ପୁଇଁତୋଳାରୁ ତାଇଓ୍ବାନ, ଦେବାଶିଷଙ୍କ ସଫଳତାର ଯାତ୍ରା, ଏମିତି କାମ କରି…
ଗଞ୍ଜାମ,୧୮ା୫(ବିଦ୍ୟାଧର ସାହୁ): ଗଞ୍ଜାମ ଏନ୍ଏସି ଅନ୍ତର୍ଗତ ପୁଇଁତୋଳା ଗ୍ରାମର ଦେବାଶିଷ ତରାଇ।। ପୁଇଁତୋଳା ଭଳି ଏକ ଗାଁରୁ ଅନ୍ତର୍ଜାତୀୟ ଶିକ୍ଷା ଓ ଗବେଷଣା ମଞ୍ଚ ପର୍ଯ୍ୟନ୍ତ ଦେବାଶିଷ ତରାଇଙ୍କ (୨୧) ଯାତ୍ରା ଅନେକ ଯୁବପିଢ଼ିଙ୍କ ପାଇଁ ପ୍ରେରଣା ତଥା ଉଦାହରଣ ପାଲଟିଛି।
ବାପା ସୁରେନ୍ଦ୍ର କୁମାର ତରାଇ ଓ ମା’ ଜୟନ୍ତୀ ତରାଇଙ୍କ ସୁଯୋଗ୍ୟ ସନ୍ତାନ ଦେବାଶିଷ ସାଧାରଣ ପରିବାରରେ ଜନ୍ମ ହୋଇଥିଲେ ମଧ୍ୟ ପିଲାଦିନୁ ଶିକ୍ଷା ପ୍ରତି ଗଭୀର ଆଗ୍ରହ ରଖୁଥିଲେ। ପୁଅର ଆଗ୍ରହ ଦେଖି ବାପା ମା’ ସମସ୍ତ ସହଯୋଗ ପାଇଁ ଆଗେଇ ଆସିଥିଲେ। ସେ ଗଞ୍ଜାମ ସରସ୍ବତୀ ଶିଶୁ ବିଦ୍ୟାମନ୍ଦିରରେ ପ୍ରାରମ୍ଭିକ ଶିକ୍ଷା ସମାପ୍ତ କରି ପରେ କିଟ୍, ଭୁବନେଶ୍ୱରରେ ଯୁକ୍ତଦୁଇ ବିଜ୍ଞାନ ଶିକ୍ଷାଗ୍ରହଣ କରିଥିଲେ। ପରବର୍ତ୍ତୀ ସମୟରେ ସିୟୁଇଟି ପରୀକ୍ଷାରେ ସଫଳତା ହାସଲ କରି ସେ ବାୟୋଟେକ୍ନୋଲୋଜି ବିଷୟରେ ସ୍କଲାରଶିପ୍ ସହିତ ସ୍ନାତକ ଶିକ୍ଷାରେ ଶ୍ରେଷ୍ଠ ସଫଳତା ପାଇଥିଲେ ଦେବାଶିଷ। ନିଜ ଶିକ୍ଷା ଯାତ୍ରାର ଦ୍ୱିତୀୟ ବର୍ଷରେ ସେ ଅନ୍ତର୍ଜାତୀୟ ଏକ୍ସଚେଞ୍ଜ ସ୍କଲାରଶିପ୍ ଅର୍ଜନ କରି ତାଇଓ୍ବାନର ଉଚ୍ଚ ମାନ୍ୟତାପ୍ରାପ୍ତ ଜାତୀୟ ତାଇପେଇ ୟୁନିଭର୍ସିଟିରେ ପୂର୍ଣ୍ଣ ଅନୁଦାନ ସହିତ ଅଧ୍ୟୟନର ସୁଯୋଗ ପାଇଥିଲେ। ତାଇଓ୍ବାନ ପହଞ୍ଚିବା ପରେ ମଧ୍ୟ ସେ ନିଜ ପରିଶ୍ରମ ଓ ଦକ୍ଷତା ଦ୍ୱାରା ଅତ୍ୟନ୍ତ କମ ସମୟରେ ରିସର୍ଚ୍ଚ ଆସିଷ୍ଟାଣ୍ଟ ଭାବେ ଚୟନ ହୋଇଥିଲେ ଦେବାଶିଷ l ବର୍ତ୍ତମାନ ସ୍ନାତକ ଶିକ୍ଷା ଶେଷ ହୋଇଥିବା ବେଳେ ସେ ନିଜ ଗବେଷଣା କାର୍ଯ୍ୟ ଜାରି ରଖି ଅନ୍ତର୍ଜାତୀୟ ମଞ୍ଚରେ ନିଜ ଦକ୍ଷତାର ପରିଚୟ ଦେଇଛନ୍ତି। ତାଙ୍କ ଏହି ସଫଳତା ଗଞ୍ଜାମ ଅଞ୍ଚଳର ଅନେକ ଛାତ୍ରୀଛାତ୍ରଙ୍କ ପାଇଁ ପ୍ରେରଣାର ଉତ୍ସ ପାଲଟିଛି।
Dharitri – Odisha’s No.1 Odia Daily
The post ପୁଇଁତୋଳାରୁ ତାଇଓ୍ବାନ, ଦେବାଶିଷଙ୍କ ସଫଳତାର ଯାତ୍ରା, ଏମିତି କାମ କରି… appeared first on Dharitri Odia News.
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ DHARITRI - ଧରିତ୍ରୀ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
