେଇ ଦର୍ଶକଙ୍କ ମଧ୍ୟରେ ପ୍ରବଳ ଉତ୍ସାହ ଦେଖିବାକୁ ମିଳିଛି।

ରିଲିଜ୍ ପୂର୍ବରୁ ଆରମ୍ଭ ହୋଇଥିବା ଆଡଭାନ୍ସ ବୁକିଂରେ ଫିଲ୍ମଟି ବମ୍ପର ଓପନିଂ କରି ସମସ୍ତଙ୍କୁ ଆଶ୍ଚର୍ଯ୍ୟଚକିତ କରିଦେଇଛି।

Raid: ପୁରୀରେ ପୁଣି ଖଜା ଗୋଦାମ ଉପରେ ଚଢ଼ାଉ, ୪ କୁଇଣ୍ଟାଲ ଖଜା ଓ ୫ଟି ଗ୍ୟାସ୍ ସିଲିଣ୍ଡର ଜବତ "