କୋଟି କୋଟି ଟଙ୍କାର LED ଡିସପ୍ଲେ ଗାଏବ, କେବଳ ଖୁଣ୍ଟ ଠିଆ; ଅନ୍ଧାରରେ ଚନ୍ଦ୍ରଭାଗା

Aug 23, 2026 - 18:29

କୋଟି କୋଟି ଟଙ୍କାର LED ଡିସପ୍ଲେ ଗାଏବ, କେବଳ ଖୁଣ୍ଟ ଠିଆ; ଅନ୍ଧାରରେ ଚନ୍ଦ୍ରଭାଗା

ନନ୍ଦିଘୋଷ ବ୍ୟୁରୋ : ଖୁଣ୍ଟ ଅଛି, ହେଲେ ନାହିଁ LED ଡିସପ୍ଲେ । କୋଟି କୋଟି ଟଙ୍କା ବ୍ୟୟରେ ଅର୍କକ୍ଷେତ୍ର କୋଣାର୍କ, ଚନ୍ଦ୍ରଭାଗା ସମେତ ଆଖପାଖ ଅଞ୍ଚଳରେ ପର୍ଯ୍ୟଟକଙ୍କ ସୁବିଧା ପାଇଁ ବଡ଼ ବଡ଼ ଷ୍ଟ୍ରକଚର ନିର୍ମାଣ କରାଯାଇ LED ଡିସପ୍ଲେ ଲଗାଯାଇଥିଲା । ମ୍ୟାପ୍‌ ମାଧ୍ୟମରେ ପର୍ଯ୍ୟଟକଙ୍କୁ ରାସ୍ତାଘାଟ ଓ ବିଭିନ୍ନ ସ୍ଥାନ ସମ୍ପର୍କରେ ସୂଚନା ଦେବା ଏହାର ଉଦ୍ଦେଶ୍ୟ ଥିଲା । ହେଲେ ଏବେ ଷ୍ଟ୍ରକଚରରୁ LED ଡିସପ୍ଲେ ଗାଏବ, କେବଳ ଲୁହା ଖୁଣ୍ଟ ଠିଆ ହୋଇଛି ।

ସାଧାରଣ ଲୋକଙ୍କ ଟିକସ ଟଙ୍କାରେ ଲଗାଯାଇଥିବା କୋଟି କୋଟି ଟଙ୍କାର LED ଡିସପ୍ଲେ ଗଲା କୁଆଡ଼େ ? ଏହା ଚୋରି ନା ଦୁର୍ନୀତି ? ଏନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଥିବା ବେଳେ ଘଟଣାର ଉଚ୍ଚସ୍ତରୀୟ ତଦନ୍ତ ପାଇଁ ସ୍ଥାନୀୟ ଲୋକେ ଦାବି କରିଛନ୍ତି ।

ଅନ୍ୟପଟେ, ସଞ୍ଜ ନଇଁଲେ ଅସୁରକ୍ଷିତ ହୋଇପଡ଼ୁଛି ଚନ୍ଦ୍ରଭାଗା ବେଳାଭୂମି । ଚନ୍ଦ୍ରଭାଗାରୁ ରାମଚଣ୍ଡୀ, ଆଇବି ଛକ ରାସ୍ତା ଏବଂ ଚନ୍ଦ୍ରଭାଗା ତୀର୍ଥ ପୁଷ୍କରିଣୀରେ ଲାଗିଥିବା ଶହ ଶହ ଷ୍ଟ୍ରିଟ୍‌ ଲାଇଟ୍‌ ଦୀର୍ଘଦିନ ହେବ ଅଚଳ ହୋଇପଡ଼ିଛି । ସନ୍ଧ୍ୟା ହେଲେ ଘନ ଅନ୍ଧାରରେ ଯାତାୟାତ କରୁଛନ୍ତି ପର୍ଯ୍ୟଟକ । ଫଳରେ ଦୁର୍ଘଟଣା ବଢ଼ୁଥିବା ମଧ୍ୟ ଅଭିଯୋଗ ହୋଇଛି ।

ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ nandighosha-tv-ନନ୍ଦିଘୋଷ-ଟିଭି ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।