ହର୍ମୁଜ ଖୋଲିବାକୁ ନେଇ ମୋଦୀଙ୍କ ସମର୍ଥନ ଲୋଡିଲା ଲଣ୍ଡନ, ଟ୍ରେଡ ଡିଲ ଉପରେ ଆଲୋଚନା କଲେ ବ୍ରିଟେନ ପିଏମ…
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବ୍ରିଟେନର ନୂତନ ପ୍ରଧାନମନ୍ତ୍ରୀ ଆଣ୍ଡି ବର୍ନହାମଙ୍କ ସହ ଫୋନ୍ ଯୋଗେ କଥା ହୋଇଛନ୍ତି। ବ୍ରିଟେନର ନୂତନ ପ୍ରଧାନମନ୍ତ୍ରୀ ଭାବରେ ବର୍ନହାମ ଶପଥ ଗ୍ରହଣ କରିବା ପରେ ମୋଦି ତାଙ୍କୁ ଅଭିନନ୍ଦନ ଜଣାଇଛନ୍ତି। ଏହି ଫୋନ କଲ୍ ସମୟରେ, ଦୁଇ ନେତା ହର୍ମୁଜ୍ ଉତ୍ତେଜନା ଉପରେ ମଧ୍ୟ ଆଲୋଚନା କରିଥିଲେ। ଭାରତ-ୟୁକେ ବାଣିଜ୍ୟ ସମ୍ପର୍କ ଠାରୁ ଆରମ୍ଭ କରି ନିବେଶ ଏବଂ ସୁରକ୍ଷା ପର୍ଯ୍ୟନ୍ତ ବିଭିନ୍ନ ପ୍ରସଙ୍ଗ ଉପରେ ଆଲୋଚନା ହୋଇଥିଲା।
ଦୁଇ ନେତାଙ୍କ ଭିତରେ କଣ ହୋଇଛି ଆଲୋଚନା ?
ଭାରତ-ୟୁକେ ମୁକ୍ତ ବାଣିଜ୍ୟ ଚୁକ୍ତିନାମା (FTA) ଜୁଲାଇ ୧୫ ତାରିଖରେ କାର୍ଯ୍ୟକାରୀ ହୋଇଛି। FTA ଅଧୀନରେ, ଭାରତର ଅଧିକାଂଶ ରପ୍ତାନି ଏବେ ଶୁଳ୍କ ମୁକ୍ତ। ବର୍ତ୍ତମାନ, ଉଭୟ ଦେଶ ଏହି ବାଣିଜ୍ୟ ସମ୍ପର୍କକୁ ଆହୁରି ମଜବୁତ କରିବାକୁ ଚାହୁଁଛନ୍ତି। ଭାରତ-ୟୁକେ ବାଣିଜ୍ୟ ଚୁକ୍ତିନାମା ଦ୍ୱାରା ଉପସ୍ଥାପିତ ବାଣିଜ୍ୟ ଏବଂ ନିବେଶ ସୁଯୋଗର ପୂର୍ଣ୍ଣ ଲାଭ ଉଠାଇବାକୁ ଉଭୟ ନେତା ରାଜି ହୋଇଛନ୍ତି। ସେମାନେ ଆଶା ପ୍ରକାଶ କରିଥିଲେ ଯେ ଏହି ବାଣିଜ୍ୟ ଭାରତ ଏବଂ ୟୁକେ ମଧ୍ୟରେ ଆର୍ଥିକ ସହଭାଗୀତାକୁ ନୂତନ ଗତି ଦେବ ଏବଂ ନୂତନ ନିବେଶ ସୁଯୋଗ ଖୋଲିବ।
ହରମୁଜ୍ ପ୍ରଣାଳୀ ଖୋଲିବା ପାଇଁ ଚୁକ୍ତିନାମା…
ଇରାନ ଯୁଦ୍ଧ ଯୋଗୁଁ ପରିସ୍ଥିତି ଖରାପ ହେବା ଉପରେ ଉଭୟ ନେତା ଚିନ୍ତା ପ୍ରକାଶ କରିଥିଲେ। ମଧ୍ୟପ୍ରାଚ୍ୟ ସଂଘର୍ଷ ଯୋଗୁଁ ହରମୁଜ୍ ପ୍ରଣାଳୀ ଉପରେ ଆମେରିକା ଏବଂ ଇରାନ ପ୍ରତିବନ୍ଧକ ଉଠାଇବା ଏବଂ ଏହାକୁ ସମସ୍ତ ଦେଶ ପାଇଁ ସମ୍ପୂର୍ଣ୍ଣ ଭାବରେ ଖୋଲିବା ପାଇଁ ସେମାନେ ଏକାଠି କାମ କରିବାକୁ ସହମତ ହୋଇଥିଲେ। ଭାରତ ଏବଂ ୟୁକେ ଉଭୟ ସେମାନଙ୍କର ଶକ୍ତି ଆବଶ୍ୟକତା ପାଇଁ ଆମଦାନୀ ଉପରେ ନିର୍ଭର କରନ୍ତି, ଏବଂ ହରମୁଜ୍ ପ୍ରଣାଳୀ ବନ୍ଦ ହେବା ଦ୍ୱାରା ଶକ୍ତି ସଙ୍କଟ ସୃଷ୍ଟି ହୋଇଛି। ବିଶ୍ୱ ଶକ୍ତି ସଙ୍କଟ ତୈଳ ଏବଂ ଗ୍ୟାସ ମୂଲ୍ୟ ବୃଦ୍ଧି କରି ଅର୍ଥନୀତିକୁ ପ୍ରଭାବିତ କରିଛି। ଫଳସ୍ୱରୂପ, ଭାରତ ଏବଂ ୟୁକେ ଉଭୟ ଚାହାଁନ୍ତି ଯେ ହରମୁଜ୍ ପ୍ରଣାଳୀ ସମ୍ପୂର୍ଣ୍ଣ ଭାବରେ ଖୋଲାଯାଉ।
ଏହା ସହ ପଢନ୍ତୁ : ପ୍ରେମିକାଙ୍କ ମାସିକ ଋତୁସ୍ରାବ ରକ୍ତକୁ ୮୦ ଡିଗ୍ରୀ ଫ୍ରିଜରରେ ରଖନ୍ତି ଏହି କୋଟିପତି ଟେକ୍ ଉଦ୍ୟୋଗୀ, କାରଣ ଜାଣିଲେ ଆପଣଙ୍କ ମଥା ଘୁରିଯିବ…
ସ୍ପଷ୍ଟୀକରଣ: ଏହି ବିଷୟବସ୍ତୁଟି ସୂଚନାମୂଳକ ଉଦ୍ଦେଶ୍ୟରେ PRAMEYA - ପ୍ରମେୟ ରୁ ସ୍ୱୟଂଚାଳିତ ଭାବରେ ସଂଗ୍ରହ କରାଯାଇଛି। ମୂଳ ଲେଖାଟି ପଢ଼ିବା ପାଇଁ, ଦୟାକରି ଏଠାରେ ଦେଖନ୍ତୁ।
