Blood Group: ମଣିଷଙ୍କ ରକ୍ତର ନୂଆ ଗ୍ରୁପ୍ ‘JAMA’ ଚିହ୍ନଟ, ବିଶ୍ୱର ୪୯ତମ ବ୍ଲଡ୍ ଗ୍ରୁପ୍ ସିଷ୍ଟମ

"ନୂଆଦିଲ୍ଲୀ: ମଣିଷର ରକ୍ତ ସମ୍ପର୍କରେ ବୈଜ୍ଞାନିକମାନେ ଏକ ନୂଆ ଆବିଷ୍କାର କରିଛନ୍ତି।

ବ୍ରିଟେନ୍ ଓ ଇସ୍ରାଏଲର ଗବେଷକମାନେ "ଜାମା" ନାମରେ ଏକ ନୂଆ ବ୍ଲଡ୍ ଗ୍ରୁପ୍ ସିଷ୍ଟମ ଚିହ୍ନଟ କରିଛନ୍ତି।

ଇଣ୍ଟରନ୍ୟାସନାଲ ସୋସାଇଟି ଅଫ୍ ବ୍ଲଡ୍ ଟ୍ରାନ୍ସଫ୍ୟୁଜନ୍‌ (ଆଇଏସବିଟି) ଏହାକୁ ବିଶ୍ୱର ୪୯ତମ ବ୍ଲଡ୍ ଗ୍ରୁପ୍ ସିଷ୍ଟମ ଭାବେ ମାନ୍ୟତା ଦେଇଛି।Advertisment ବିରଳ ରକ୍ତ ଗୁଣଧର୍ମ ଚିହ୍ନଟରେ ମିଳିଲା ବଡ଼ ସଫଳତା ଏହି ଆବିଷ୍କାରର ଆରମ୍ଭ ହୋଇଥିଲା ଜଣେ ଇସ୍ରାଏଲୀ ମହିଳା ଓ ତାଙ୍କ ଭାଇଙ୍କ ରକ୍ତ ନମୁନା ପରୀକ୍ଷାରୁ।

ମହିଳାଙ୍କ ରକ୍ତରେ ଏପରି ଏକ ଆଣ୍ଟିବଡି ମିଳିଥିଲା, ଯାହା ଅଧିକାଂଶ ଲୋକଙ୍କ ଲାଲ ରକ୍ତ କଣିକା ସହ ପ୍ରତିକ୍ରିୟା କରୁଥିଲା।

କିନ୍ତୁ ତାଙ୍କ ନିଜ ଓ ଭାଇଙ୍କ ଲାଲ ରକ୍ତ କଣିକାରେ ସେହି ପ୍ରତିକ୍ରିୟା ଦେଖାଯାଇନଥିଲା।

ଏହାପରେ ଗବେଷକମାନେ ଉଭୟଙ୍କ ଡିଏନ୍‌ଏର ଜେନେଟିକ୍ ପରୀକ୍ଷା କରିଥିଲେ।

ଏଥିରେ ଏଫ୍୧୧ଆର ନାମକ ଜିନ୍‌ରେ ଏକ ବିଶେଷ ପରିବର୍ତ୍ତନ ଚିହ୍ନଟ ହୋଇଥିଲା।

ଏହି ଜିନ୍‌ ଜାମ୍-ଆ ନାମକ ପ୍ରୋଟିନ୍ ତିଆରି ସହ ଜଡ଼ିତ।

ଗବେଷଣାରୁ ଜଣାପଡ଼ିଛି ଯେ ଜାମ୍-ଆ ସାଧାରଣତଃ ଲାଲ ରକ୍ତ କଣିକାର ପୃଷ୍ଠରେ ଥାଏ।

ଜାମାକୁ ଏ, ବି, ଏବି କିମ୍ବା ଓ ଭଳି ଆଉ ଏକ ସାଧାରଣ ବ୍ଲଡ୍ ଗ୍ରୁପ୍ ଭାବେ ଦେଖାଯାଏ ନାହିଁ।

ଏହା ଏକ ସ୍ୱତନ୍ତ୍ର ବ୍ଲଡ୍ ଗ୍ରୁପ୍ ସିଷ୍ଟମ, ଯେଉଁଥିରେ ଏକ ବିଶେଷ ଆଣ୍ଟିଜେନ୍ ରହିଛି।

ଅଧିକାଂଶ ଲୋକଙ୍କ ଲାଲ ରକ୍ତ କଣିକାରେ ଏହି ଆଣ୍ଟିଜେନ୍ ଥିବାବେଳେ ଚିହ୍ନଟ ହୋଇଥିବା ଦୁଇ ଭାଇ-ଭଉଣୀଙ୍କ ରକ୍ତରେ ଏହା ଅନୁପସ୍ଥିତ ଥିଲା।

ବିଶେଷଜ୍ଞଙ୍କ ଅନୁସନ୍ଧାନ ଅନୁସାରେ, ଏହି ଆବିଷ୍କାରର ଗୁରୁତ୍ୱ ବ୍ଲଡ୍ ଟ୍ରାନ୍ସଫ୍ୟୁଜନ୍ କ୍ଷେତ୍ରରେ ଅଧିକ ରହିପାରେ।

କୌଣସି ବ୍ୟକ୍ତିଙ୍କ ଶରୀରରେ ନଥିବା ଆଣ୍ଟିଜେନ୍ ବିରୋଧରେ ଆଣ୍ଟିବଡି ତିଆରି ହେଲେ, ରକ୍ତ ଦେବା ସମୟରେ ସୁସଙ୍ଗତ ରକ୍ତ ଚିହ୍ନଟ କରିବା ଜରୁରୀ ହୋଇଥାଏ।

ତେଣୁ ବିରଳ ରକ୍ତ ଗୁଣଧର୍ମ ଥିବା ରୋଗୀଙ୍କ ପାଇଁ ଜାମା ସିଷ୍ଟମର ଚିହ୍ନଟ ଭବିଷ୍ୟତରେ ଉପଯୋଗୀ ହୋଇପାରେ।

ବୈଜ୍ଞାନିକମାନଙ୍କ ଏହି ଆବିଷ୍କାର ମଣିଷର ରକ୍ତ ଗ୍ରୁପ୍ ବ୍ୟବସ୍ଥା କେତେ ଜଟିଳ, ତାହାକୁ ଆହୁରି ସ୍ପଷ୍ଟ କରିଛି।

ଆଇଏସବିଟିର ମାନ୍ୟତା ପରେ ଜାମା ବିଶ୍ୱର ୪୯ତମ ସ୍ୱୀକୃତ ବ୍ଲଡ୍ ଗ୍ରୁପ୍ ସିଷ୍ଟମ ହୋଇଛି।

ଗବେଷକଙ୍କ ଅନୁସାରେ ଏପରି ବିରଳ ଆଣ୍ଟିଜେନ୍‌ର ଚିହ୍ନଟ ନିରାପଦ ରକ୍ତ ସଞ୍ଚାର ଓ ରକ୍ତ ମେଳକରଣ ପ୍ରକ୍ରିୟାକୁ ଆହୁରି ସଠିକ୍ କରିବାରେ ସହାୟକ ହୋଇପାରେ।

Hand Numbness: ସକାଳେ ଉଠିବା ପରେ ହାତ ସ୍ଟିଫ୍‌ ହେଉଛି କି?

ଜାଣନ୍ତୁ କାରଣ ଓ ଚିକିତ୍ସା "