Air India Flight Drops 300 Feet During Severe Turbulence: ଆକାଶରେ ଭୟଙ୍କର ଝଟକା, ଏୟାର ଇଣ୍ଡିଆ ବିମାନରେ ୧୨ ଆହତ

ଦିଲ୍ଲୀ ବିମାନବନ୍ଦରରେ ଏକ ବଡ଼ ଦୁର୍ଘଟଣା ଟଳିଯାଇଛି। ଫୁକେଟ୍ ରୁ ଆସୁଥିବା ଏୟାର ଇଣ୍ଡିଆର ଏକ ବିମାନ ଗୁରୁତର ଅସ୍ଥିରତାର ସମ୍ମୁଖୀନ ହୋଇଥିଲା । ସେଥିରେ ୧୨ ଜଣ ଯାତ୍ରୀ ଆହତ ହୋଇଛନ୍ତି। ଏୟାର ଇଣ୍ଡିଆ କହିଛି ଯେ ଘଟଣାସ୍ଥଳକୁ ଆମ୍ବୁଲାନ୍ସ ଡକାଯାଇଥିଲା ଏବଂ ଆହତମାନଙ୍କୁ ହସ୍ପିଟାଲକୁ ନିଆଯାଇଥିଲା। 

ରିପୋର୍ଟ ଅନୁସାରେ, ଅନେକ ଆମ୍ବୁଲାନ୍ସରେ ବିମାନବନ୍ଦରରୁ ଆହତମାନଙ୍କୁ ହସ୍ପିଟାଲକୁ ନିଆଯାଇଥିଲା। ବିମାନରେ ଥିବା ଜଣେ ଯାତ୍ରୀ କହିଛନ୍ତି ଯେ ବିମାନଟି ବହୁତ ଦ୍ରୁତ ଗତିରେ ତଳକୁ ଖସି ପଡ଼ିଥିଲା, ଯାହା ଫଳରେ ଅନେକ ଯାତ୍ରୀ ଆହତ ହୋଇଥିଲେ।ପାଖାପାଖି ୩୦୦ ମିଟର ତଳକୁ ହଠାତ୍ ଖସିଥିଲା ବିମାନ । 

ଯାତ୍ରୀଙ୍କ ମୁଣ୍ଡ ଛାତରେ ବାଜିଲା

ସୌଭାଗ୍ୟବଶତଃ, ବିମାନଟି ସୁରକ୍ଷିତ ଭାବରେ ଅବତରଣ କରିଛି ଏବଂ ସମସ୍ତ ଯାତ୍ରୀ ସୁରକ୍ଷିତ ଅଛନ୍ତି । କିନ୍ତୁ ସେମାନେ ଆଘାତ ପାଇଛନ୍ତି। ଦୁର୍ଘଟଣା ପରେ ସମସ୍ତ ଯାତ୍ରୀ ଭୟଭୀତ ହୋଇଯାଇଛନ୍ତି। ଜଣେ ଯାତ୍ରୀ କହିଛନ୍ତି ଯେ ଉଡ଼ାଣ ଭରିବା ସମୟରେ ବିମାନଟି ହଠାତ୍ ତଳକୁ ଖସି ପଡ଼ିଥିଲା, ଯାହା ଫଳରେ ଅନେକ ଯାତ୍ରୀଙ୍କ ମୁଣ୍ଡ ସିଧା ବିମାନର ଛାତରେ ବାଜିଥିଲା। ଅନେକ ଲୋକଙ୍କ ମୁଣ୍ଡ ମଧ୍ୟ ଫୁଲି ଯାଇଥିଲା। ବିମାନରେ ବହୁ ଯାତ୍ରୀ ଥିଲେ।

ପ୍ରତିକ୍ରିୟା ରଖିଲା ଏୟାର ଇଣ୍ଡିଆ

ଏୟାର ଇଣ୍ଡିଆ ଏକ ବିବୃତି ଜାରି କରି କହିଛି ଯେ ଅଗଷ୍ଟ ୪ ତାରିଖରେ ଫୁକେଟରୁ ଦିଲ୍ଲୀ ଯାଉଥିବା ବିମାନ AI2379 ଟି ଅଳ୍ପ ସମୟ ପାଇଁ ଅସ୍ଥିରତାର ସମ୍ମୁଖୀନ ହୋଇଥିଲା। ବାୟୁ ଅସ୍ଥିରତା ଦେଖା ଦେଇଥିଲା। ତଥାପି ଏହା ନିରାପଦରେ ଦିଲ୍ଲୀରେ ଅବତରଣ କରିଥିଲା। ସମସ୍ତ ଯାତ୍ରୀ ଏବଂ କର୍ମଚାରୀ ସୁରକ୍ଷିତ ଭାବରେ ଓହ୍ଲାଇଥିଲେ। କେହି ଗୁରୁତର ଆହତ ହୋଇଥିବାର ଖବର ମିଳିନାହିଁ । କିଛି ଯାତ୍ରୀ ଏବଂ କର୍ମଚାରୀଙ୍କୁ ଆଘାତ ଲାଗିଛି।

ସତର୍କତାମୂଳକ ପଦକ୍ଷେପ ସ୍ୱରୂପ, ସେମାନଙ୍କୁ  ଚିକିତ୍ସା ପାଇଁ ବିମାନବନ୍ଦର ମେଡିକାଲ୍ ସେଣ୍ଟରକୁ ନିଆଯାଇଛି। ଏୟାର ଇଣ୍ଡିଆ କହିଛି ଯେ ଯାତ୍ରୀ ଏବଂ କ୍ରୁଙ୍କ ସୁରକ୍ଷା ଏହାର ସର୍ବୋଚ୍ଚ ପ୍ରାଥମିକତା। ପ୍ରଭାବିତ ବ୍ୟକ୍ତିମାନଙ୍କୁ ସମସ୍ତ ସମ୍ଭାବ୍ୟ ସହାୟତା ଯୋଗାଇ ଦିଆଯାଉଛି ଏବଂ ଘଟଣାର ତଦନ୍ତରେ ସମ୍ପୃକ୍ତ କର୍ତ୍ତୃପକ୍ଷଙ୍କୁ ପୂର୍ଣ୍ଣ ସହଯୋଗ କରାଯାଉଛି।